| Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi |
២២. សនិទស្សនសប្បដិឃត្តិកំ
22. Sanidassanasappaṭighattikaṃ
១. បដិច្ចវារោ
1. Paṭiccavāro
១. បច្ចយានុលោមំ
1. Paccayānulomaṃ
១. វិភង្គវារោ
1. Vibhaṅgavāro
ហេតុបច្ចយោ
Hetupaccayo
១. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ។ អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនំ បដិច្ច ចក្ខាយតនំ…បេ.… រសាយតនំ…បេ.…។ (១)
1. Anidassanasappaṭighaṃ dhammaṃ paṭicca anidassanasappaṭigho dhammo uppajjati hetupaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ…pe…. (1)
អនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនសប្បដិឃេ មហាភូតេ បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនំ បដិច្ច រូបាយតនំ។ (២)
Anidassanasappaṭighaṃ dhammaṃ paṭicca sanidassanasappaṭigho dhammo uppajjati hetupaccayā – anidassanasappaṭighe mahābhūte paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ. (2)
អនិទស្សនសប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនសប្បដិឃេ មហាភូតេ បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនំ បដិច្ច អាបោធាតុ, ឥត្ថិន្ទ្រិយំ…បេ.… កពឡីការោ អាហារោ។ (៣)
Anidassanasappaṭighaṃ dhammaṃ paṭicca anidassanaappaṭigho dhammo uppajjati hetupaccayā – anidassanasappaṭighe mahābhūte paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca āpodhātu, itthindriyaṃ…pe… kabaḷīkāro āhāro. (3)
អនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនសប្បដិឃេ មហាភូតេ បដិច្ច សនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនំ បដិច្ច រូបាយតនំ, អាបោធាតុ, ឥន្ទ្រិយំ…បេ.… កពឡីការោ អាហារោ។ (៤)
Anidassanasappaṭighaṃ dhammaṃ paṭicca sanidassanasappaṭigho ca anidassanaappaṭigho ca dhammā uppajjanti hetupaccayā – anidassanasappaṭighe mahābhūte paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ, āpodhātu, indriyaṃ…pe… kabaḷīkāro āhāro. (4)
អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា អាបោធាតុ ច, ទ្វេ មហាភូតេ បដិច្ច ឯកំ មហាភូតំ អាបោធាតុ ច។ អនិទស្សនសប្បដិឃេ មហាភូតេ បដិច្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនំ បដិច្ច ចក្ខាយតនំ…បេ.… រសាយតនំ, អាបោធាតុ, ឥត្ថិន្ទ្រិយំ…បេ.… កពឡីការោ អាហារោ។ (៥)
Anidassanasappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā uppajjanti hetupaccayā – anidassanasappaṭighaṃ ekaṃ mahābhūtaṃ paṭicca dve mahābhūtā āpodhātu ca, dve mahābhūte paṭicca ekaṃ mahābhūtaṃ āpodhātu ca. Anidassanasappaṭighe mahābhūte paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ, āpodhātu, itthindriyaṃ…pe… kabaḷīkāro āhāro. (5)
អនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនសប្បដិឃេ មហាភូតេ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនំ បដិច្ច រូបាយតនំ, ចក្ខាយតនំ…បេ.… រសាយតនំ។ (៦)
Anidassanasappaṭighaṃ dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā – anidassanasappaṭighe mahābhūte paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ, cakkhāyatanaṃ…pe… rasāyatanaṃ. (6)
អនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនសប្បដិឃេ មហាភូតេ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនំ បដិច្ច រូបាយតនំ, ចក្ខាយតនំ…បេ.… រសាយតនំ, អាបោធាតុ, ឥត្ថិន្ទ្រិយំ…បេ.… កពឡីការោ អាហារោ។ (៧)
Anidassanasappaṭighaṃ dhammaṃ paṭicca sanidassanasappaṭigho ca anidassanasappaṭigho ca anidassanaappaṭigho ca dhammā uppajjanti hetupaccayā – anidassanasappaṭighe mahābhūte paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca rūpāyatanaṃ, cakkhāyatanaṃ…pe… rasāyatanaṃ, āpodhātu, itthindriyaṃ…pe… kabaḷīkāro āhāro. (7)
២. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃញ្ច ចិត្តសមុដ្ឋានំ រូបំ…បេ.… ទ្វេ ខន្ធេ បដិច្ច ទ្វេ ខន្ធា អនិទស្សនអប្បដិឃញ្ច ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃញ្ច កដត្តារូបំ…បេ.… ទ្វេ ខន្ធេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា។ អាបោធាតុំ បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ អាបោធាតុំ បដិច្ច ឥត្ថិន្ទ្រិយំ…បេ.… កពឡីការោ អាហារោ។ (១)
2. Anidassanaappaṭighaṃ dhammaṃ paṭicca anidassanaappaṭigho dhammo uppajjati hetupaccayā – anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca cittasamuṭṭhānaṃ rūpaṃ…pe… dve khandhe paṭicca dve khandhā anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca kaṭattārūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. (1)
អនិទស្សនអប្បដិឃំ ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃេ ខន្ធេ បដិច្ច សនិទស្សនសប្បដិឃំ ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ បដិច្ច សនិទស្សនសប្បដិឃំ កដត្តារូបំ។ អាបោធាតុំ បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ អាបោធាតុំ បដិច្ច រូបាយតនំ។ (២)
Anidassanaappaṭighaṃ dhammaṃ paṭicca sanidassanasappaṭigho dhammo uppajjati hetupaccayā – anidassanaappaṭighe khandhe paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca sanidassanasappaṭighaṃ kaṭattārūpaṃ. Āpodhātuṃ paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ. (2)
អនិទស្សនអប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃេ ខន្ធេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ បដិច្ច អនិទស្សនសប្បដិឃំ កដត្តារូបំ។ អាបោធាតុំ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ អាបោធាតុំ បដិច្ច ចក្ខាយតនំ…បេ.… រសាយតនំ។ (៣)
Anidassanaappaṭighaṃ dhammaṃ paṭicca anidassanasappaṭigho dhammo uppajjati hetupaccayā – anidassanaappaṭighe khandhe paṭicca anidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca anidassanasappaṭighaṃ kaṭattārūpaṃ. Āpodhātuṃ paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca cakkhāyatanaṃ…pe… rasāyatanaṃ. (3)
អនិទស្សនអប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា សនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ…បេ.… ទ្វេ ខន្ធេ…បេ.… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា។ សនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ…បេ.… ទ្វេ ខន្ធេ…បេ.… អាបោធាតុំ បដិច្ច សនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ។ អាបោធាតុំ បដិច្ច រូបាយតនំ, ឥត្ថិន្ទ្រិយំ…បេ.… កពឡីការោ អាហារោ។ (៤)
Anidassanaappaṭighaṃ dhammaṃ paṭicca sanidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanaappaṭighañca cittasamuṭṭhānaṃ rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā. Sanidassanasappaṭighañca anidassanaappaṭighañca kaṭattārūpaṃ…pe… dve khandhe…pe… āpodhātuṃ paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ, itthindriyaṃ…pe… kabaḷīkāro āhāro. (4)
អនិទស្សនអប្បដិឃំ ធម្មំ បដិច្ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ…បេ.… ទ្វេ ខន្ធេ…បេ.… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ…បេ.… ទ្វេ ខន្ធេ…បេ.… អាបោធាតុំ បដិច្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ។ អាបោធាតុំ បដិច្ច ចក្ខាយតនំ…បេ.… រសាយតនំ, ឥត្ថិន្ទ្រិយំ…បេ.… កពឡីការោ អាហារោ។ (៥)
Anidassanaappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighaṃ ekaṃ khandhaṃ paṭicca tayo khandhā anidassanasappaṭighañca anidassanaappaṭighañca cittasamuṭṭhānaṃ rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanasappaṭighañca anidassanaappaṭighañca kaṭattārūpaṃ…pe… dve khandhe…pe… āpodhātuṃ paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (5)
អនិទស្សនអប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃេ ខន្ធេ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច កដត្តារូបំ។ អាបោធាតុំ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ។ អាបោធាតុំ បដិច្ច រូបាយតនំ, ចក្ខាយតនំ…បេ.… រសាយតនំ។ (៦)
Anidassanaappaṭighaṃ dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā – anidassanaappaṭighe khandhe paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca sanidassanasappaṭighañca anidassanasappaṭighañca kaṭattārūpaṃ. Āpodhātuṃ paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ, cakkhāyatanaṃ…pe… rasāyatanaṃ. (6)
អនិទស្សនអប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ…បេ.… ទ្វេ ខន្ធេ…បេ.… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ…បេ.… ទ្វេ ខន្ធេ…បេ.… អាបោធាតុំ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ។ អាបោធាតុំ បដិច្ច រូបាយតនំ ចក្ខាយតនំ…បេ.… រសាយតនំ, ឥត្ថិន្ទ្រិយំ…បេ.… កពឡីការោ អាហារោ។ (៧)
Anidassanaappaṭighaṃ dhammaṃ paṭicca sanidassanasappaṭigho ca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanasappaṭighañca anidassanaappaṭighañca kaṭattārūpaṃ…pe… dve khandhe…pe… āpodhātuṃ paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca rūpāyatanaṃ cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (7)
៣. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ កដត្តារូបំ។ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ។ (១)
3. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati hetupaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. (1)
អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនសប្បដិឃំ ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនសប្បដិឃំ កដត្តារូបំ។ អនិទស្សនសប្បដិឃំ ឯកំ មហាភូតញ្ច អាបោធាតុញ្ច បដិច្ច ទ្វេ មហាភូតា, ទ្វេ មហាភូតេ ច អាបោធាតុញ្ច បដិច្ច ឯកំ មហាភូតំ។ អនិទស្សនសប្បដិឃេ មហាភូតេ ច អាបោធាតុញ្ច បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនញ្ច អាបោធាតុញ្ច បដិច្ច ចក្ខាយតនំ…បេ.… រសាយតនំ។ (២)
Anidassanasappaṭighañca anidassanaappaṭighañca dhammaṃ paṭicca anidassanasappaṭigho dhammo uppajjati hetupaccayā – anidassanaappaṭighe khandhe ca mahābhūte ca paṭicca anidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca anidassanasappaṭighaṃ kaṭattārūpaṃ. Anidassanasappaṭighaṃ ekaṃ mahābhūtañca āpodhātuñca paṭicca dve mahābhūtā, dve mahābhūte ca āpodhātuñca paṭicca ekaṃ mahābhūtaṃ. Anidassanasappaṭighe mahābhūte ca āpodhātuñca paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca cakkhāyatanaṃ…pe… rasāyatanaṃ. (2)
អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនអប្បដិឃំ ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនអប្បដិឃំ កដត្តារូបំ។ អនិទស្សនសប្បដិឃេ មហាភូតេ ច អាបោធាតុញ្ច បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនញ្ច អាបោធាតុញ្ច បដិច្ច ឥត្ថិន្ទ្រិយំ…បេ.… កពឡីការោ អាហារោ។ (៣)
Anidassanasappaṭighañca anidassanaappaṭighañca dhammaṃ paṭicca anidassanaappaṭigho dhammo uppajjati hetupaccayā – anidassanaappaṭighe khandhe ca mahābhūte ca paṭicca anidassanaappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca anidassanaappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca itthindriyaṃ…pe… kabaḷīkāro āhāro. (3)
អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ ។ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ, ឥត្ថិន្ទ្រិយំ…បេ.… កពឡីការោ អាហារោ។ (៤)
Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighañca anidassanaappaṭighañca kaṭattārūpaṃ . Anidassanasappaṭighe mahābhūte ca āpodhātuñca paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ, itthindriyaṃ…pe… kabaḷīkāro āhāro. (4)
អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ។ អនិទស្សនសប្បដិឃេ មហាភូតេ ច អាបោធាតុញ្ច បដិច្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដតារូបំ ឧបាទារូបំ។ ផោដ្ឋព្ពាយតនញ្ច អាបោធាតុញ្ច បដិច្ច ចក្ខាយតនំ…បេ.… រសាយតនំ, ឥត្ថិន្ទ្រិយំ…បេ.… កពឡីការោ អាហារោ។ (៥)
Anidassanasappaṭighañca anidassanaappaṭighañca dhammaṃ paṭicca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca anidassanasappaṭighañca anidassanaappaṭighañca kaṭattārūpaṃ. Anidassanasappaṭighe mahābhūte ca āpodhātuñca paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭatārūpaṃ upādārūpaṃ. Phoṭṭhabbāyatanañca āpodhātuñca paṭicca cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (5)
អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច កដត្តារូបំ។ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ, ចក្ខាយតនំ…បេ.… រសាយតនំ។ (៦)
Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ, cakkhāyatanaṃ…pe… rasāyatanaṃ. (6)
អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ។ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ ។ ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ, ចក្ខាយតនំ…បេ.… រសាយតនំ, ឥត្ថិន្ទ្រិយំ…បេ.… កពឡីការោ អាហារោ។ (៧)
Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca anidassanasappaṭigho ca anidassanaappaṭigho ca dhammā uppajjanti hetupaccayā – anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca anidassanaappaṭighañca kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ . Phoṭṭhabbāyatanañca āpodhātuñca paṭicca rūpāyatanaṃ, cakkhāyatanaṃ…pe… rasāyatanaṃ, itthindriyaṃ…pe… kabaḷīkāro āhāro. (7)
អារម្មណបច្ចយោ
Ārammaṇapaccayo
៤. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ អារម្មណបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ …បេ.… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… វត្ថុំ បដិច្ច ខន្ធា។ (១)
4. Anidassanaappaṭighaṃ dhammaṃ paṭicca anidassanaappaṭigho dhammo uppajjati ārammaṇapaccayā – anidassanaappaṭighaṃ ekaṃ khandhaṃ paṭicca tayo khandhā…pe… dve khandhe …pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā…pe… dve khandhe…pe… vatthuṃ paṭicca khandhā. (1)
អធិបតិបច្ចយោ
Adhipatipaccayo
៥. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ អធិបតិបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ។ អនិទស្សនសប្បដិឃេ មហាភូតេ បដិច្ច ចិត្តសមុដ្ឋានំ រូបំ ឧបាទារូបំ។ (១)
5. Anidassanasappaṭighaṃ dhammaṃ paṭicca anidassanasappaṭigho dhammo uppajjati adhipatipaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca cittasamuṭṭhānaṃ rūpaṃ upādārūpaṃ. (1)
(អនិទស្សនសប្បដិឃមូលកេ ឥមិនា ការណេន សត្ត បញ្ហា វិភជិតព្ពា, បរិយោសានបទា នត្ថិ។)
(Anidassanasappaṭighamūlake iminā kāraṇena satta pañhā vibhajitabbā, pariyosānapadā natthi.)
