| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੮) ੩. ਸਨਿਮਿਤ੍ਤવਗ੍ਗવਣ੍ਣਨਾ
(8) 3. Sanimittavaggavaṇṇanā
੭੮-੭੯. ਤਤਿਯਸ੍ਸ ਪਠਮੇ ਨਿਮੀਯਤਿ ਏਤ੍ਥ ਫਲਂ ਅવਸੇਸਪਚ੍ਚਯੇਹਿ ਪਕ੍ਖਿਪੀਯਤਿ વਿਯਾਤਿ ਨਿਮਿਤ੍ਤਂ, ਕਾਰਣਨ੍ਤਿ ਆਹ ‘‘ਸਨਿਮਿਤ੍ਤਾਤਿ ਸਕਾਰਣਾ’’ਤਿ। ਦੁਤਿਯਾਦੀਸੂਤਿ ਦੁਤਿਯਸੁਤ੍ਤਾਦੀਸੁ। ਏਸੇવ ਨਯੋਤਿ ਇਮਿਨਾ ਨਿਦਾਨਾਦਿਪਦਾਨਮ੍ਪਿ ਕਾਰਣਪਰਿਯਾਯਮੇવ ਦੀਪੇਤਿ। ਨਿਦਦਾਤਿ ਫਲਨ੍ਤਿ ਨਿਦਾਨਂ, ਹਿਨੋਤਿ ਫਲਂ ਪਤਿਟ੍ਠਾਤਿ ਏਤੇਨਾਤਿ ਹੇਤੁ, ਸਙ੍ਖਰੋਤਿ ਫਲਨ੍ਤਿ ਸਙ੍ਖਾਰੋ, ਪਟਿਚ੍ਚ ਏਤਸ੍ਮਾ ਫਲਂ ਏਤੀਤਿ ਪਚ੍ਚਯੋ, ਰੁਪ੍ਪਤਿ ਨਿਰੁਪ੍ਪਤਿ ਫਲਂ ਏਤ੍ਥਾਤਿ ਰੂਪਨ੍ਤਿ ਏવਂ ਨਿਦਾਨਾਦਿਪਦਾਨਮ੍ਪਿ ਹੇਤੁਪਰਿਯਾਯਤਾ વੇਦਿਤਬ੍ਬਾ।
78-79. Tatiyassa paṭhame nimīyati ettha phalaṃ avasesapaccayehi pakkhipīyati viyāti nimittaṃ, kāraṇanti āha ‘‘sanimittāti sakāraṇā’’ti. Dutiyādīsūti dutiyasuttādīsu. Eseva nayoti iminā nidānādipadānampi kāraṇapariyāyameva dīpeti. Nidadāti phalanti nidānaṃ, hinoti phalaṃ patiṭṭhāti etenāti hetu, saṅkharoti phalanti saṅkhāro, paṭicca etasmā phalaṃ etīti paccayo, ruppati niruppati phalaṃ etthāti rūpanti evaṃ nidānādipadānampi hetupariyāyatā veditabbā.
੮੪. ਸਤ੍ਤਮੇ ਪਚ੍ਚਯਭੂਤਾਯਾਤਿ ਸਹਜਾਤਾਦਿਪਚ੍ਚਯਭੂਤਾਯ।
84. Sattame paccayabhūtāyāti sahajātādipaccayabhūtāya.
੮੭. ਦਸਮੇ ਸਮੇਚ੍ਚ ਸਮ੍ਭੁਯ੍ਯ ਪਚ੍ਚਯੇਹਿ ਕਤੋਤਿ ਸਙ੍ਖਤੋ, ਸਙ੍ਖਤੋ ਧਮ੍ਮੋ ਆਰਮ੍ਮਣਂ ਏਤੇਸਨ੍ਤਿ ਸਙ੍ਖਤਾਰਮ੍ਮਣਾ। ਮਗ੍ਗਕ੍ਖਣੇ ਨ ਹੋਨ੍ਤਿ ਨਾਮ ਪਹੀਯਨ੍ਤੀਤਿ ਕਤ੍વਾ। ਨਾਹੇਸੁਨ੍ਤਿ ਏਤ੍ਥ ‘‘વੁਚ੍ਚਨ੍ਤੀ’’ਤਿ ਅਜ੍ਝਾਹਰਿਤਬ੍ਬਂ। ਯਾવ ਅਰਹਤ੍ਤਾ ਦੇਸਨਾ ਦੇਸਿਤਾ ਤਂਤਂਸੁਤ੍ਤਪਰਿਯੋਸਾਨੇ ‘‘ਨ ਹੋਨ੍ਤੀ’’ਤਿ વੁਤ੍ਤਤ੍ਤਾ।
87. Dasame samecca sambhuyya paccayehi katoti saṅkhato, saṅkhato dhammo ārammaṇaṃ etesanti saṅkhatārammaṇā. Maggakkhaṇe na honti nāma pahīyantīti katvā. Nāhesunti ettha ‘‘vuccantī’’ti ajjhāharitabbaṃ. Yāva arahattā desanā desitā taṃtaṃsuttapariyosāne ‘‘na hontī’’ti vuttattā.
ਸਨਿਮਿਤ੍ਤવਗ੍ਗવਣ੍ਣਨਾ ਨਿਟ੍ਠਿਤਾ।
Sanimittavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / (੮) ੩. ਸਨਿਮਿਤ੍ਤવਗ੍ਗੋ • (8) 3. Sanimittavaggo
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / (੮) ੩. ਸਨਿਮਿਤ੍ਤવਗ੍ਗવਣ੍ਣਨਾ • (8) 3. Sanimittavaggavaṇṇanā
