| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೩. ಸಞ್ಞೋಜನಕಥಾವಣ್ಣನಾ
3. Saññojanakathāvaṇṇanā
೮೮೧-೮೮೨. ಇದಾನಿ ಸಞ್ಞೋಜನಕಥಾ ನಾಮ ಹೋತಿ। ತತ್ಥ ಯಸ್ಮಾ ಅರಹಾ ಸಬ್ಬಂ ಬುದ್ಧವಿಸಯಂ ನ ಜಾನಾತಿ, ತಸ್ಮಾ ತಸ್ಸ ತತ್ಥ ಅವಿಜ್ಜಾವಿಚಿಕಿಚ್ಛಾಹಿ ಅಪ್ಪಹೀನಾಹಿ ಭವಿತಬ್ಬನ್ತಿ ಸಞ್ಞಾಯ ‘‘ಅತ್ಥಿ ಕಿಞ್ಚಿ ಸಞ್ಞೋಜನಂ ಅಪ್ಪಹಾಯ ಅರಹತ್ತಪ್ಪತ್ತೀ’’ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಮಹಾಸಙ್ಘಿಕಾನಂ, ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಅತ್ಥಿ ಕಿಞ್ಚಿ ಸಕ್ಕಾಯದಿಟ್ಠೀತಿಆದಿ ಅರಹತೋ ಸಬ್ಬಸಂಯೋಜನಪ್ಪಹಾನದಸ್ಸನತ್ಥಂ ವುತ್ತಂ। ಸಬ್ಬಂ ಬುದ್ಧವಿಸಯನ್ತಿ ಪಞ್ಹದ್ವಯೇ ಅರಹತೋ ಸಬ್ಬಞ್ಞುತಞ್ಞಾಣಾಭಾವೇನ ಪಟಿಸೇಧೋ ಕತೋ, ನ ಅವಿಜ್ಜಾವಿಚಿಕಿಚ್ಛಾನಂ ಅಪ್ಪಹಾನೇನ। ಇತರೋ ಪನ ತೇಸಂ ಅಪ್ಪಹೀನತಂ ಸನ್ಧಾಯ ತೇನ ಹೀತಿ ಲದ್ಧಿಂ ಪತಿಟ್ಠಪೇತಿ। ಸಾ ಅಯೋನಿಸೋ ಪತಿಟ್ಠಾಪಿತತ್ತಾ ಅಪ್ಪತಿಟ್ಠಿತಾವ ಹೋತೀತಿ।
881-882. Idāni saññojanakathā nāma hoti. Tattha yasmā arahā sabbaṃ buddhavisayaṃ na jānāti, tasmā tassa tattha avijjāvicikicchāhi appahīnāhi bhavitabbanti saññāya ‘‘atthi kiñci saññojanaṃ appahāya arahattappattī’’ti yesaṃ laddhi, seyyathāpi mahāsaṅghikānaṃ, te sandhāya pucchā sakavādissa, paṭiññā itarassa. Atthi kiñci sakkāyadiṭṭhītiādi arahato sabbasaṃyojanappahānadassanatthaṃ vuttaṃ. Sabbaṃ buddhavisayanti pañhadvaye arahato sabbaññutaññāṇābhāvena paṭisedho kato, na avijjāvicikicchānaṃ appahānena. Itaro pana tesaṃ appahīnataṃ sandhāya tena hīti laddhiṃ patiṭṭhapeti. Sā ayoniso patiṭṭhāpitattā appatiṭṭhitāva hotīti.
ಸಞ್ಞೋಜನಕಥಾವಣ್ಣನಾ।
Saññojanakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೨೦೨) ೩. ಸಂಯೋಜನಕಥಾ • (202) 3. Saṃyojanakathā
