| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༡༠. སཉྙཱལཀྑཎཔཉྷོ
10. Saññālakkhaṇapañho
༡༠. ‘‘བྷནྟེ ནཱགསེན, ཀིཾལཀྑཎཱ སཉྙཱ’’ཏི? ‘‘སཉྫཱནནལཀྑཎཱ, མཧཱརཱཛ, སཉྙཱ། ཀིཾ སཉྫཱནཱཏི? ནཱིལམྤི སཉྫཱནཱཏི, པཱིཏམྤི སཉྫཱནཱཏི, ལོཧིཏམྤི སཉྫཱནཱཏི, ཨོདཱཏམྤི སཉྫཱནཱཏི, མཉྫིཊྛམྤི 1 སཉྫཱནཱཏི། ཨེཝཾ ཁོ, མཧཱརཱཛ, སཉྫཱནནལཀྑཎཱ སཉྙཱ’’ཏི།
10. ‘‘Bhante nāgasena, kiṃlakkhaṇā saññā’’ti? ‘‘Sañjānanalakkhaṇā, mahārāja, saññā. Kiṃ sañjānāti? Nīlampi sañjānāti, pītampi sañjānāti, lohitampi sañjānāti, odātampi sañjānāti, mañjiṭṭhampi 2 sañjānāti. Evaṃ kho, mahārāja, sañjānanalakkhaṇā saññā’’ti.
‘‘ཨོཔམྨཾ ཀརོཧཱི’’ཏི། ‘‘ཡཐཱ, མཧཱརཱཛ, རཉྙོ བྷཎྜཱགཱརིཀོ བྷཎྜཱགཱརཾ པཝིསིཏྭཱ ནཱིལཔཱིཏལོཧིཏོདཱཏམཉྫིཊྛཱནི 3 རཱཛབྷོགཱནི རཱུཔཱནི པསྶིཏྭཱ སཉྫཱནཱཏི། ཨེཝཾ ཁོ, མཧཱརཱཛ, སཉྫཱནནལཀྑཎཱ སཉྙཱ’’ཏི།
‘‘Opammaṃ karohī’’ti. ‘‘Yathā, mahārāja, rañño bhaṇḍāgāriko bhaṇḍāgāraṃ pavisitvā nīlapītalohitodātamañjiṭṭhāni 4 rājabhogāni rūpāni passitvā sañjānāti. Evaṃ kho, mahārāja, sañjānanalakkhaṇā saññā’’ti.
‘‘ཀལློསི, བྷནྟེ ནཱགསེནཱ’’ཏི།
‘‘Kallosi, bhante nāgasenā’’ti.
སཉྙཱལཀྑཎཔཉྷོ དསམོ།
Saññālakkhaṇapañho dasamo.
Footnotes:
