| Library / Tipiṭaka / តិបិដក • Tipiṭaka / កង្ខាវិតរណី-បុរាណ-ដីកា • Kaṅkhāvitaraṇī-purāṇa-ṭīkā |
៨. សន្និធិការកសិក្ខាបទវណ្ណនា
8. Sannidhikārakasikkhāpadavaṇṇanā
‘‘ទុទ្ធោតោ ហោតី’’តិអាទិនា នយេន ឥធ វុត្តត្តា, ‘‘ទុទ្ធោតំ បត្តំ ធោវិត្វា បុន
‘‘Duddhotohotī’’tiādinā nayena idha vuttattā, ‘‘duddhotaṃ pattaṃ dhovitvā puna
តត្ថ អច្ឆោទកំ វា អាសិញ្ចិត្វា, អង្គុលិយា វា ឃំសិត្វា និស្នេហភាវោ ជានិតព្ពោ’’តិ (បាចិ. អដ្ឋ. ២៥៣) សមន្តបាសាទិកាយំ វុត្តត្តា ច មត្តិកាបត្តស្ស កបាលេន បីតោ ស្នេហោ សន្និធិំ ករោតីតិ សិទ្ធន្តិ លិខិតំ។ សយំ បដិគ្គហេត្វា អបរិច្ចត្តមេវាតិ ឯត្ថ អបរិច្ចត្តំ នាម អនុបសម្បន្នានំ និរបេក្ខអបរិច្ចត្តំ អវិជហិតំ។ ‘‘បដិគ្គហណន្តិ ឯត្ថ បដិគ្គហិតភាវមវិជហិតមេវ សន្និធិំ ជនេតី’’តិ ធម្មសិរិត្ថេរោ, តំ ‘‘បដិគ្គណ្ហាតិ, អាបត្តិ ទុក្កដស្សា’’តិ (បាចិ. ២៥៥) បាឡិយា វិរុជ្ឈតិ។ តស្ស បន បុន បដិគ្គណ្ហនកិច្ចាភាវតោ វីមំសិតព្ពំ។
Tattha acchodakaṃ vā āsiñcitvā, aṅguliyā vā ghaṃsitvā nisnehabhāvo jānitabbo’’ti (pāci. aṭṭha. 253) samantapāsādikāyaṃ vuttattā ca mattikāpattassa kapālena pīto sneho sannidhiṃ karotīti siddhanti likhitaṃ. Sayaṃ paṭiggahetvā apariccattamevāti ettha apariccattaṃ nāma anupasampannānaṃ nirapekkhaapariccattaṃ avijahitaṃ. ‘‘Paṭiggahaṇanti ettha paṭiggahitabhāvamavijahitameva sannidhiṃ janetī’’ti dhammasiritthero, taṃ ‘‘paṭiggaṇhāti, āpatti dukkaṭassā’’ti (pāci. 255) pāḷiyā virujjhati. Tassa pana puna paṭiggaṇhanakiccābhāvato vīmaṃsitabbaṃ.
សន្និធិការកសិក្ខាបទវណ្ណនា និដ្ឋិតា។
Sannidhikārakasikkhāpadavaṇṇanā niṭṭhitā.
