| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
(౮) ౩. సనిమిత్తవగ్గవణ్ణనా
(8) 3. Sanimittavaggavaṇṇanā
౭౮-౭౯. తతియస్స పఠమే సనిమిత్తాతి సకారణా. దుతియాదీసుపి ఏసేవ నయో. నిదానం హేతు సఙ్ఖారో పచ్చయో రూపన్తి సబ్బానిపి హి ఏతాని కారణవేవచనానేవ.
78-79. Tatiyassa paṭhame sanimittāti sakāraṇā. Dutiyādīsupi eseva nayo. Nidānaṃ hetu saṅkhāro paccayo rūpanti sabbānipi hi etāni kāraṇavevacanāneva.
౮౪. సత్తమే సవేదనాతి పచ్చయభూతాయ సమ్పయుత్తవేదనాయ సతియేవ ఉప్పజ్జన్తి, నాసతీతి అత్థో. అట్ఠమనవమేసుపి ఏసేవ నయో.
84. Sattame savedanāti paccayabhūtāya sampayuttavedanāya satiyeva uppajjanti, nāsatīti attho. Aṭṭhamanavamesupi eseva nayo.
౮౭. దసమే సఙ్ఖతారమ్మణాతి పచ్చయనిబ్బత్తం సఙ్ఖతధమ్మం ఆరమ్మణం కత్వావ ఉప్పజ్జన్తి. నో అసఙ్ఖతారమ్మణాతి అసఙ్ఖతం పన నిబ్బానం ఆరబ్భ న ఉప్పజ్జన్తి. న హోన్తీతి మగ్గక్ఖణే న హోన్తి నామ, ఫలే పత్తే నాహేసున్తి. ఏవమేతేసు దససుపి ఠానేసు యావ అరహత్తా దేసనా దేసితాతి.
87. Dasame saṅkhatārammaṇāti paccayanibbattaṃ saṅkhatadhammaṃ ārammaṇaṃ katvāva uppajjanti. No asaṅkhatārammaṇāti asaṅkhataṃ pana nibbānaṃ ārabbha na uppajjanti. Na hontīti maggakkhaṇe na honti nāma, phale patte nāhesunti. Evametesu dasasupi ṭhānesu yāva arahattā desanā desitāti.
సనిమిత్తవగ్గో తతియో.
Sanimittavaggo tatiyo.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / (౮) ౩. సనిమిత్తవగ్గో • (8) 3. Sanimittavaggo
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / (౮) ౩. సనిమిత్తవగ్గవణ్ణనా • (8) 3. Sanimittavaggavaṇṇanā