៦. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ អធិបតិបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃញ្ច ចិត្តសមុដ្ឋានំ រូបំ…បេ.… ទ្វេ ខន្ធេ…បេ.… អាបោធាតុំ បដិច្ច អនិទស្សនអប្បដិឃំ ចិត្តសមុដ្ឋានំ រូបំ ឧបាទារូបំ។
6. Anidassanaappaṭighaṃ dhammaṃ paṭicca anidassanaappaṭigho dhammo uppajjati adhipatipaccayā – anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca cittasamuṭṭhānaṃ rūpaṃ…pe… dve khandhe…pe… āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ upādārūpaṃ.
(ឥមិនា ការណេន អនិទស្សនអប្បដិឃមូលកេ សត្ត បញ្ហា វិភជិតព្ពា, និដ្ឋានបទា នត្ថិ។)
(Iminā kāraṇena anidassanaappaṭighamūlake satta pañhā vibhajitabbā, niṭṭhānapadā natthi.)
៧. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ អធិបតិបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ។ អនិទស្សនអប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ ឧបាទារូបំ។
7. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati adhipatipaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Anidassanaappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ upādārūpaṃ.
(ឥមិនា ការណេន សត្តបិ បញ្ហា វិភជិតព្ពា។)
(Iminā kāraṇena sattapi pañhā vibhajitabbā.)
អនន្តរ-សមនន្តរបច្ចយា
Anantara-samanantarapaccayā
៨. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ អនន្តរបច្ចយា… សមនន្តរបច្ចយា (អារម្មណសទិសំ)។
8. Anidassanaappaṭighaṃ dhammaṃ paṭicca anidassanaappaṭigho dhammo uppajjati anantarapaccayā… samanantarapaccayā (ārammaṇasadisaṃ).
សហជាតបច្ចយោ
Sahajātapaccayo
៩. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ សហជាតបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ។ អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនំ បដិច្ច ចក្ខាយតនំ…បេ.… រសាយតនំ។ ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច ទ្វេ មហាភូតា…បេ.…។
9. Anidassanasappaṭighaṃ dhammaṃ paṭicca anidassanasappaṭigho dhammo uppajjati sahajātapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ paṭicca dve mahābhūtā…pe….
(អនិទស្សនសប្បដិឃមូលកា សត្ត បញ្ហា ឥមិនា ការណេន វិភជិតព្ពា។)
(Anidassanasappaṭighamūlakā satta pañhā iminā kāraṇena vibhajitabbā.)
១០. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ សហជាតបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃំ ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃំ កដត្តា ច រូបំ…បេ.… ទ្វេ ខន្ធេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា។ អាបោធាតុំ បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ អាបោធាតុំ បដិច្ច ឥត្ថិន្ទ្រិយំ…បេ.… កពឡីការោ អាហារោ។ ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អាបោធាតុំ បដិច្ច អនិទស្សនអប្បដិឃំ កដត្តារូបំ ឧបាទារូបំ។
10. Anidassanaappaṭighaṃ dhammaṃ paṭicca anidassanaappaṭigho dhammo uppajjati sahajātapaccayā – anidassanaappaṭighaṃ ekaṃ khandhaṃ paṭicca tayo khandhā anidassanaappaṭighaṃ cittasamuṭṭhānañca rūpaṃ…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighaṃ kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ.
(អនិទស្សនអប្បដិឃមូលកេ សត្ត បញ្ហា ឥមិនា ការណេន កាតព្ពា។)
(Anidassanaappaṭighamūlake satta pañhā iminā kāraṇena kātabbā.)
១១. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ សហជាតបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ កដត្តារូបំ។ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ។ ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ កដត្តារូបំ ឧបាទារូបំ។
11. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati sahajātapaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.
(ឥមិនា ការណេន សត្ត បញ្ហា វិភជិតព្ពា។)
(Iminā kāraṇena satta pañhā vibhajitabbā.)
អញ្ញមញ្ញបច្ចយោ
Aññamaññapaccayo
១២. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ។ (១)
12. Anidassanasappaṭighaṃ dhammaṃ paṭicca anidassanasappaṭigho dhammo uppajjati aññamaññapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. (1)
អនិទស្សនសប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អនិទស្សនសប្បដិឃេ មហាភូតេ បដិច្ច អាបោធាតុ។ (២)
Anidassanasappaṭighaṃ dhammaṃ paṭicca anidassanaappaṭigho dhammo uppajjati aññamaññapaccayā – anidassanasappaṭighe mahābhūte paṭicca āpodhātu. (2)
អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ អញ្ញមញ្ញបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា អាបោធាតុ ច, ទ្វេ មហាភូតេ បដិច្ច ឯកំ មហាភូតំ អាបោធាតុ ច។ ពាហិរំ…បេ.…។ (៣)
Anidassanasappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā uppajjanti aññamaññapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā āpodhātu ca, dve mahābhūte paṭicca ekaṃ mahābhūtaṃ āpodhātu ca. Bāhiraṃ…pe…. (3)
១៣. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា វត្ថុ ច…បេ.… ទ្វេ ខន្ធេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា។ (១)
13. Anidassanaappaṭighaṃ dhammaṃ paṭicca anidassanaappaṭigho dhammo uppajjati aññamaññapaccayā – anidassanaappaṭighaṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā vatthu ca…pe… dve khandhe…pe… khandhe paṭicca vatthu, vatthuṃ paṭicca khandhā. (1)
អនិទស្សនអប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អាបោធាតុំ បដិច្ច អនិទស្សនសប្បដិឃា មហាភូតា។ ពាហិរំ…បេ.…។ (២)
Anidassanaappaṭighaṃ dhammaṃ paṭicca anidassanasappaṭigho dhammo uppajjati aññamaññapaccayā – āpodhātuṃ paṭicca anidassanasappaṭighā mahābhūtā. Bāhiraṃ…pe…. (2)
១៤. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អនិទស្សនសប្បដិឃំ ឯកំ មហាភូតញ្ច អាបោធាតុញ្ច បដិច្ច ទ្វេ មហាភូតា, ទ្វេ មហាភូតេ ច អាបោធាតុញ្ច បដិច្ច ឯកំ មហាភូតំ។ ពាហិរំ…បេ.…។ (១)
14. Anidassanasappaṭighañca anidassanaappaṭighañca dhammaṃ paṭicca anidassanasappaṭigho dhammo uppajjati aññamaññapaccayā – anidassanasappaṭighaṃ ekaṃ mahābhūtañca āpodhātuñca paṭicca dve mahābhūtā, dve mahābhūte ca āpodhātuñca paṭicca ekaṃ mahābhūtaṃ. Bāhiraṃ…pe…. (1)
និស្សយបច្ចយាទិ
Nissayapaccayādi
១៥. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា… កម្មបច្ចយា… វិបាកបច្ចយា… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា។
15. Anidassanasappaṭighaṃ dhammaṃ paṭicca anidassanasappaṭigho dhammo uppajjati nissayapaccayā… upanissayapaccayā… purejātapaccayā… āsevanapaccayā… kammapaccayā… vipākapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.
១. បច្ចយានុលោមំ
1. Paccayānulomaṃ
២. សង្ខ្យាវារោ
2. Saṅkhyāvāro
សុទ្ធំ
Suddhaṃ
១៦. ហេតុយា ឯកវីស, អារម្មណេ ឯកំ, អធិបតិយា ឯកវីស, អនន្តរេ ឯកំ, សមនន្តរេ ឯកំ, សហជាតេ ឯកវីស, អញ្ញមញ្ញេ ឆ, និស្សយេ ឯកវីស, ឧបនិស្សយេ ឯកំ, បុរេជាតេ ឯកំ, អាសេវនេ ឯកំ, កម្មេ ឯកវីស, វិបាកេ អាហារេ ឯកវីស, ឥន្ទ្រិយេ ឯកវីស, ឈានេ មគ្គេ ឯកវីស, សម្បយុត្តេ ឯកំ, វិប្បយុត្តេ ឯកវីស, អត្ថិយា ឯកវីស, នត្ថិយា ឯកំ, វិគតេ ឯកំ, អវិគតេ ឯកវីស (ឯវំ គណេតព្ពំ)។
16. Hetuyā ekavīsa, ārammaṇe ekaṃ, adhipatiyā ekavīsa, anantare ekaṃ, samanantare ekaṃ, sahajāte ekavīsa, aññamaññe cha, nissaye ekavīsa, upanissaye ekaṃ, purejāte ekaṃ, āsevane ekaṃ, kamme ekavīsa, vipāke āhāre ekavīsa, indriye ekavīsa, jhāne magge ekavīsa, sampayutte ekaṃ, vippayutte ekavīsa, atthiyā ekavīsa, natthiyā ekaṃ, vigate ekaṃ, avigate ekavīsa (evaṃ gaṇetabbaṃ).
