| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౭. సఞ్ఞానానత్తసుత్తవణ్ణనా
7. Saññānānattasuttavaṇṇanā
౯౧. సత్తమే రూపధాతూతి ఆపాథే పతితం అత్తనో వా పరస్స వా సాటకవేఠనాదివత్థుకం రూపారమ్మణం. రూపసఞ్ఞాతి చక్ఖువిఞ్ఞాణసమ్పయుత్తా సఞ్ఞా. రూపసఙ్కప్పోతి సమ్పటిచ్ఛనాదీహి తీహి చిత్తేహి సమ్పయుత్తో సఙ్కప్పో. రూపచ్ఛన్దోతి రూపే ఛన్దికతట్ఠేన ఛన్దో. రూపపరిళాహోతి రూపే అనుడహనట్ఠేన పరిళాహో. రూపపరియేసనాతి పరిళాహే ఉప్పన్నే సన్దిట్ఠసమ్భత్తే గహేత్వా తస్స రూపస్స పటిలాభత్థాయ పరియేసనా. ఏత్థ చ సఞ్ఞాసఙ్కప్పఛన్దా ఏకజవనవారేపి నానాజవనవారేపి లబ్భన్తి, పరిళాహపరియేసనా పన నానాజవనవారేయేవ లబ్భన్తీతి. ఏవం ఖో, భిక్ఖవే, ధాతునానత్తన్తి ఏత్థ చ ఏవం రూపాదినానాసభావం ధాతుం పటిచ్చ రూపసఞ్ఞాదినానాసభావసఞ్ఞా ఉప్పజ్జతీతి ఇమినా నయేన అత్థో వేదితబ్బో. సత్తమం.
91. Sattame rūpadhātūti āpāthe patitaṃ attano vā parassa vā sāṭakaveṭhanādivatthukaṃ rūpārammaṇaṃ. Rūpasaññāti cakkhuviññāṇasampayuttā saññā. Rūpasaṅkappoti sampaṭicchanādīhi tīhi cittehi sampayutto saṅkappo. Rūpacchandoti rūpe chandikataṭṭhena chando. Rūpapariḷāhoti rūpe anuḍahanaṭṭhena pariḷāho. Rūpapariyesanāti pariḷāhe uppanne sandiṭṭhasambhatte gahetvā tassa rūpassa paṭilābhatthāya pariyesanā. Ettha ca saññāsaṅkappachandā ekajavanavārepi nānājavanavārepi labbhanti, pariḷāhapariyesanā pana nānājavanavāreyeva labbhantīti. Evaṃ kho, bhikkhave, dhātunānattanti ettha ca evaṃ rūpādinānāsabhāvaṃ dhātuṃ paṭicca rūpasaññādinānāsabhāvasaññā uppajjatīti iminā nayena attho veditabbo. Sattamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౭. సఞ్ఞానానత్తసుత్తం • 7. Saññānānattasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౭. సఞ్ఞానానత్తసుత్తవణ్ణనా • 7. Saññānānattasuttavaṇṇanā
