| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. сан̇кад̇алагкан̣асуд̇д̇аван̣н̣анаа
7. Saṅkhatalakkhaṇasuttavaṇṇanā
47. сад̇д̇амз самзжжа самбхууяа бажжаязхи гад̇ам̣ сан̇кад̇ам̣. нимид̇д̇аанийд̇и сан̃ж̇аананасса нимид̇д̇аани. хзд̇убажжаяасамавааяз уббаж̇ж̇анам̣ уббаад̣̇о, ад̇д̇алаабхо. ваяод̇и бхан̇г̇о. тид̇ассаад̇и уббаад̣̇агкан̣ад̇о уд̣̇д̇хам̣ тид̇игкан̣абад̇д̇асса. саа банасса авад̇т̇аа уббаад̣̇аавад̇т̇ааяа бхиннаад̇и гад̇ваа ан̃н̃ат̇ад̇д̇ам̣ ж̇араад̇и жа вуд̇д̇аа. яасмаа д̇хаммо уббаж̇ж̇амаано зва бхиж̇ж̇ад̇и, д̇ат̇аа сад̇и уббаад̣̇абхан̇г̇аа самаанагкан̣аа сияум̣, на жа д̇ам̣ яуж̇ж̇ад̇и, д̇асмаа уббаад̣̇аавад̇т̇ааяа бхиннаа бхан̇г̇аабхимукаавад̇т̇аа ж̇араад̇и взд̣̇ид̇аб̣б̣аа. яз бана ‘‘сан̇каараанам̣ тид̇и над̇т̇ий’’д̇и вад̣̇анд̇и, д̇зсам̣ д̇ам̣ мижчаа. яат̇аа хи д̇ассзва д̇хаммасса уббаад̣̇аавад̇т̇ааяа бхиннаа бхан̇г̇аавад̇т̇аа ижчид̇аа, ан̃н̃ат̇аа ‘‘ан̃н̃ам̣ уббаж̇ж̇ад̇и, ан̃н̃ам̣ нируж̇жхад̇ий’’д̇и аабаж̇ж̇ад̇и, звам̣ уббаж̇ж̇амаанасса бхан̇г̇аабхимукаа д̇хаммаа ижчид̇аб̣б̣аа. саа жа тид̇игкан̣о. на хи уббаж̇ж̇амаано бхиж̇ж̇ад̇ийд̇и саггаа вин̃н̃аад̇унд̇и.
47. Sattame samecca sambhūya paccayehi kataṃ saṅkhataṃ. Nimittānīti sañjānanassa nimittāni. Hetupaccayasamavāye uppajjanaṃ uppādo, attalābho. Vayoti bhaṅgo. Ṭhitassāti uppādakkhaṇato uddhaṃ ṭhitikkhaṇapattassa. Sā panassa avatthā uppādāvatthāya bhinnāti katvā aññathattaṃ jarāti ca vuttā. Yasmā dhammo uppajjamāno eva bhijjati, tathā sati uppādabhaṅgā samānakkhaṇā siyuṃ, na ca taṃ yujjati, tasmā uppādāvatthāya bhinnā bhaṅgābhimukhāvatthā jarāti veditabbā. Ye pana ‘‘saṅkhārānaṃ ṭhiti natthī’’ti vadanti, tesaṃ taṃ micchā. Yathā hi tasseva dhammassa uppādāvatthāya bhinnā bhaṅgāvatthā icchitā, aññathā ‘‘aññaṃ uppajjati, aññaṃ nirujjhatī’’ti āpajjati, evaṃ uppajjamānassa bhaṅgābhimukhā dhammā icchitabbā. Sā ca ṭhitikkhaṇo. Na hi uppajjamāno bhijjatīti sakkā viññātunti.
