| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༣. སཉྙོཛནཀཐཱཝཎྞནཱ
3. Saññojanakathāvaṇṇanā
༨༨༡-༨༨༢. ཨིདཱནི སཉྙོཛནཀཐཱ ནཱམ ཧོཏི། ཏཏྠ ཡསྨཱ ཨརཧཱ སབྦཾ བུདྡྷཝིསཡཾ ན ཛཱནཱཏི, ཏསྨཱ ཏསྶ ཏཏྠ ཨཝིཛྫཱཝིཙིཀིཙྪཱཧི ཨཔྤཧཱིནཱཧི བྷཝིཏབྦནྟི སཉྙཱཡ ‘‘ཨཏྠི ཀིཉྩི སཉྙོཛནཾ ཨཔྤཧཱཡ ཨརཧཏྟཔྤཏྟཱི’’ཏི ཡེསཾ ལདྡྷི, སེཡྻཐཱཔི མཧཱསངྒྷིཀཱནཾ, ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཏྠི ཀིཉྩི སཀྐཱཡདིཊྛཱིཏིཨཱདི ཨརཧཏོ སབྦསཾཡོཛནཔྤཧཱནདསྶནཏྠཾ ཝུཏྟཾ། སབྦཾ བུདྡྷཝིསཡནྟི པཉྷདྭཡེ ཨརཧཏོ སབྦཉྙུཏཉྙཱཎཱབྷཱཝེན པཊིསེདྷོ ཀཏོ, ན ཨཝིཛྫཱཝིཙིཀིཙྪཱནཾ ཨཔྤཧཱནེན། ཨིཏརོ པན ཏེསཾ ཨཔྤཧཱིནཏཾ སནྡྷཱཡ ཏེན ཧཱིཏི ལདྡྷིཾ པཏིཊྛཔེཏི། སཱ ཨཡོནིསོ པཏིཊྛཱཔིཏཏྟཱ ཨཔྤཏིཊྛིཏཱཝ ཧོཏཱིཏི།
881-882. Idāni saññojanakathā nāma hoti. Tattha yasmā arahā sabbaṃ buddhavisayaṃ na jānāti, tasmā tassa tattha avijjāvicikicchāhi appahīnāhi bhavitabbanti saññāya ‘‘atthi kiñci saññojanaṃ appahāya arahattappattī’’ti yesaṃ laddhi, seyyathāpi mahāsaṅghikānaṃ, te sandhāya pucchā sakavādissa, paṭiññā itarassa. Atthi kiñci sakkāyadiṭṭhītiādi arahato sabbasaṃyojanappahānadassanatthaṃ vuttaṃ. Sabbaṃ buddhavisayanti pañhadvaye arahato sabbaññutaññāṇābhāvena paṭisedho kato, na avijjāvicikicchānaṃ appahānena. Itaro pana tesaṃ appahīnataṃ sandhāya tena hīti laddhiṃ patiṭṭhapeti. Sā ayoniso patiṭṭhāpitattā appatiṭṭhitāva hotīti.
སཉྙོཛནཀཐཱཝཎྞནཱ།
Saññojanakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༢༠༢) ༣. སཾཡོཛནཀཐཱ • (202) 3. Saṃyojanakathā
