| Library / Tipiṭaka / తిపిటక • Tipiṭaka / మిలిన్దపఞ్హపాళి • Milindapañhapāḷi |
౧౦. సఞ్ఞాలక్ఖణపఞ్హో
10. Saññālakkhaṇapañho
౧౦. ‘‘భన్తే నాగసేన, కింలక్ఖణా సఞ్ఞా’’తి? ‘‘సఞ్జాననలక్ఖణా, మహారాజ, సఞ్ఞా. కిం సఞ్జానాతి? నీలమ్పి సఞ్జానాతి, పీతమ్పి సఞ్జానాతి, లోహితమ్పి సఞ్జానాతి, ఓదాతమ్పి సఞ్జానాతి, మఞ్జిట్ఠమ్పి 1 సఞ్జానాతి. ఏవం ఖో, మహారాజ, సఞ్జాననలక్ఖణా సఞ్ఞా’’తి.
10. ‘‘Bhante nāgasena, kiṃlakkhaṇā saññā’’ti? ‘‘Sañjānanalakkhaṇā, mahārāja, saññā. Kiṃ sañjānāti? Nīlampi sañjānāti, pītampi sañjānāti, lohitampi sañjānāti, odātampi sañjānāti, mañjiṭṭhampi 2 sañjānāti. Evaṃ kho, mahārāja, sañjānanalakkhaṇā saññā’’ti.
‘‘ఓపమ్మం కరోహీ’’తి. ‘‘యథా, మహారాజ, రఞ్ఞో భణ్డాగారికో భణ్డాగారం పవిసిత్వా నీలపీతలోహితోదాతమఞ్జిట్ఠాని 3 రాజభోగాని రూపాని పస్సిత్వా సఞ్జానాతి. ఏవం ఖో, మహారాజ, సఞ్జాననలక్ఖణా సఞ్ఞా’’తి.
‘‘Opammaṃ karohī’’ti. ‘‘Yathā, mahārāja, rañño bhaṇḍāgāriko bhaṇḍāgāraṃ pavisitvā nīlapītalohitodātamañjiṭṭhāni 4 rājabhogāni rūpāni passitvā sañjānāti. Evaṃ kho, mahārāja, sañjānanalakkhaṇā saññā’’ti.
‘‘కల్లోసి, భన్తే నాగసేనా’’తి.
‘‘Kallosi, bhante nāgasenā’’ti.
సఞ్ఞాలక్ఖణపఞ్హో దసమో.
Saññālakkhaṇapañho dasamo.
Footnotes:
