| Library / Tipiṭaka / ติปิฎก • Tipiṭaka / กงฺขาวิตรณี-ปุราณ-ฎีกา • Kaṅkhāvitaraṇī-purāṇa-ṭīkā |
๘. สนฺนิธิการกสิกฺขาปทวณฺณนา
8. Sannidhikārakasikkhāpadavaṇṇanā
‘‘ทุโทฺธโต โหตี’’ติอาทินา นเยน อิธ วุตฺตตฺตา, ‘‘ทุโทฺธตํ ปตฺตํ โธวิตฺวา ปุน
‘‘Duddhotohotī’’tiādinā nayena idha vuttattā, ‘‘duddhotaṃ pattaṃ dhovitvā puna
ตตฺถ อโจฺฉทกํ วา อาสิญฺจิตฺวา, องฺคุลิยา วา ฆํสิตฺวา นิเสฺนหภาโว ชานิตโพฺพ’’ติ (ปาจิ. อฎฺฐ. ๒๕๓) สมนฺตปาสาทิกายํ วุตฺตตฺตา จ มตฺติกาปตฺตสฺส กปาเลน ปีโต เสฺนโห สนฺนิธิํ กโรตีติ สิทฺธนฺติ ลิขิตํฯ สยํ ปฎิคฺคเหตฺวา อปริจฺจตฺตเมวาติ เอตฺถ อปริจฺจตฺตํ นาม อนุปสมฺปนฺนานํ นิรเปกฺขอปริจฺจตฺตํ อวิชหิตํฯ ‘‘ปฎิคฺคหณนฺติ เอตฺถ ปฎิคฺคหิตภาวมวิชหิตเมว สนฺนิธิํ ชเนตี’’ติ ธมฺมสิริเตฺถโร, ตํ ‘‘ปฎิคฺคณฺหาติ, อาปตฺติ ทุกฺกฎสฺสา’’ติ (ปาจิ. ๒๕๕) ปาฬิยา วิรุชฺฌติฯ ตสฺส ปน ปุน ปฎิคฺคณฺหนกิจฺจาภาวโต วีมํสิตพฺพํฯ
Tattha acchodakaṃ vā āsiñcitvā, aṅguliyā vā ghaṃsitvā nisnehabhāvo jānitabbo’’ti (pāci. aṭṭha. 253) samantapāsādikāyaṃ vuttattā ca mattikāpattassa kapālena pīto sneho sannidhiṃ karotīti siddhanti likhitaṃ. Sayaṃ paṭiggahetvā apariccattamevāti ettha apariccattaṃ nāma anupasampannānaṃ nirapekkhaapariccattaṃ avijahitaṃ. ‘‘Paṭiggahaṇanti ettha paṭiggahitabhāvamavijahitameva sannidhiṃ janetī’’ti dhammasiritthero, taṃ ‘‘paṭiggaṇhāti, āpatti dukkaṭassā’’ti (pāci. 255) pāḷiyā virujjhati. Tassa pana puna paṭiggaṇhanakiccābhāvato vīmaṃsitabbaṃ.
สนฺนิธิการกสิกฺขาปทวณฺณนา นิฎฺฐิตาฯ
Sannidhikārakasikkhāpadavaṇṇanā niṭṭhitā.
