| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๔. สนฺตตรสุตฺตํ
4. Santatarasuttaṃ
๗๓. วุตฺตเญฺหตํ ภควตา, วุตฺตมรหตาติ เม สุตํ –
73. Vuttañhetaṃ bhagavatā, vuttamarahatāti me sutaṃ –
‘‘รูเปหิ, ภิกฺขเว, อรูปา 1 สนฺตตรา, อรูเปหิ นิโรโธ สนฺตตโร’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Rūpehi, bhikkhave, arūpā 2 santatarā, arūpehi nirodho santataro’’ti. Etamatthaṃ bhagavā avoca. Tatthetaṃ iti vuccati –
นิโรธํ อปฺปชานนฺตา, อาคนฺตาโร ปุนพฺภวํฯ
Nirodhaṃ appajānantā, āgantāro punabbhavaṃ.
‘‘เย จ รูเป ปริญฺญาย, อรูเปสุ อสณฺฐิตา;
‘‘Ye ca rūpe pariññāya, arūpesu asaṇṭhitā;
นิโรเธ เย วิมุจฺจนฺติ, เต ชนา มจฺจุหายิโนฯ
Nirodhe ye vimuccanti, te janā maccuhāyino.
‘‘กาเยน อมตํ ธาตุํ, ผุสยิตฺวา นิรูปธิํ;
‘‘Kāyena amataṃ dhātuṃ, phusayitvā nirūpadhiṃ;
อุปธิปฺปฎินิสฺสคฺคํ, สจฺฉิกตฺวา อนาสโว;
Upadhippaṭinissaggaṃ, sacchikatvā anāsavo;
เทเสติ สมฺมาสมฺพุโทฺธ, อโสกํ วิรชํ ปท’’นฺติฯ
Deseti sammāsambuddho, asokaṃ virajaṃ pada’’nti.
อยมฺปิ อโตฺถ วุโตฺต ภควตา, อิติ เม สุตนฺติฯ จตุตฺถํฯ
Ayampi attho vutto bhagavatā, iti me sutanti. Catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๔. สนฺตตรสุตฺตวณฺณนา • 4. Santatarasuttavaṇṇanā
