| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၁၀. သညာလက္ခဏပဉ္ဟော
10. Saññālakkhaṇapañho
၁၀. ‘‘ဘန္တေ နာဂသေန, ကိံလက္ခဏာ သညာ’’တိ? ‘‘သဉ္ဇာနနလက္ခဏာ, မဟာရာဇ, သညာ။ ကိံ သဉ္ဇာနာတိ? နီလမ္ပိ သဉ္ဇာနာတိ, ပီတမ္ပိ သဉ္ဇာနာတိ, လောဟိတမ္ပိ သဉ္ဇာနာတိ, ဩဒာတမ္ပိ သဉ္ဇာနာတိ, မဉ္ဇိဋ္ဌမ္ပိ 1 သဉ္ဇာနာတိ။ ဧဝံ ခော, မဟာရာဇ, သဉ္ဇာနနလက္ခဏာ သညာ’’တိ။
10. ‘‘Bhante nāgasena, kiṃlakkhaṇā saññā’’ti? ‘‘Sañjānanalakkhaṇā, mahārāja, saññā. Kiṃ sañjānāti? Nīlampi sañjānāti, pītampi sañjānāti, lohitampi sañjānāti, odātampi sañjānāti, mañjiṭṭhampi 2 sañjānāti. Evaṃ kho, mahārāja, sañjānanalakkhaṇā saññā’’ti.
‘‘ဩပမ္မံ ကရောဟီ’’တိ။ ‘‘ယထာ, မဟာရာဇ, ရညော ဘဏ္ဍာဂာရိကော ဘဏ္ဍာဂာရံ ပဝိသိတ္ဝာ နီလပီတလောဟိတောဒာတမဉ္ဇိဋ္ဌာနိ 3 ရာဇဘောဂာနိ ရူပာနိ ပသ္သိတ္ဝာ သဉ္ဇာနာတိ။ ဧဝံ ခော, မဟာရာဇ, သဉ္ဇာနနလက္ခဏာ သညာ’’တိ။
‘‘Opammaṃ karohī’’ti. ‘‘Yathā, mahārāja, rañño bhaṇḍāgāriko bhaṇḍāgāraṃ pavisitvā nīlapītalohitodātamañjiṭṭhāni 4 rājabhogāni rūpāni passitvā sañjānāti. Evaṃ kho, mahārāja, sañjānanalakkhaṇā saññā’’ti.
‘‘ကလ္လောသိ, ဘန္တေ နာဂသေနာ’’တိ။
‘‘Kallosi, bhante nāgasenā’’ti.
သညာလက္ခဏပဉ္ဟော ဒသမော။
Saññālakkhaṇapañho dasamo.
Footnotes:
