| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
(৮) ৩. সনিমিত্তৰগ্গৰণ্ণনা
(8) 3. Sanimittavaggavaṇṇanā
৭৮-৭৯. ততিযস্স পঠমে নিমীযতি এত্থ ফলং অৰসেসপচ্চযেহি পক্খিপীযতি ৰিযাতি নিমিত্তং, কারণন্তি আহ ‘‘সনিমিত্তাতি সকারণা’’তি। দুতিযাদীসূতি দুতিযসুত্তাদীসু। এসেৰ নযোতি ইমিনা নিদানাদিপদানম্পি কারণপরিযাযমেৰ দীপেতি। নিদদাতি ফলন্তি নিদানং, হিনোতি ফলং পতিট্ঠাতি এতেনাতি হেতু, সঙ্খরোতি ফলন্তি সঙ্খারো, পটিচ্চ এতস্মা ফলং এতীতি পচ্চযো, রুপ্পতি নিরুপ্পতি ফলং এত্থাতি রূপন্তি এৰং নিদানাদিপদানম্পি হেতুপরিযাযতা ৰেদিতব্বা।
78-79. Tatiyassa paṭhame nimīyati ettha phalaṃ avasesapaccayehi pakkhipīyati viyāti nimittaṃ, kāraṇanti āha ‘‘sanimittāti sakāraṇā’’ti. Dutiyādīsūti dutiyasuttādīsu. Eseva nayoti iminā nidānādipadānampi kāraṇapariyāyameva dīpeti. Nidadāti phalanti nidānaṃ, hinoti phalaṃ patiṭṭhāti etenāti hetu, saṅkharoti phalanti saṅkhāro, paṭicca etasmā phalaṃ etīti paccayo, ruppati niruppati phalaṃ etthāti rūpanti evaṃ nidānādipadānampi hetupariyāyatā veditabbā.
৮৪. সত্তমে পচ্চযভূতাযাতি সহজাতাদিপচ্চযভূতায।
84. Sattame paccayabhūtāyāti sahajātādipaccayabhūtāya.
৮৭. দসমে সমেচ্চ সম্ভুয্য পচ্চযেহি কতোতি সঙ্খতো, সঙ্খতো ধম্মো আরম্মণং এতেসন্তি সঙ্খতারম্মণা। মগ্গক্খণে ন হোন্তি নাম পহীযন্তীতি কত্ৰা। নাহেসুন্তি এত্থ ‘‘ৰুচ্চন্তী’’তি অজ্ঝাহরিতব্বং। যাৰ অরহত্তা দেসনা দেসিতা তংতংসুত্তপরিযোসানে ‘‘ন হোন্তী’’তি ৰুত্তত্তা।
87. Dasame samecca sambhuyya paccayehi katoti saṅkhato, saṅkhato dhammo ārammaṇaṃ etesanti saṅkhatārammaṇā. Maggakkhaṇe na honti nāma pahīyantīti katvā. Nāhesunti ettha ‘‘vuccantī’’ti ajjhāharitabbaṃ. Yāva arahattā desanā desitā taṃtaṃsuttapariyosāne ‘‘na hontī’’ti vuttattā.
সনিমিত্তৰগ্গৰণ্ণনা নিট্ঠিতা।
Sanimittavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / (৮) ৩. সনিমিত্তৰগ্গো • (8) 3. Sanimittavaggo
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / (৮) ৩. সনিমিত্তৰগ্গৰণ্ণনা • (8) 3. Sanimittavaggavaṇṇanā