អនុលោមំ។
Anulomaṃ.
២. បច្ចយបច្ចនីយំ
2. Paccayapaccanīyaṃ
១. វិភង្គវារោ
1. Vibhaṅgavāro
នហេតុបច្ចយោ
Nahetupaccayo
១៧. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ នហេតុបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ។ អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនំ បដិច្ច ចក្ខាយតនំ…បេ.… រសាយតនំ។ ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ, មហាភូតេ បដិច្ច…បេ.…។
17. Anidassanasappaṭighaṃ dhammaṃ paṭicca anidassanasappaṭigho dhammo uppajjati nahetupaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ, mahābhūte paṭicca…pe….
(អនិទស្សនសប្បដិឃមូលកេ ឥមិនា ការណេន សត្តបិ បញ្ហា វិភជិតព្ពា។)
(Anidassanasappaṭighamūlake iminā kāraṇena sattapi pañhā vibhajitabbā.)
១៨. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ នហេតុបច្ចយា – អហេតុកំ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃញ្ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃញ្ច កដត្តារូបំ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា។ អាបោធាតុំ បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ អាបោធាតុំ បដិច្ច ឥត្ថិន្ទ្រិយំ…បេ.… កពឡីការោ អាហារោ។ ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អាបោធាតុំ បដិច្ច អនិទស្សនអប្បដិឃំ កដត្តារូបំ ឧបាទារូបំ។ វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។
18. Anidassanaappaṭighaṃ dhammaṃ paṭicca anidassanaappaṭigho dhammo uppajjati nahetupaccayā – ahetukaṃ anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca kaṭattārūpaṃ…pe… khandhe paṭicca vatthu, vatthuṃ paṭicca khandhā. Āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ. Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho.
(អនិទស្សនអប្បដិឃមូលកា ឥមិនា ការណេន សត្ត បញ្ហា វិភជិតព្ពា។)
(Anidassanaappaṭighamūlakā iminā kāraṇena satta pañhā vibhajitabbā.)
១៩. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ នហេតុបច្ចយា – អហេតុកេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ។ អហេតុកបដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ កដត្តារូបំ។ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ។ ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ កដត្តារូបំ ឧបាទារូបំ។
19. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati nahetupaccayā – ahetuke anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Ahetukapaṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.
(ឥមិនា ការណេន សត្ត បញ្ហា វិត្ថារេតព្ពា អសម្មោហន្តេន។)
(Iminā kāraṇena satta pañhā vitthāretabbā asammohantena.)
នអារម្មណបច្ចយោ
Naārammaṇapaccayo
២០. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ នអារម្មណបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ។ អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនំ បដិច្ច ចក្ខាយតនំ…បេ.… រសាយតនំ។ ពាហិរំ… អាហារសមុដ្ឋានំ… , ឧតុសមុដ្ឋានំ… អសញ្ញសត្តានំ អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ…បេ.…។
20. Anidassanasappaṭighaṃ dhammaṃ paṭicca anidassanasappaṭigho dhammo uppajjati naārammaṇapaccayā – anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ. Bāhiraṃ… āhārasamuṭṭhānaṃ… , utusamuṭṭhānaṃ… asaññasattānaṃ anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ…pe….
(អនិទស្សនសប្បដិឃមូលកា ឥមិនា ការណេន សត្តបិ បញ្ហា វិត្ថារេតព្ពា។)
(Anidassanasappaṭighamūlakā iminā kāraṇena sattapi pañhā vitthāretabbā.)
២១. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ នអារម្មណបច្ចយា – អនិទស្សនអប្បដិឃេ ខន្ធេ បដិច្ច អនិទស្សនអប្បដិឃំ ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ បដិច្ច អនិទស្សនអប្បដិឃំ កដត្តារូបំ។ ខន្ធេ បដិច្ច វត្ថុ…បេ.… អាបោធាតុំ បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ អាបោធាតុំ បដិច្ច ឥត្ថិន្ទ្រិយំ…បេ.… កពឡីការោ អាហារោ។ ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អាបោធាតុំ បដិច្ច អនិទស្សនអប្បដិឃំ កដត្តារូបំ ឧបាទារូបំ។
21. Anidassanaappaṭighaṃ dhammaṃ paṭicca anidassanaappaṭigho dhammo uppajjati naārammaṇapaccayā – anidassanaappaṭighe khandhe paṭicca anidassanaappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe paṭicca anidassanaappaṭighaṃ kaṭattārūpaṃ. Khandhe paṭicca vatthu…pe… āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Āpodhātuṃ paṭicca itthindriyaṃ…pe… kabaḷīkāro āhāro. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ.
(អនិទស្សនអប្បដិឃមូលកេ ឥមិនា ការណេន សត្តបិ បញ្ហា វិត្ថារេតព្ពា។)
(Anidassanaappaṭighamūlake iminā kāraṇena sattapi pañhā vitthāretabbā.)
២២. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ នអារម្មណបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ។ បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ កដត្តារូបំ។ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ។ ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ កដត្តារូបំ ឧបាទារូបំ។
22. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati naārammaṇapaccayā – anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ. Paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ. Anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanañca āpodhātuñca paṭicca rūpāyatanaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.
(ឃដនេ ឥមិនា ការណេន សត្តបិ បញ្ហា វិភជិតព្ពា។)
(Ghaṭane iminā kāraṇena sattapi pañhā vibhajitabbā.)
នអធិបតិបច្ចយាទិ
Naadhipatipaccayādi
២៣. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ នអធិបតិបច្ចយា (សហជាតសទិសំ)… នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា – អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ។ ផោដ្ឋព្ពាយតនំ បដិច្ច ចក្ខាយតនំ…បេ.… រសាយតនំ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ មហាភូតេ បដិច្ច អនិទស្សនសប្បដិឃំ កដត្តារូបំ ឧបាទារូបំ។
23. Anidassanasappaṭighaṃ dhammaṃ paṭicca anidassanasappaṭigho dhammo uppajjati naadhipatipaccayā (sahajātasadisaṃ)… naanantarapaccayā… nasamanantarapaccayā… naaññamaññapaccayā – anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ. Phoṭṭhabbāyatanaṃ paṭicca cakkhāyatanaṃ…pe… rasāyatanaṃ… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ mahābhūte paṭicca anidassanasappaṭighaṃ kaṭattārūpaṃ upādārūpaṃ.
(ឥមិនា ការណេន ឯកវីស បញ្ហា វិភជិតព្ពា។)
(Iminā kāraṇena ekavīsa pañhā vibhajitabbā.)
នឧបនិស្សយបច្ចយា… នបុរេជាតបច្ចយា… នបច្ឆាជាតបច្ចយា… នអាសេវនបច្ចយា… នកម្មបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ។ អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ឧបាទារូបំ (កម្មំ វិភជិត្វា នកម្មេនេវ ឯកវីស បញ្ហា កាតព្ពា), នវិបាកបច្ចយា (បដិសន្ធិបិ កដត្តាបិ នត្ថិ, បញ្ចវោការេយេវ កាតព្ពា), នអាហារបច្ចយា – ពាហិរំ… ឧតុសមុដ្ឋានំ… អសញ្ញសត្តានំ…បេ.… (ឥមិនា ការណេន វិភជិតព្ពា ឯកវីសាបិ)។
Naupanissayapaccayā… napurejātapaccayā… napacchājātapaccayā… naāsevanapaccayā… nakammapaccayā – bāhiraṃ… āhārasamuṭṭhānaṃ… utusamuṭṭhānaṃ… anidassanasappaṭighaṃ ekaṃ mahābhūtaṃ paṭicca dve mahābhūtā, dve mahābhūte paṭicca ekaṃ mahābhūtaṃ. Anidassanasappaṭighe mahābhūte paṭicca anidassanasappaṭighaṃ upādārūpaṃ (kammaṃ vibhajitvā nakammeneva ekavīsa pañhā kātabbā), navipākapaccayā (paṭisandhipi kaṭattāpi natthi, pañcavokāreyeva kātabbā), naāhārapaccayā – bāhiraṃ… utusamuṭṭhānaṃ… asaññasattānaṃ…pe… (iminā kāraṇena vibhajitabbā ekavīsāpi).
នឥន្ទ្រិយបច្ចយាទិ
Naindriyapaccayādi
២៤. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អនិទស្សនសប្បដិឃំ ឯកំ មហាភូតំ…បេ.… អសញ្ញសត្តានំ មហាភូតេ បដិច្ច រូបជីវិតិន្ទ្រិយំ (សំខិត្តំ, សព្ពេ បញ្ហា វិភជិតព្ពា)… នឈានបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ (សំខិត្តំ, សត្តបិ បញ្ហា វិភជិតព្ពា)។
24. Anidassanasappaṭighaṃ dhammaṃ paṭicca anidassanasappaṭigho dhammo uppajjati naindriyapaccayā – bāhiraṃ… āhārasamuṭṭhānaṃ… utusamuṭṭhānaṃ… anidassanasappaṭighaṃ ekaṃ mahābhūtaṃ…pe… asaññasattānaṃ mahābhūte paṭicca rūpajīvitindriyaṃ (saṃkhittaṃ, sabbe pañhā vibhajitabbā)… najhānapaccayā – bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ (saṃkhittaṃ, sattapi pañhā vibhajitabbā).
អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ នឈានបច្ចយា – បញ្ចវិញ្ញាណសហគតំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អាបោធាតុំ បដិច្ច អនិទស្សនអប្បដិឃំ កដត្តារូបំ ឧបាទារូបំ។
Anidassanaappaṭighaṃ dhammaṃ paṭicca anidassanaappaṭigho dhammo uppajjati najhānapaccayā – pañcaviññāṇasahagataṃ ekaṃ khandhaṃ paṭicca tayo khandhā…pe… dve khandhe…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ.
(ឯវំ សត្តបិ បញ្ហា វិភជិតព្ពា។)
(Evaṃ sattapi pañhā vibhajitabbā.)
២៥. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ នឈានបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… , អសញ្ញសត្តានំ…បេ.… អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ កដត្តារូបំ ឧបាទារូបំ។
25. Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati najhānapaccayā – bāhiraṃ… āhārasamuṭṭhānaṃ… utusamuṭṭhānaṃ… , asaññasattānaṃ…pe… anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ.
(ឯវំ សត្តបិ បញ្ហា វិភជិតព្ពា), នមគ្គបច្ចយា… (នហេតុសទិសំ កាតព្ពំ។ បរិបុណ្ណំ។ មោហោ នត្ថិ)។ នសម្បយុត្តបច្ចយា… នវិប្បយុត្តបច្ចយា (បរិបុណ្ណំ)… នោនត្ថិបច្ចយា… នោវិគតបច្ចយា។
(Evaṃ sattapi pañhā vibhajitabbā), namaggapaccayā… (nahetusadisaṃ kātabbaṃ. Paripuṇṇaṃ. Moho natthi). Nasampayuttapaccayā… navippayuttapaccayā (paripuṇṇaṃ)… nonatthipaccayā… novigatapaccayā.
