| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౯. సఙ్కాసనసుత్తం
9. Saṅkāsanasuttaṃ
౧౦౮౯. ‘‘‘ఇదం దుక్ఖం అరియసచ్చ’న్తి భిక్ఖవే, మయా పఞ్ఞత్తం. తత్థ అపరిమాణా వణ్ణా అపరిమాణా బ్యఞ్జనా అపరిమాణా సఙ్కాసనా – ‘ఇతిపిదం దుక్ఖం అరియసచ్చ’న్తి ; ఇదం దుక్ఖసముదయం…పే॰… ఇదం దుక్ఖనిరోధం…పే॰… ‘ఇదం దుక్ఖనిరోధగామినీ పటిపదా అరియసచ్చ’న్తి, భిక్ఖవే, మయా పఞ్ఞత్తం. తత్థ అపరిమాణా వణ్ణా అపరిమాణా బ్యఞ్జనా అపరిమాణా సఙ్కాసనా – ‘ఇతిపిదం దుక్ఖనిరోధగామినీ పటిపదా అరియసచ్చ’న్తి.
1089. ‘‘‘Idaṃ dukkhaṃ ariyasacca’nti bhikkhave, mayā paññattaṃ. Tattha aparimāṇā vaṇṇā aparimāṇā byañjanā aparimāṇā saṅkāsanā – ‘itipidaṃ dukkhaṃ ariyasacca’nti ; idaṃ dukkhasamudayaṃ…pe… idaṃ dukkhanirodhaṃ…pe… ‘idaṃ dukkhanirodhagāminī paṭipadā ariyasacca’nti, bhikkhave, mayā paññattaṃ. Tattha aparimāṇā vaṇṇā aparimāṇā byañjanā aparimāṇā saṅkāsanā – ‘itipidaṃ dukkhanirodhagāminī paṭipadā ariyasacca’nti.
‘‘తస్మాతిహ, భిక్ఖవే, ‘ఇదం దుక్ఖ’న్తి యోగో కరణీయో…పే॰… ‘అయం దుక్ఖనిరోధగామినీ పటిపదా’తి యోగో కరణీయో’’తి. నవమం.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Navamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౯. సఙ్కాసనసుత్తవణ్ణనా • 9. Saṅkāsanasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౯. సఙ్కాసనసుత్తవణ్ణనా • 9. Saṅkāsanasuttavaṇṇanā