сан̇кад̇анд̇и д̇збхуумагаа д̇хаммаа бажжаяасамуббаннад̇д̇аа. яад̣̇и звам̣ маг̇г̇апалад̇хаммаа гат̇анд̇и ааха ‘‘маг̇г̇апалаани банаа’’д̇иаад̣̇и. лагкан̣агат̇аа хи яаавад̣̇зва саммасанад̇т̇аа. уббаад̣̇агкан̣з уббаад̣̇о, на таанабхан̇г̇агкан̣зсу. гасмаа? уббаад̣̇ауббаад̣̇агкан̣аанам̣ ан̃н̃аман̃н̃ам̣ барижчиннад̇д̇аа. яат̇аа хи уббаад̣̇асан̇каад̇зна вигаарзна уббаад̣̇агкан̣о барижчинно, звам̣ уббаад̣̇агкан̣знаби уббаад̣̇о барижчинно. сзсад̣̇ваязби зсзва наяо. д̇хаммаббавад̇д̇имад̇д̇ад̇ааяаби гааласса логасаман̃н̃аавасзнзва вуд̇д̇ам̣. лагкан̣ам̣ на сан̇кад̇ам̣, сан̇кад̇ам̣ на лагкан̣анд̇и нзсам̣ бхзд̣̇ад̣̇ассанам̣. авад̇т̇аавад̇о хи авад̇т̇аа бхиннааваад̇и . барижчиннанд̇и зд̇т̇а уббаад̣̇аваязхи д̇аава сан̇кад̇ам̣ барижчиннам̣ ход̇у, ж̇арааяа бана д̇ам̣ гат̇ам̣ барижчиннанд̇и вужжад̇и? на вужжад̇и барижчзд̣̇о буб̣б̣анд̇аабаранд̇амад̇д̇зна, ат̇а ко сабхаавабхзд̣̇знаад̇и нааяам̣ д̣̇осо. сан̇кад̇ам̣ д̇хаммаж̇аад̇ам̣ барижчиннам̣ д̇аб̣б̣анд̇ам̣ д̇хаммаж̇аад̇ам̣ сан̇кад̇анд̇и бан̃н̃ааяад̇и звам̣ д̇зсам̣ абхаавзна ниб̣б̣аанамзд̇анд̇и лагкид̇аб̣б̣ад̇о сан̃ж̇аанид̇аб̣б̣ад̇о. ид̣̇аани ‘‘яат̇аа хий’’д̇иаад̣̇инаа яат̇аавуд̇д̇амад̇д̇ам̣ убамаахи вибхаавзд̇и.
Saṅkhatanti tebhūmakā dhammā paccayasamuppannattā. Yadi evaṃ maggaphaladhammā kathanti āha ‘‘maggaphalāni panā’’tiādi. Lakkhaṇakathā hi yāvadeva sammasanatthā. Uppādakkhaṇe uppādo, na ṭhānabhaṅgakkhaṇesu. Kasmā? Uppādauppādakkhaṇānaṃ aññamaññaṃ paricchinnattā. Yathā hi uppādasaṅkhātena vikārena uppādakkhaṇo paricchinno, evaṃ uppādakkhaṇenapi uppādo paricchinno. Sesadvayepi eseva nayo. Dhammappavattimattatāyapi kālassa lokasamaññāvaseneva vuttaṃ. Lakkhaṇaṃ na saṅkhataṃ, saṅkhataṃ na lakkhaṇanti nesaṃ bhedadassanaṃ. Avatthāvato hi avatthā bhinnāvāti . Paricchinnanti ettha uppādavayehi tāva saṅkhataṃ paricchinnaṃ hotu, jarāya pana taṃ kathaṃ paricchinnanti vuccati? Na vuccati paricchedo pubbantāparantamattena, atha kho sabhāvabhedenāti nāyaṃ doso. Saṅkhataṃ dhammajātaṃ paricchinnaṃ tabbantaṃ dhammajātaṃ saṅkhatanti paññāyati evaṃ tesaṃ abhāvena nibbānametanti lakkhitabbato sañjānitabbato. Idāni ‘‘yathā hī’’tiādinā yathāvuttamattaṃ upamāhi vibhāveti.
сан̇кад̇алагкан̣асуд̇д̇аван̣н̣анаа нидтид̇аа.
Saṅkhatalakkhaṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. сан̇кад̇алагкан̣асуд̇д̇ам̣ • 7. Saṅkhatalakkhaṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. сан̇кад̇алагкан̣асуд̇д̇аван̣н̣анаа • 7. Saṅkhatalakkhaṇasuttavaṇṇanā