២. បច្ចយបច្ចនីយំ
2. Paccayapaccanīyaṃ
២. សង្ខ្យាវារោ
2. Saṅkhyāvāro
សុទ្ធំ
Suddhaṃ
២៦. នហេតុយា ឯកវីស, នអារម្មណេ ឯកវីស, នអធិបតិយា ឯកវីស (សំខិត្តំ, សព្ពត្ថ ឯកវីស), នោនត្ថិយា ឯកវីស, នោវិគតេ ឯកវីស (ឯវំ គណេតព្ពំ)។
26. Nahetuyā ekavīsa, naārammaṇe ekavīsa, naadhipatiyā ekavīsa (saṃkhittaṃ, sabbattha ekavīsa), nonatthiyā ekavīsa, novigate ekavīsa (evaṃ gaṇetabbaṃ).
បច្ចនីយំ។
Paccanīyaṃ.
៣. បច្ចយានុលោមបច្ចនីយំ
3. Paccayānulomapaccanīyaṃ
ហេតុទុកំ
Hetudukaṃ
២៧. ហេតុបច្ចយា នអារម្មណេ ឯកវីស, នអធិបតិយា ឯកវីស…បេ.… នកម្មេ ឯកំ, នវិបាកេ ឯកវីស, នសម្បយុត្តេ ឯកវីស, នវិប្បយុត្តេ ឯកំ, នោនត្ថិយា ឯកវីស, នោវិគតេ ឯកវីស (ឯវំ គណេតព្ពំ)។
27. Hetupaccayā naārammaṇe ekavīsa, naadhipatiyā ekavīsa…pe… nakamme ekaṃ, navipāke ekavīsa, nasampayutte ekavīsa, navippayutte ekaṃ, nonatthiyā ekavīsa, novigate ekavīsa (evaṃ gaṇetabbaṃ).
អនុលោមបច្ចនីយំ។
Anulomapaccanīyaṃ.
៤. បច្ចយបច្ចនីយានុលោមំ
4. Paccayapaccanīyānulomaṃ
នហេតុទុកំ
Nahetudukaṃ
២៨. នហេតុបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកវីស …បេ.… ឈានេ ឯកវីស, មគ្គេ ឯកំ, សម្បយុត្តេ ឯកំ , វិប្បយុត្តេ ឯកវីស, អត្ថិយា ឯកវីស, នត្ថិយា ឯកំ, វិគតេ ឯកំ, អវិគតេ ឯកវីស (ឯវំ គណេតព្ពំ)។
28. Nahetupaccayā ārammaṇe ekaṃ, anantare ekaṃ, samanantare ekaṃ, sahajāte ekavīsa …pe… jhāne ekavīsa, magge ekaṃ, sampayutte ekaṃ , vippayutte ekavīsa, atthiyā ekavīsa, natthiyā ekaṃ, vigate ekaṃ, avigate ekavīsa (evaṃ gaṇetabbaṃ).
បច្ចនីយានុលោមំ។
Paccanīyānulomaṃ.
បដិច្ចវារោ។
Paṭiccavāro.
២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ
2-6. Sahajāta-paccaya-nissaya-saṃsaṭṭha-sampayuttavāro
(សហជាតវារោបិ បច្ចយវារោបិ និស្សយវារោបិ បដិច្ចវារសទិសា, សំសដ្ឋវារោបិ សម្បយុត្តវារោបិ អរូបេយេវ កាតព្ពា។)
(Sahajātavāropi paccayavāropi nissayavāropi paṭiccavārasadisā, saṃsaṭṭhavāropi sampayuttavāropi arūpeyeva kātabbā.)
៧. បញ្ហាវារោ
7. Pañhāvāro
១. បច្ចយានុលោមំ
1. Paccayānulomaṃ
១. វិភង្គវារោ
1. Vibhaṅgavāro
ហេតុបច្ចយោ
Hetupaccayo
២៩. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស ហេតុបច្ចយេន បច្ចយោ – អនិទស្សនអប្បដិឃា ហេតូ សម្បយុត្តកានំ ខន្ធានំ អនិទស្សនអប្បដិឃានញ្ច ចិត្តសមុដ្ឋានានំ រូបានំ ហេតុបច្ចយេន បច្ចយោ។ បដិសន្ធិក្ខណេ អនិទស្សនអប្បដិឃា ហេតូ សម្បយុត្តកានំ ខន្ធានំ អនិទស្សនអប្បដិឃានញ្ច កដត្តារូបានំ ហេតុបច្ចយេន បច្ចយោ។ (១)
29. Anidassanaappaṭigho dhammo anidassanaappaṭighassa dhammassa hetupaccayena paccayo – anidassanaappaṭighā hetū sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ hetupaccayena paccayo. Paṭisandhikkhaṇe anidassanaappaṭighā hetū sampayuttakānaṃ khandhānaṃ anidassanaappaṭighānañca kaṭattārūpānaṃ hetupaccayena paccayo. (1)
អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស ហេតុបច្ចយេន បច្ចយោ – អនិទស្សនអប្បដិឃា ហេតូ សនិទស្សនសប្បដិឃានំ ចិត្តសមុដ្ឋានានំ រូបានំ ហេតុបច្ចយេន បច្ចយោ។ បដិសន្ធិក្ខណេ…បេ.…។ (២)
Anidassanaappaṭigho dhammo sanidassanasappaṭighassa dhammassa hetupaccayena paccayo – anidassanaappaṭighā hetū sanidassanasappaṭighānaṃ cittasamuṭṭhānānaṃ rūpānaṃ hetupaccayena paccayo. Paṭisandhikkhaṇe…pe…. (2)
(អនិទស្សនអប្បដិឃមូលកេយេវ ឥមិនា ការណេន សត្ត បញ្ហា វិភជិតព្ពា។)
(Anidassanaappaṭighamūlakeyeva iminā kāraṇena satta pañhā vibhajitabbā.)
អារម្មណបច្ចយោ
Ārammaṇapaccayo
៣០. សនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អារម្មណបច្ចយេន បច្ចយោ – រូបេ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ, ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, រូបាយតនំ ចក្ខុវិញ្ញាណស្ស អារម្មណបច្ចយេន បច្ចយោ។ សនិទស្សនសប្បដិឃា ខន្ធា ឥទ្ធិវិធញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)
30. Sanidassanasappaṭigho dhammo anidassanaappaṭighassa dhammassa ārammaṇapaccayena paccayo – rūpe aniccato dukkhato anattato vipassati, assādeti abhinandati, taṃ ārabbha rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, domanassaṃ uppajjati, dibbena cakkhunā rūpaṃ passati, rūpāyatanaṃ cakkhuviññāṇassa ārammaṇapaccayena paccayo. Sanidassanasappaṭighā khandhā iddhividhañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)
អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អារម្មណបច្ចយេន បច្ចយោ។ ចក្ខុំ…បេ.… កាយំ… សទ្ទេ… គន្ធេ… រសេ… ផោដ្ឋព្ពេ… អនិច្ចតោ…បេ.… ទោមនស្សំ ឧប្បជ្ជតិ, ទិព្ពាយ សោតធាតុយា សទ្ទំ សុណាតិ, សទ្ទាយតនំ សោតវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.… អនិទស្សនសប្បដិឃា ខន្ធា ឥទ្ធិវិធញាណស្ស , បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)
Anidassanasappaṭigho dhammo anidassanaappaṭighassa dhammassa ārammaṇapaccayena paccayo. Cakkhuṃ…pe… kāyaṃ… sadde… gandhe… rase… phoṭṭhabbe… aniccato…pe… domanassaṃ uppajjati, dibbāya sotadhātuyā saddaṃ suṇāti, saddāyatanaṃ sotaviññāṇassa…pe… phoṭṭhabbāyatanaṃ kāyaviññāṇassa…pe… anidassanasappaṭighā khandhā iddhividhañāṇassa , pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)
៣១. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ, ឈានា…បេ.… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ។ អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ…បេ.… វត្ថុំ… ឥត្ថិន្ទ្រិយំ… បុរិសិន្ទ្រិយំ… ជីវិតិន្ទ្រិយំ… អាបោធាតុំ… កពឡីការំ អាហារំ… អនិទស្សនអប្បដិឃេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ, ចេតោបរិយញាណេន អនិទស្សនអប្បដិឃចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស អារម្មណបច្ចយេន បច្ចយោ។ អាកិញ្ចញ្ញាយតនំ នេវសញ្ញានាសញ្ញាយតនស្ស…បេ.… អនិទស្សនអប្បដិឃា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)
31. Anidassanaappaṭigho dhammo anidassanaappaṭighassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni paccavekkhati, jhānā…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti, nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo. Ariyā pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti…pe… vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… anidassanaappaṭighe khandhe aniccato…pe… domanassaṃ uppajjati, cetopariyañāṇena anidassanaappaṭighacittasamaṅgissa cittaṃ jānāti, ākāsānañcāyatanaṃ viññāṇañcāyatanassa ārammaṇapaccayena paccayo. Ākiñcaññāyatanaṃ nevasaññānāsaññāyatanassa…pe… anidassanaappaṭighā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
អធិបតិបច្ចយោ
Adhipatipaccayo
៣២. សនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – រូបំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ (១)
32. Sanidassanasappaṭigho dhammo anidassanaappaṭighassa dhammassa adhipatipaccayena paccayo. Ārammaṇādhipati – rūpaṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (1)
អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ចក្ខុំ…បេ.… កាយំ… សទ្ទេ… គន្ធេ… រសេ… ផោដ្ឋព្ពេ… គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ (១)
Anidassanasappaṭigho dhammo anidassanaappaṭighassa dhammassa adhipatipaccayena paccayo. Ārammaṇādhipati – cakkhuṃ…pe… kāyaṃ… sadde… gandhe… rase… phoṭṭhabbe… garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (1)
៣៣. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ គរុំ កត្វា…បេ.… ឈានា វុដ្ឋហិត្វា…បេ.… អរិយា មគ្គា វុដ្ឋហិត្វា…បេ.… ផលា វុដ្ឋហិត្វា…បេ.… ផលំ គរុំ កត្វា…បេ.… និព្ពានំ គរុំ កត្វា… និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ។ វត្ថុំ… ឥត្ថិន្ទ្រិយំ… បុរិសិន្ទ្រិយំ… ជីវិតិន្ទ្រិយំ… អាបោធាតុំ… កពឡីការំ អាហារំ… អនិទស្សនអប្បដិឃេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – អនិទស្សនអប្បដិឃាធិបតិ សម្បយុត្តកានំ ខន្ធានំ អនិទស្សនអប្បដិឃានញ្ច ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (១)
33. Anidassanaappaṭigho dhammo anidassanaappaṭighassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā…pe… jhānā vuṭṭhahitvā…pe… ariyā maggā vuṭṭhahitvā…pe… phalā vuṭṭhahitvā…pe… phalaṃ garuṃ katvā…pe… nibbānaṃ garuṃ katvā… nibbānaṃ gotrabhussa, vodānassa, maggassa, phalassa adhipatipaccayena paccayo. Vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… anidassanaappaṭighe khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – anidassanaappaṭighādhipati sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ adhipatipaccayena paccayo. (1)
អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – អនិទស្សនអប្បដិឃាធិបតិ សនិទស្សនសប្បដិឃានំ ចិត្តសមុដ្ឋានានំ រូបានំ អធិបតិបច្ចយេន បច្ចយោ។ (២)
Anidassanaappaṭigho dhammo sanidassanasappaṭighassa dhammassa adhipatipaccayena paccayo. Sahajātādhipati – anidassanaappaṭighādhipati sanidassanasappaṭighānaṃ cittasamuṭṭhānānaṃ rūpānaṃ adhipatipaccayena paccayo. (2)
(អនិទស្សនអប្បដិឃមូលកេ សត្តបិ បញ្ហា វិភជិតព្ពា, អធិបតិ តិវិធរូបសង្គហេន។)
(Anidassanaappaṭighamūlake sattapi pañhā vibhajitabbā, adhipati tividharūpasaṅgahena.)
