| Library / Tipiṭaka / ತಿಪಿಟಕ • Tipiṭaka / ಇತಿವುತ್ತಕಪಾಳಿ • Itivuttakapāḷi |
೪. ಸನ್ತತರಸುತ್ತಂ
4. Santatarasuttaṃ
೭೩. ವುತ್ತಞ್ಹೇತಂ ಭಗವತಾ, ವುತ್ತಮರಹತಾತಿ ಮೇ ಸುತಂ –
73. Vuttañhetaṃ bhagavatā, vuttamarahatāti me sutaṃ –
‘‘ರೂಪೇಹಿ, ಭಿಕ್ಖವೇ, ಅರೂಪಾ 1 ಸನ್ತತರಾ, ಅರೂಪೇಹಿ ನಿರೋಧೋ ಸನ್ತತರೋ’’ತಿ। ಏತಮತ್ಥಂ ಭಗವಾ ಅವೋಚ। ತತ್ಥೇತಂ ಇತಿ ವುಚ್ಚತಿ –
‘‘Rūpehi, bhikkhave, arūpā 2 santatarā, arūpehi nirodho santataro’’ti. Etamatthaṃ bhagavā avoca. Tatthetaṃ iti vuccati –
ನಿರೋಧಂ ಅಪ್ಪಜಾನನ್ತಾ, ಆಗನ್ತಾರೋ ಪುನಬ್ಭವಂ॥
Nirodhaṃ appajānantā, āgantāro punabbhavaṃ.
‘‘ಯೇ ಚ ರೂಪೇ ಪರಿಞ್ಞಾಯ, ಅರೂಪೇಸು ಅಸಣ್ಠಿತಾ।
‘‘Ye ca rūpe pariññāya, arūpesu asaṇṭhitā;
ನಿರೋಧೇ ಯೇ ವಿಮುಚ್ಚನ್ತಿ, ತೇ ಜನಾ ಮಚ್ಚುಹಾಯಿನೋ॥
Nirodhe ye vimuccanti, te janā maccuhāyino.
‘‘ಕಾಯೇನ ಅಮತಂ ಧಾತುಂ, ಫುಸಯಿತ್ವಾ ನಿರೂಪಧಿಂ।
‘‘Kāyena amataṃ dhātuṃ, phusayitvā nirūpadhiṃ;
ಉಪಧಿಪ್ಪಟಿನಿಸ್ಸಗ್ಗಂ, ಸಚ್ಛಿಕತ್ವಾ ಅನಾಸವೋ।
Upadhippaṭinissaggaṃ, sacchikatvā anāsavo;
ದೇಸೇತಿ ಸಮ್ಮಾಸಮ್ಬುದ್ಧೋ, ಅಸೋಕಂ ವಿರಜಂ ಪದ’’ನ್ತಿ॥
Deseti sammāsambuddho, asokaṃ virajaṃ pada’’nti.
ಅಯಮ್ಪಿ ಅತ್ಥೋ ವುತ್ತೋ ಭಗವತಾ, ಇತಿ ಮೇ ಸುತನ್ತಿ। ಚತುತ್ಥಂ।
Ayampi attho vutto bhagavatā, iti me sutanti. Catutthaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಇತಿವುತ್ತಕ-ಅಟ್ಠಕಥಾ • Itivuttaka-aṭṭhakathā / ೪. ಸನ್ತತರಸುತ್ತವಣ್ಣನಾ • 4. Santatarasuttavaṇṇanā
