| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৪. সন্ততরসুত্তং
4. Santatarasuttaṃ
৭৩. ৰুত্তঞ্হেতং ভগৰতা, ৰুত্তমরহতাতি মে সুতং –
73. Vuttañhetaṃ bhagavatā, vuttamarahatāti me sutaṃ –
‘‘রূপেহি, ভিক্খৰে, অরূপা 1 সন্ততরা, অরূপেহি নিরোধো সন্ততরো’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Rūpehi, bhikkhave, arūpā 2 santatarā, arūpehi nirodho santataro’’ti. Etamatthaṃ bhagavā avoca. Tatthetaṃ iti vuccati –
নিরোধং অপ্পজানন্তা, আগন্তারো পুনব্ভৰং॥
Nirodhaṃ appajānantā, āgantāro punabbhavaṃ.
‘‘যে চ রূপে পরিঞ্ঞায, অরূপেসু অসণ্ঠিতা।
‘‘Ye ca rūpe pariññāya, arūpesu asaṇṭhitā;
নিরোধে যে ৰিমুচ্চন্তি, তে জনা মচ্চুহাযিনো॥
Nirodhe ye vimuccanti, te janā maccuhāyino.
‘‘কাযেন অমতং ধাতুং, ফুসযিত্ৰা নিরূপধিং।
‘‘Kāyena amataṃ dhātuṃ, phusayitvā nirūpadhiṃ;
উপধিপ্পটিনিস্সগ্গং, সচ্ছিকত্ৰা অনাসৰো।
Upadhippaṭinissaggaṃ, sacchikatvā anāsavo;
দেসেতি সম্মাসম্বুদ্ধো, অসোকং ৰিরজং পদ’’ন্তি॥
Deseti sammāsambuddho, asokaṃ virajaṃ pada’’nti.
অযম্পি অত্থো ৰুত্তো ভগৰতা, ইতি মে সুতন্তি। চতুত্থং।
Ayampi attho vutto bhagavatā, iti me sutanti. Catutthaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৪. সন্ততরসুত্তৰণ্ণনা • 4. Santatarasuttavaṇṇanā