អនន្តរបច្ចយោ
Anantarapaccayo
៣៤. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អនន្តរបច្ចយេន បច្ចយោ – បុរិមា បុរិមា អនិទស្សនអប្បដិឃា ខន្ធា បច្ឆិមានំ បច្ឆិមានំ អនិទស្សនអប្បដិឃានំ ខន្ធានំ អនន្តរបច្ចយេន បច្ចយោ។ អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស… មគ្គោ ផលស្ស… ផលំ ផលស្ស… អនុលោមំ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ។ (១)
34. Anidassanaappaṭigho dhammo anidassanaappaṭighassa dhammassa anantarapaccayena paccayo – purimā purimā anidassanaappaṭighā khandhā pacchimānaṃ pacchimānaṃ anidassanaappaṭighānaṃ khandhānaṃ anantarapaccayena paccayo. Anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ phalasamāpattiyā… nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (1)
សមនន្តរបច្ចយោ
Samanantarapaccayo
៣៥. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស សមនន្តរបច្ចយេន បច្ចយោ (អនន្តរសទិសំ)។
35. Anidassanaappaṭigho dhammo anidassanaappaṭighassa dhammassa samanantarapaccayena paccayo (anantarasadisaṃ).
សហជាតបច្ចយាទិ
Sahajātapaccayādi
៣៦. អនិទស្សនសប្បដិឃោ ធម្មោ អនិទស្សនសប្បដិឃស្ស ធម្មស្ស សហជាតបច្ចយេន បច្ចយោ (បដិច្ចវារសទិសំ សាធុកំ កាតព្ពំ។ អញ្ញមញ្ញបច្ចយេ បដិច្ចវារេ អញ្ញមញ្ញសទិសំ, និស្សយបច្ចយេ បដិច្ចវារសទិសំ)។
36. Anidassanasappaṭigho dhammo anidassanasappaṭighassa dhammassa sahajātapaccayena paccayo (paṭiccavārasadisaṃ sādhukaṃ kātabbaṃ. Aññamaññapaccaye paṭiccavāre aññamaññasadisaṃ, nissayapaccaye paṭiccavārasadisaṃ).
ឧបនិស្សយបច្ចយោ
Upanissayapaccayo
៣៧. សនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ.…។ បកតូបនិស្សយោ – វណ្ណសម្បទំ បត្ថយមានោ ទានំ ទេតិ, សីលំ សមាទិយតិ, ឧបោសថកម្មំ…បេ.… វណ្ណសម្បទា សទ្ធាយ…បេ.… បញ្ញាយ, រាគស្ស…បេ.… បត្ថនាយ, កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (១)
37. Sanidassanasappaṭigho dhammo anidassanaappaṭighassa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – vaṇṇasampadaṃ patthayamāno dānaṃ deti, sīlaṃ samādiyati, uposathakammaṃ…pe… vaṇṇasampadā saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa, maggassa, phalasamāpattiyā upanissayapaccayena paccayo. (1)
អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ.…។ បកតូបនិស្សយោ – ចក្ខុសម្បទំ បត្ថយមានោ…បេ.… កាយសម្បទំ… សទ្ទសម្បទំ…បេ.… ផោដ្ឋព្ពសម្បទំ បត្ថយមានោ ទានំ ទេតិ, សីលំ សមាទិយតិ, ឧបោសថកម្មំ… ឧតុំ… សេនាសនំ ឧបនិស្សាយ ទានំ ទេតិ សីលំ សមាទិយតិ។ ឧបោសថកម្មំ, ឈានំ… វិបស្សនំ… មគ្គំ… អភិញ្ញំ… សមាបត្តិំ ឧប្បាទេតិ បាណំ ហនតិ…បេ.… សង្ឃំ ភិន្ទតិ។ ចក្ខុសម្បទា…បេ.… ផោដ្ឋព្ពសម្បទា, ឧតុ, សេនាសនំ សទ្ធាយ…បេ.… បញ្ញាយ, រាគស្ស…បេ.… បត្ថនាយ, កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (១)
Anidassanasappaṭigho dhammo anidassanaappaṭighassa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – cakkhusampadaṃ patthayamāno…pe… kāyasampadaṃ… saddasampadaṃ…pe… phoṭṭhabbasampadaṃ patthayamāno dānaṃ deti, sīlaṃ samādiyati, uposathakammaṃ… utuṃ… senāsanaṃ upanissāya dānaṃ deti sīlaṃ samādiyati. Uposathakammaṃ, jhānaṃ… vipassanaṃ… maggaṃ… abhiññaṃ… samāpattiṃ uppādeti pāṇaṃ hanati…pe… saṅghaṃ bhindati. Cakkhusampadā…pe… phoṭṭhabbasampadā, utu, senāsanaṃ saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa, maggassa, phalasamāpattiyā upanissayapaccayena paccayo. (1)
៣៨. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ… ឈានំ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ។ សីលំ…បេ.… បញ្ញំ… រាគំ…បេ.… បត្ថនំ, កាយិកំ សុខំ… កាយិកំ ទុក្ខំ… ភោជនំ ឧបនិស្សាយ ទានំ ទេតិ…បេ.… សង្ឃំ ភិន្ទតិ។ សទ្ធា …បេ.… បញ្ញា, រាគោ…បេ.… បត្ថនា, កាយិកំ សុខំ… កាយិកំ ទុក្ខំ… ភោជនំ សទ្ធាយ…បេ.… បញ្ញាយ, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ។ (១)
38. Anidassanaappaṭigho dhammo anidassanaappaṭighassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti, sīlaṃ samādiyati, uposathakammaṃ… jhānaṃ… samāpattiṃ uppādeti, mānaṃ jappeti, diṭṭhiṃ gaṇhāti. Sīlaṃ…pe… paññaṃ… rāgaṃ…pe… patthanaṃ, kāyikaṃ sukhaṃ… kāyikaṃ dukkhaṃ… bhojanaṃ upanissāya dānaṃ deti…pe… saṅghaṃ bhindati. Saddhā …pe… paññā, rāgo…pe… patthanā, kāyikaṃ sukhaṃ… kāyikaṃ dukkhaṃ… bhojanaṃ saddhāya…pe… paññāya, maggassa, phalasamāpattiyā upanissayapaccayena paccayo. (1)
បុរេជាតបច្ចយោ
Purejātapaccayo
៣៩. សនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ។ អារម្មណបុរេជាតំ – រូបេ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… ឧទ្ធច្ចំ…បេ.… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, រូបាយតនំ ចក្ខុវិញ្ញាណស្ស បុរេជាតបច្ចយេន បច្ចយោ។ (១)
39. Sanidassanasappaṭigho dhammo anidassanaappaṭighassa dhammassa purejātapaccayena paccayo. Ārammaṇapurejātaṃ – rūpe aniccato dukkhato anattato vipassati, assādeti abhinandati, taṃ ārabbha rāgo uppajjati, diṭṭhi…pe… vicikicchā…pe… uddhaccaṃ…pe… domanassaṃ uppajjati, dibbena cakkhunā rūpaṃ passati, rūpāyatanaṃ cakkhuviññāṇassa purejātapaccayena paccayo. (1)
អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… កាយំ… សទ្ទេ…បេ.… ផោដ្ឋព្ពេ អនិច្ចតោ…បេ.… ទោមនស្សំ ឧប្បជ្ជតិ, ទិព្ពាយ សោតធាតុយា សទ្ទំ សុណាតិ, សទ្ទាយតនំ សោតវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស បុរេជាតបច្ចយេន បច្ចយោ។ (១)
Anidassanasappaṭigho dhammo anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… kāyaṃ… sadde…pe… phoṭṭhabbe aniccato…pe… domanassaṃ uppajjati, dibbāya sotadhātuyā saddaṃ suṇāti, saddāyatanaṃ sotaviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa purejātapaccayena paccayo. (1)
អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – វត្ថុំ… ឥត្ថិន្ទ្រិយំ… បុរិសិន្ទ្រិយំ… ជីវិតិន្ទ្រិយំ… អាបោធាតុំ… កពឡីការំ អាហារំ… អនិច្ចតោ…បេ.… ទោមនស្សំ ឧប្បជ្ជតិ។ វត្ថុបុរេជាតំ – វត្ថុ អនិទស្សនអប្បដិឃានំ ខន្ធានំ បុរេជាតបច្ចយេន បច្ចយោ។ (១)
Anidassanaappaṭigho dhammo anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… aniccato…pe… domanassaṃ uppajjati. Vatthupurejātaṃ – vatthu anidassanaappaṭighānaṃ khandhānaṃ purejātapaccayena paccayo. (1)
៤០. សនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ រូបាយតនញ្ច វត្ថុ ច អនិទស្សនអប្បដិឃានំ ខន្ធានំ បុរេជាតបច្ចយេន បច្ចយោ។ (១)
40. Sanidassanasappaṭigho ca anidassanaappaṭigho ca dhammā anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Rūpāyatanañca vatthu ca anidassanaappaṭighānaṃ khandhānaṃ purejātapaccayena paccayo. (1)
អនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ , វត្ថុបុរេជាតំ។ ចក្ខាយតនញ្ច វត្ថុ ច…បេ.… ផោដ្ឋព្ពាយតនញ្ច វត្ថុ ច អនិទស្សនអប្បដិឃានំ ខន្ធានំ បុរេជាតបច្ចយេន បច្ចយោ។ (១)
Anidassanasappaṭigho ca anidassanaappaṭigho ca dhammā anidassanaappaṭighassa dhammassa purejātapaccayena paccayo – ārammaṇapurejātaṃ , vatthupurejātaṃ. Cakkhāyatanañca vatthu ca…pe… phoṭṭhabbāyatanañca vatthu ca anidassanaappaṭighānaṃ khandhānaṃ purejātapaccayena paccayo. (1)
សនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ រូបាយតនញ្ច ចក្ខាយតនញ្ច ចក្ខុវិញ្ញាណស្ស បុរេជាតបច្ចយេន បច្ចយោ។ (១)
Sanidassanasappaṭigho ca anidassanaappaṭigho ca dhammā anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Rūpāyatanañca cakkhāyatanañca cakkhuviññāṇassa purejātapaccayena paccayo. (1)
បច្ឆាជាតបច្ចយោ
Pacchājātapaccayo
៤១. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អនិទស្សនអប្បដិឃា ខន្ធា បុរេជាតស្ស ឥមស្ស អនិទស្សនអប្បដិឃស្ស កាយស្ស បច្ឆាជាតបច្ចយេន បច្ចយោ។ (១)
41. Anidassanaappaṭigho dhammo anidassanaappaṭighassa dhammassa pacchājātapaccayena paccayo – pacchājātā anidassanaappaṭighā khandhā purejātassa imassa anidassanaappaṭighassa kāyassa pacchājātapaccayena paccayo. (1)
អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អនិទស្សនអប្បដិឃា ខន្ធា បុរេជាតស្ស ឥមស្ស សនិទស្សនសប្បដិឃស្ស កាយស្ស បច្ឆាជាតបច្ចយេន បច្ចយោ។ (២)
Anidassanaappaṭigho dhammo sanidassanasappaṭighassa dhammassa pacchājātapaccayena paccayo – pacchājātā anidassanaappaṭighā khandhā purejātassa imassa sanidassanasappaṭighassa kāyassa pacchājātapaccayena paccayo. (2)
(ឯវំ សត្ត បញ្ហា វិភជិតព្ពា, តិវិធរូបសង្គហោ។) (៧)
(Evaṃ satta pañhā vibhajitabbā, tividharūpasaṅgaho.) (7)
អាសេវនបច្ចយោ
Āsevanapaccayo
៤២. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អាសេវនបច្ចយេន បច្ចយោ – បុរិមា បុរិមា អនិទស្សនអប្បដិឃា ខន្ធា បច្ឆិមានំ បច្ឆិមានំ អនិទស្សនអប្បដិឃានំ ខន្ធានំ អាសេវនបច្ចយេន បច្ចយោ។ អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ។ (១)
42. Anidassanaappaṭigho dhammo anidassanaappaṭighassa dhammassa āsevanapaccayena paccayo – purimā purimā anidassanaappaṭighā khandhā pacchimānaṃ pacchimānaṃ anidassanaappaṭighānaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)
កម្មបច្ចយោ
Kammapaccayo
៤៣. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – អនិទស្សនអប្បដិឃា ចេតនា សម្បយុត្តកានំ ខន្ធានំ អនិទស្សនអប្បដិឃានញ្ច ចិត្តសមុដ្ឋានានំ រូបានំ កម្មបច្ចយេន បច្ចយោ។ បដិសន្ធិក្ខណេ…បេ.…។ នានាក្ខណិកា – អនិទស្សនអប្បដិឃា ចេតនា វិបាកានំ ខន្ធានំ អនិទស្សនអប្បដិឃានញ្ច កដត្តារូបានំ កម្មបច្ចយេន បច្ចយោ។ (១)
43. Anidassanaappaṭigho dhammo anidassanaappaṭighassa dhammassa kammapaccayena paccayo – sahajātā, nānākkhaṇikā. Sahajātā – anidassanaappaṭighā cetanā sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – anidassanaappaṭighā cetanā vipākānaṃ khandhānaṃ anidassanaappaṭighānañca kaṭattārūpānaṃ kammapaccayena paccayo. (1)
អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – អនិទស្សនអប្បដិឃា ចេតនា សនិទស្សនសប្បដិឃានំ ចិត្តសមុដ្ឋានានំ រូបានំ កម្មបច្ចយេន បច្ចយោ។ បដិសន្ធិក្ខណេ…បេ.…។ នានាក្ខណិកា – អនិទស្សនអប្បដិឃា ចេតនា សនិទស្សនសប្បដិឃានំ កដត្តារូបានំ កម្មបច្ចយេន បច្ចយោ។ (២)
Anidassanaappaṭigho dhammo sanidassanasappaṭighassa dhammassa kammapaccayena paccayo – sahajātā, nānākkhaṇikā. Sahajātā – anidassanaappaṭighā cetanā sanidassanasappaṭighānaṃ cittasamuṭṭhānānaṃ rūpānaṃ kammapaccayena paccayo. Paṭisandhikkhaṇe…pe…. Nānākkhaṇikā – anidassanaappaṭighā cetanā sanidassanasappaṭighānaṃ kaṭattārūpānaṃ kammapaccayena paccayo. (2)
(ឯវំ សត្ត បញ្ហា សហជាតា នានាក្ខណិកា ឥមិនា ការណេន វិភជិតព្ពា, តិវិធរូបសង្គហោ។) (៧)
(Evaṃ satta pañhā sahajātā nānākkhaṇikā iminā kāraṇena vibhajitabbā, tividharūpasaṅgaho.) (7)
វិបាកបច្ចយោ
Vipākapaccayo
៤៤. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស វិបាកបច្ចយេន បច្ចយោ – វិបាកោ អនិទស្សនអប្បដិឃោ ឯកោ ខន្ធោ តិណ្ណន្នំ ខន្ធានំ អនិទស្សនអប្បដិឃានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ អនិទស្សនអប្បដិឃោ ឯកោ ខន្ធោ តិណ្ណន្នំ ខន្ធានំ អនិទស្សនអប្បដិឃានញ្ច កដត្តារូបានំ វិបាកបច្ចយេន បច្ចយោ…បេ.… ខន្ធា វត្ថុស្ស វិបាកបច្ចយេន បច្ចយោ។ (១)
44. Anidassanaappaṭigho dhammo anidassanaappaṭighassa dhammassa vipākapaccayena paccayo – vipāko anidassanaappaṭigho eko khandho tiṇṇannaṃ khandhānaṃ anidassanaappaṭighānaṃ cittasamuṭṭhānānañca rūpānaṃ vipākapaccayena paccayo…pe… dve khandhā…pe… paṭisandhikkhaṇe anidassanaappaṭigho eko khandho tiṇṇannaṃ khandhānaṃ anidassanaappaṭighānañca kaṭattārūpānaṃ vipākapaccayena paccayo…pe… khandhā vatthussa vipākapaccayena paccayo. (1)
អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស វិបាកបច្ចយេន បច្ចយោ – វិបាកា អនិទស្សនអប្បដិឃា ខន្ធា សនិទស្សនសប្បដិឃានំ ចិត្តសមុដ្ឋានានំ រូបានំ វិបាកបច្ចយេន បច្ចយោ។ បដិសន្ធិក្ខណេ អនិទស្សនអប្បដិឃា ខន្ធា សនិទស្សនសប្បដិឃានំ កដត្តារូបានំ វិបាកបច្ចយេន បច្ចយោ។ (២)
Anidassanaappaṭigho dhammo sanidassanasappaṭighassa dhammassa vipākapaccayena paccayo – vipākā anidassanaappaṭighā khandhā sanidassanasappaṭighānaṃ cittasamuṭṭhānānaṃ rūpānaṃ vipākapaccayena paccayo. Paṭisandhikkhaṇe anidassanaappaṭighā khandhā sanidassanasappaṭighānaṃ kaṭattārūpānaṃ vipākapaccayena paccayo. (2)
(ឯវំ សត្ត បញ្ហា វិត្ថារេតព្ពា, បវត្តិបដិសន្ធិ។) (៧)
(Evaṃ satta pañhā vitthāretabbā, pavattipaṭisandhi.) (7)
អាហារបច្ចយោ
Āhārapaccayo
៤៥. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អាហារបច្ចយេន បច្ចយោ – អនិទស្សនអប្បដិឃា អាហារា សម្បយុត្តកានំ ខន្ធានំ អនិទស្សនអប្បដិឃានញ្ច ចិត្តសមុដ្ឋានានំ រូបានំ អាហារបច្ចយេន បច្ចយោ។ បដិសន្ធិក្ខណេ អនិទស្សនអប្បដិឃា អាហារា សម្បយុត្តកានំ ខន្ធានំ អនិទស្សនអប្បដិឃានញ្ច កដត្តារូបានំ អាហារបច្ចយេន បច្ចយោ។ កពឡីការោ អាហារោ ឥមស្ស អនិទស្សនអប្បដិឃស្ស កាយស្ស អាហារបច្ចយេន បច្ចយោ។ (១)
45. Anidassanaappaṭigho dhammo anidassanaappaṭighassa dhammassa āhārapaccayena paccayo – anidassanaappaṭighā āhārā sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ āhārapaccayena paccayo. Paṭisandhikkhaṇe anidassanaappaṭighā āhārā sampayuttakānaṃ khandhānaṃ anidassanaappaṭighānañca kaṭattārūpānaṃ āhārapaccayena paccayo. Kabaḷīkāro āhāro imassa anidassanaappaṭighassa kāyassa āhārapaccayena paccayo. (1)
អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស អាហារបច្ចយេន បច្ចយោ – អនិទស្សនអប្បដិឃា អាហារា សនិទស្សនសប្បដិឃានំ ចិត្តសមុដ្ឋានានំ រូបានំ អាហារបច្ចយេន បច្ចយោ។ បដិសន្ធិក្ខណេ អនិទស្សនអប្បដិឃា អាហារា សនិទស្សនសប្បដិឃានំ កដត្តារូបានំ អាហារបច្ចយេន បច្ចយោ។ កពឡីការោ អាហារោ ឥមស្ស សនិទស្សនសប្បដិឃស្ស កាយស្ស អាហារបច្ចយេន បច្ចយោ។ (២)
Anidassanaappaṭigho dhammo sanidassanasappaṭighassa dhammassa āhārapaccayena paccayo – anidassanaappaṭighā āhārā sanidassanasappaṭighānaṃ cittasamuṭṭhānānaṃ rūpānaṃ āhārapaccayena paccayo. Paṭisandhikkhaṇe anidassanaappaṭighā āhārā sanidassanasappaṭighānaṃ kaṭattārūpānaṃ āhārapaccayena paccayo. Kabaḷīkāro āhāro imassa sanidassanasappaṭighassa kāyassa āhārapaccayena paccayo. (2)
(ឯវំ សត្ត បញ្ហា បវត្តិបដិសន្ធិ វិភជិតព្ពា, សត្តសុបិ កពឡីការោ អាហារោ កាតព្ពោ។) (៧)
(Evaṃ satta pañhā pavattipaṭisandhi vibhajitabbā, sattasupi kabaḷīkāro āhāro kātabbo.) (7)
ឥន្ទ្រិយបច្ចយោ
Indriyapaccayo
៤៦. អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស ឥន្ទ្រិយបច្ចយេន បច្ចយោ – ចក្ខុន្ទ្រិយំ ចក្ខុវិញ្ញាណស្ស…បេ.… កាយិន្ទ្រិយំ កាយវិញ្ញាណស្ស ឥន្ទ្រិយបច្ចយេន បច្ចយោ។ (១)
46. Anidassanasappaṭigho dhammo anidassanaappaṭighassa dhammassa indriyapaccayena paccayo – cakkhundriyaṃ cakkhuviññāṇassa…pe… kāyindriyaṃ kāyaviññāṇassa indriyapaccayena paccayo. (1)
អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស ឥន្ទ្រិយបច្ចយេន បច្ចយោ – អនិទស្សនអប្បដិឃា ឥន្ទ្រិយា សម្បយុត្តកានំ ខន្ធានំ អនិទស្សនអប្បដិឃានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ។ បដិសន្ធិក្ខណេ អនិទស្សនអប្បដិឃា ឥន្ទ្រិយា សម្បយុត្តកានំ ខន្ធានំ អនិទស្សនអប្បដិឃានញ្ច កដត្តារូបានំ ឥន្ទ្រិយបច្ចយេន បច្ចយោ។ រូបជីវិតិន្ទ្រិយំ អនិទស្សនអប្បដិឃានំ កដត្តារូបានំ ឥន្ទ្រិយបច្ចយេន បច្ចយោ។ (១)
Anidassanaappaṭigho dhammo anidassanaappaṭighassa dhammassa indriyapaccayena paccayo – anidassanaappaṭighā indriyā sampayuttakānaṃ khandhānaṃ anidassanaappaṭighānaṃ cittasamuṭṭhānānañca rūpānaṃ indriyapaccayena paccayo. Paṭisandhikkhaṇe anidassanaappaṭighā indriyā sampayuttakānaṃ khandhānaṃ anidassanaappaṭighānañca kaṭattārūpānaṃ indriyapaccayena paccayo. Rūpajīvitindriyaṃ anidassanaappaṭighānaṃ kaṭattārūpānaṃ indriyapaccayena paccayo. (1)
អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស ឥន្ទ្រិយបច្ចយេន បច្ចយោ – អនិទស្សនអប្បដិឃា ឥន្ទ្រិយា សនិទស្សនសប្បដិឃានំ ចិត្តសមុដ្ឋានានំ រូបានំ ឥន្ទ្រិយបច្ចយេន បច្ចយោ។ បដិសន្ធិក្ខណេ អនិទស្សនអប្បដិឃា ឥន្ទ្រិយា សនិទស្សនសប្បដិឃានំ កដត្តារូបានំ ឥន្ទ្រិយបច្ចយេន បច្ចយោ។ រូបជីវិតិន្ទ្រិយំ សនិទស្សនសប្បដិឃានំ កដត្តារូបានំ ឥន្ទ្រិយបច្ចយេន បច្ចយោ។ (២)
Anidassanaappaṭigho dhammo sanidassanasappaṭighassa dhammassa indriyapaccayena paccayo – anidassanaappaṭighā indriyā sanidassanasappaṭighānaṃ cittasamuṭṭhānānaṃ rūpānaṃ indriyapaccayena paccayo. Paṭisandhikkhaṇe anidassanaappaṭighā indriyā sanidassanasappaṭighānaṃ kaṭattārūpānaṃ indriyapaccayena paccayo. Rūpajīvitindriyaṃ sanidassanasappaṭighānaṃ kaṭattārūpānaṃ indriyapaccayena paccayo. (2)
(ឯវំ បវត្តិបដិសន្ធិ សត្ត បញ្ហា វិភជិតព្ពា, រូបជីវិតិន្ទ្រិយញ្ច អន្តេ អន្តេ។) (៧)
(Evaṃ pavattipaṭisandhi satta pañhā vibhajitabbā, rūpajīvitindriyañca ante ante.) (7)
៤៧. អនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស ឥន្ទ្រិយបច្ចយេន បច្ចយោ – ចក្ខុន្ទ្រិយញ្ច ចក្ខុវិញ្ញាណញ្ច ចក្ខុវិញ្ញាណសហគតានំ ខន្ធានំ ឥន្ទ្រិយបច្ចយេន បច្ចយោ…បេ.… កាយិន្ទ្រិយញ្ច កាយវិញ្ញាណញ្ច កាយវិញ្ញាណសហគតានំ ខន្ធានំ ឥន្ទ្រិយបច្ចយេន បច្ចយោ។ (១)
47. Anidassanasappaṭigho ca anidassanaappaṭigho ca dhammā anidassanaappaṭighassa dhammassa indriyapaccayena paccayo – cakkhundriyañca cakkhuviññāṇañca cakkhuviññāṇasahagatānaṃ khandhānaṃ indriyapaccayena paccayo…pe… kāyindriyañca kāyaviññāṇañca kāyaviññāṇasahagatānaṃ khandhānaṃ indriyapaccayena paccayo. (1)
ឈានបច្ចយាទិ
Jhānapaccayādi
៤៨. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ – អនិទស្សនអប្បដិឃោ ឯកោ ខន្ធោ តិណ្ណន្នំ ខន្ធានំ សម្បយុត្តបច្ចយេន បច្ចយោ…បេ.… ទ្វេ ខន្ធា…បេ.… បដិសន្ធិក្ខណេ…បេ.…។
48. Anidassanaappaṭigho dhammo anidassanaappaṭighassa dhammassa jhānapaccayena paccayo… maggapaccayena paccayo… sampayuttapaccayena paccayo – anidassanaappaṭigho eko khandho tiṇṇannaṃ khandhānaṃ sampayuttapaccayena paccayo…pe… dve khandhā…pe… paṭisandhikkhaṇe…pe….
វិប្បយុត្តបច្ចយោ
Vippayuttapaccayo
៤៩. អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស វិប្បយុត្តបច្ចយេន បច្ចយោ។ (១)
49. Anidassanasappaṭigho dhammo anidassanaappaṭighassa dhammassa vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa vippayuttapaccayena paccayo. (1)
អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ។ សហជាតា – អនិទស្សនអប្បដិឃា ខន្ធា អនិទស្សនអប្បដិឃានំ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បដិសន្ធិក្ខណេ អនិទស្សនអប្បដិឃា ខន្ធា អនិទស្សនអប្បដិឃានំ កដត្តារូបានំ វិប្បយុត្តបច្ចយេន បច្ចយោ។ ខន្ធា វត្ថុស្ស វិប្បយុត្តបច្ចយេន បច្ចយោ។ វត្ថុ ខន្ធានំ វិប្បយុត្តបច្ចយេន បច្ចយោ។ បុរេជាតំ – វត្ថុ អនិទស្សនអប្បដិឃានំ ខន្ធានំ វិប្បយុត្តបច្ចយេន បច្ចយោ។ បច្ឆាជាតា – អនិទស្សនអប្បដិឃា ខន្ធា បុរេជាតស្ស ឥមស្ស អនិទស្សនអប្បដិឃស្ស កាយស្ស វិប្បយុត្តបច្ចយេន បច្ចយោ។ (១)
Anidassanaappaṭigho dhammo anidassanaappaṭighassa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – anidassanaappaṭighā khandhā anidassanaappaṭighānaṃ cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe anidassanaappaṭighā khandhā anidassanaappaṭighānaṃ kaṭattārūpānaṃ vippayuttapaccayena paccayo. Khandhā vatthussa vippayuttapaccayena paccayo. Vatthu khandhānaṃ vippayuttapaccayena paccayo. Purejātaṃ – vatthu anidassanaappaṭighānaṃ khandhānaṃ vippayuttapaccayena paccayo. Pacchājātā – anidassanaappaṭighā khandhā purejātassa imassa anidassanaappaṭighassa kāyassa vippayuttapaccayena paccayo. (1)
អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – អនិទស្សនអប្បដិឃា ខន្ធា សនិទស្សនសប្បដិឃានំ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បដិសន្ធិក្ខណេ អនិទស្សនអប្បដិឃា ខន្ធា សនិទស្សនសប្បដិឃានំ កដត្តារូបានំ វិប្បយុត្តបច្ចយេន បច្ចយោ។ បច្ឆាជាតា – អនិទស្សនអប្បដិឃា ខន្ធា បុរេជាតស្ស ឥមស្ស សនិទស្សនសប្បដិឃស្ស កាយស្ស វិប្បយុត្តបច្ចយេន បច្ចយោ។ (២)
Anidassanaappaṭigho dhammo sanidassanasappaṭighassa dhammassa vippayuttapaccayena paccayo – sahajātaṃ, pacchājātaṃ. Sahajātā – anidassanaappaṭighā khandhā sanidassanasappaṭighānaṃ cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe anidassanaappaṭighā khandhā sanidassanasappaṭighānaṃ kaṭattārūpānaṃ vippayuttapaccayena paccayo. Pacchājātā – anidassanaappaṭighā khandhā purejātassa imassa sanidassanasappaṭighassa kāyassa vippayuttapaccayena paccayo. (2)
(អវសេសា បញ្ច បញ្ហា ឯវំ វិត្ថារេតព្ពា។ សហជាតា, បច្ឆាជាតា។)
(Avasesā pañca pañhā evaṃ vitthāretabbā. Sahajātā, pacchājātā.)
អត្ថិបច្ចយោ
Atthipaccayo
៥០. សនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អត្ថិបច្ចយេន បច្ចយោ។ បុរេជាតំ – រូបេ អនិច្ចតោ…បេ.… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, រូបាយតនំ ចក្ខុវិញ្ញាណស្ស អត្ថិបច្ចយេន បច្ចយោ។ (១)
50. Sanidassanasappaṭigho dhammo anidassanaappaṭighassa dhammassa atthipaccayena paccayo. Purejātaṃ – rūpe aniccato…pe… domanassaṃ uppajjati, dibbena cakkhunā rūpaṃ passati, rūpāyatanaṃ cakkhuviññāṇassa atthipaccayena paccayo. (1)
៥១. អនិទស្សនសប្បដិឃោ ធម្មោ អនិទស្សនសប្បដិឃស្ស ធម្មស្ស អត្ថិបច្ចយេន បច្ចយោ – អនិទស្សនសប្បដិឃំ ឯកំ មហាភូតំ ទ្វិន្នំ មហាភូតានំ អត្ថិបច្ចយេន បច្ចយោ។ ទ្វេ មហាភូតា ឯកស្ស មហាភូតស្ស អត្ថិបច្ចយេន បច្ចយោ។ អនិទស្សនសប្បដិឃា មហាភូតា អនិទស្សនសប្បដិឃានំ ចិត្តសមុដ្ឋានានំ រូបានំ កដត្តារូបានំ ឧបាទារូបានំ អត្ថិបច្ចយេន បច្ចយោ។ ផោដ្ឋព្ពាយតនំ ចក្ខាយតនស្ស…បេ.… រសាយតនស្ស អត្ថិបច្ចយេន បច្ចយោ។ ពាហិរំ… អាហារសមុដ្ឋានំ… ឧតុសមុដ្ឋានំ… ឯកំ មហាភូតំ ទ្វិន្នំ មហាភូតានំ អត្ថិបច្ចយេន បច្ចយោ។ ទ្វេ មហាភូតា ឯកស្ស មហាភូតស្ស អត្ថិបច្ចយេន បច្ចយោ។ ឧតុសមុដ្ឋានា មហាភូតា អនិទស្សនសប្បដិឃានំ ឧបាទារូបានំ អត្ថិបច្ចយេន បច្ចយោ។ អសញ្ញសត្តានំ អនិទស្សនសប្បដិឃំ ឯកំ មហាភូតំ ទ្វិន្នំ មហាភូតានំ អត្ថិបច្ចយេន បច្ចយោ។ ទ្វេ មហាភូតា…បេ.…។ (១)
51. Anidassanasappaṭigho dhammo anidassanasappaṭighassa dhammassa atthipaccayena paccayo – anidassanasappaṭighaṃ ekaṃ mahābhūtaṃ dvinnaṃ mahābhūtānaṃ atthipaccayena paccayo. Dve mahābhūtā ekassa mahābhūtassa atthipaccayena paccayo. Anidassanasappaṭighā mahābhūtā anidassanasappaṭighānaṃ cittasamuṭṭhānānaṃ rūpānaṃ kaṭattārūpānaṃ upādārūpānaṃ atthipaccayena paccayo. Phoṭṭhabbāyatanaṃ cakkhāyatanassa…pe… rasāyatanassa atthipaccayena paccayo. Bāhiraṃ… āhārasamuṭṭhānaṃ… utusamuṭṭhānaṃ… ekaṃ mahābhūtaṃ dvinnaṃ mahābhūtānaṃ atthipaccayena paccayo. Dve mahābhūtā ekassa mahābhūtassa atthipaccayena paccayo. Utusamuṭṭhānā mahābhūtā anidassanasappaṭighānaṃ upādārūpānaṃ atthipaccayena paccayo. Asaññasattānaṃ anidassanasappaṭighaṃ ekaṃ mahābhūtaṃ dvinnaṃ mahābhūtānaṃ atthipaccayena paccayo. Dve mahābhūtā…pe…. (1)
អនិទស្សនសប្បដិឃោ ធម្មោ សនិទស្សនសប្បដិឃស្ស ធម្មស្ស អត្ថិបច្ចយេន បច្ចយោ។ (២)
Anidassanasappaṭigho dhammo sanidassanasappaṭighassa dhammassa atthipaccayena paccayo. (2)
(បដិច្ចវារេ និស្សយបច្ចយសទិសំ។)
(Paṭiccavāre nissayapaccayasadisaṃ.)
អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតា – អនិទស្សនសប្បដិឃា មហាភូតា អនិទស្សនអប្បដិឃានំ ចិត្តសមុដ្ឋានានំ រូបានំ កដត្តារូបានំ ឧបាទារូបានំ អត្ថិបច្ចយេន បច្ចយោ (យាវ អសញ្ញសត្តា វិត្ថារេតព្ពា)។ បុរេជាតំ – ចក្ខុំ…បេ.… កាយំ, សទ្ទេ…បេ.… ផោដ្ឋព្ពេ អនិច្ចតោ…បេ.… ទោមនស្សំ ឧប្បជ្ជតិ, ចក្ខាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស អត្ថិបច្ចយេន បច្ចយោ។ (៣)
Anidassanasappaṭigho dhammo anidassanaappaṭighassa dhammassa atthipaccayena paccayo – sahajātaṃ, purejātaṃ. Sahajātā – anidassanasappaṭighā mahābhūtā anidassanaappaṭighānaṃ cittasamuṭṭhānānaṃ rūpānaṃ kaṭattārūpānaṃ upādārūpānaṃ atthipaccayena paccayo (yāva asaññasattā vitthāretabbā). Purejātaṃ – cakkhuṃ…pe… kāyaṃ, sadde…pe… phoṭṭhabbe aniccato…pe… domanassaṃ uppajjati, cakkhāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa atthipaccayena paccayo. (3)
(អវសេសា ចត្តារោ បញ្ហា វិត្ថារេតព្ពា។ បដិច្ចវារេ សហជាតបច្ចយសទិសា, និន្នានាករណា។) (៧)
(Avasesā cattāro pañhā vitthāretabbā. Paṭiccavāre sahajātapaccayasadisā, ninnānākaraṇā.) (7)
៥២. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតោ – អនិទស្សនអប្បដិឃោ ឯកោ ខន្ធោ តិណ្ណន្នំ ខន្ធានំ អនិទស្សនអប្បដិឃានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ។ ទ្វេ ខន្ធា…បេ.… បដិសន្ធិក្ខណេ…បេ.… អាបោធាតុ អនិទស្សនអប្បដិឃានំ ចិត្តសមុដ្ឋានានំ រូបានំ កដត្តារូបានំ ឧបាទារូបានំ…បេ.… អាបោធាតុ ឥត្ថិន្ទ្រិយស្ស…បេ.… កពឡីការាហារស្ស ច អត្ថិបច្ចយេន បច្ចយោ។ ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អាបោធាតុ អនិទស្សនអប្បដិឃានំ កដត្តារូបានំ ឧបាទារូបានំ អត្ថិបច្ចយេន បច្ចយោ។ បុរេជាតំ – វត្ថុំ… ឥត្ថិន្ទ្រិយំ… បុរិសិន្ទ្រិយំ… ជីវិតិន្ទ្រិយំ… អាបោធាតុំ… កពឡីការំ អាហារំ… អនិច្ចតោ…បេ.… ទោមនស្សំ ឧប្បជ្ជតិ, វត្ថុ អនិទស្សនអប្បដិឃានំ ខន្ធានំ អត្ថិបច្ចយេន បច្ចយោ។ បច្ឆាជាតា – អនិទស្សនអប្បដិឃា ខន្ធា បុរេជាតស្ស ឥមស្ស អនិទស្សនអប្បដិឃស្ស កាយស្ស អត្ថិបច្ចយេន បច្ចយោ។ កពឡីការោ អាហារោ ឥមស្ស អនិទស្សនអប្បដិឃស្ស កាយស្ស អត្ថិបច្ចយេន បច្ចយោ។ រូបជីវិតិន្ទ្រិយំ អនិទស្សនអប្បដិឃានំ កដត្តារូបានំ អត្ថិបច្ចយេន បច្ចយោ (ឯវំ អវសេសា ឆ បញ្ហា វិភជិតព្ពា។ សហជាតំ, បច្ឆាជាតំ, អាហារំ, ឥន្ទ្រិយម្បិ កាតព្ពា)។ (៧)
52. Anidassanaappaṭigho dhammo anidassanaappaṭighassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – anidassanaappaṭigho eko khandho tiṇṇannaṃ khandhānaṃ anidassanaappaṭighānaṃ cittasamuṭṭhānānañca rūpānaṃ atthipaccayena paccayo. Dve khandhā…pe… paṭisandhikkhaṇe…pe… āpodhātu anidassanaappaṭighānaṃ cittasamuṭṭhānānaṃ rūpānaṃ kaṭattārūpānaṃ upādārūpānaṃ…pe… āpodhātu itthindriyassa…pe… kabaḷīkārāhārassa ca atthipaccayena paccayo. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ āpodhātu anidassanaappaṭighānaṃ kaṭattārūpānaṃ upādārūpānaṃ atthipaccayena paccayo. Purejātaṃ – vatthuṃ… itthindriyaṃ… purisindriyaṃ… jīvitindriyaṃ… āpodhātuṃ… kabaḷīkāraṃ āhāraṃ… aniccato…pe… domanassaṃ uppajjati, vatthu anidassanaappaṭighānaṃ khandhānaṃ atthipaccayena paccayo. Pacchājātā – anidassanaappaṭighā khandhā purejātassa imassa anidassanaappaṭighassa kāyassa atthipaccayena paccayo. Kabaḷīkāro āhāro imassa anidassanaappaṭighassa kāyassa atthipaccayena paccayo. Rūpajīvitindriyaṃ anidassanaappaṭighānaṃ kaṭattārūpānaṃ atthipaccayena paccayo (evaṃ avasesā cha pañhā vibhajitabbā. Sahajātaṃ, pacchājātaṃ, āhāraṃ, indriyampi kātabbā). (7)
៥៣. សនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស អត្ថិបច្ចយេន បច្ចយោ។ បុរេជាតំ – រូបាយតនញ្ច វត្ថុ ច អនិទស្សនអប្បដិឃានំ ខន្ធានំ អត្ថិបច្ចយេន បច្ចយោ ។ (១)
53. Sanidassanasappaṭigho ca anidassanaappaṭigho ca dhammā anidassanaappaṭighassa dhammassa atthipaccayena paccayo. Purejātaṃ – rūpāyatanañca vatthu ca anidassanaappaṭighānaṃ khandhānaṃ atthipaccayena paccayo . (1)
អនិទស្សនសប្បដិឃោ ច អនិទស្សនអប្បដិឃោ ច ធម្មា សនិទស្សនសប្បដិឃស្ស ធម្មស្ស អត្ថិបច្ចយេន បច្ចយោ – អនិទស្សនអប្បដិឃា ខន្ធា ច មហាភូតា ច សនិទស្សនសប្បដិឃានំ ចិត្តសមុដ្ឋានានំ រូបានំ អត្ថិបច្ចយេន បច្ចយោ។ បដិសន្ធិក្ខណេ… (សំខិត្តំ, អសញ្ញសត្តានញ្ច កាតព្ពា)។ (១)
Anidassanasappaṭigho ca anidassanaappaṭigho ca dhammā sanidassanasappaṭighassa dhammassa atthipaccayena paccayo – anidassanaappaṭighā khandhā ca mahābhūtā ca sanidassanasappaṭighānaṃ cittasamuṭṭhānānaṃ rūpānaṃ atthipaccayena paccayo. Paṭisandhikkhaṇe… (saṃkhittaṃ, asaññasattānañca kātabbā). (1)
អនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនសប្បដិឃស្ស ធម្មស្ស អត្ថិបច្ចយេន បច្ចយោ (សំខិត្តំ)។ (២)
Anidassanasappaṭigho ca anidassanaappaṭigho ca dhammā anidassanasappaṭighassa dhammassa atthipaccayena paccayo (saṃkhittaṃ). (2)
៥៤. អនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតា – អនិទស្សនអប្បដិឃា ខន្ធា ច មហាភូតា ច អនិទស្សនអប្បដិឃានំ ចិត្តសមុដ្ឋានានំ រូបានំ…បេ.… (យាវ អសញ្ញសត្តា កាតព្ពា)។ បុរេជាតំ – ចក្ខាយតនញ្ច វត្ថុ ច…បេ.… ផោដ្ឋព្ពាយតនញ្ច វត្ថុ ច អនិទស្សនអប្បដិឃានំ ខន្ធានំ អត្ថិបច្ចយេន បច្ចយោ។ (៣) (អវសេសា ចតស្សោ បញ្ហា វិភជិតព្ពា។) (៧)
54. Anidassanasappaṭigho ca anidassanaappaṭigho ca dhammā anidassanaappaṭighassa dhammassa atthipaccayena paccayo – sahajātaṃ, purejātaṃ. Sahajātā – anidassanaappaṭighā khandhā ca mahābhūtā ca anidassanaappaṭighānaṃ cittasamuṭṭhānānaṃ rūpānaṃ…pe… (yāva asaññasattā kātabbā). Purejātaṃ – cakkhāyatanañca vatthu ca…pe… phoṭṭhabbāyatanañca vatthu ca anidassanaappaṭighānaṃ khandhānaṃ atthipaccayena paccayo. (3) (Avasesā catasso pañhā vibhajitabbā.) (7)
៥៥. សនិទស្សនសប្បដិឃោ ច អនិទស្សនសប្បដិឃោ ច ធម្មា អនិទស្សនអប្បដិឃស្ស ធម្មស្ស អត្ថិបច្ចយេន បច្ចយោ។ បុរេជាតំ – រូបាយតនញ្ច ចក្ខាយតនញ្ច ចក្ខុវិញ្ញាណស្ស អត្ថិបច្ចយេន បច្ចយោ។ (១)
55. Sanidassanasappaṭigho ca anidassanasappaṭigho ca dhammā anidassanaappaṭighassa dhammassa atthipaccayena paccayo. Purejātaṃ – rūpāyatanañca cakkhāyatanañca cakkhuviññāṇassa atthipaccayena paccayo. (1)
សនិទស្សនសប្បដិឃោ ច អនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ រូបាយតនញ្ច ចក្ខាយតនញ្ច ចក្ខុវិញ្ញាណញ្ច ចក្ខុវិញ្ញាណសហគតានំ ខន្ធានំ អត្ថិបច្ចយេន បច្ចយោ។ (១)
Sanidassanasappaṭigho ca anidassanasappaṭigho ca anidassanaappaṭigho ca dhammā anidassanaappaṭighassa dhammassa atthipaccayena paccayo – sahajātaṃ, purejātaṃ. Rūpāyatanañca cakkhāyatanañca cakkhuviññāṇañca cakkhuviññāṇasahagatānaṃ khandhānaṃ atthipaccayena paccayo. (1)
(នត្ថិវិគតបច្ចយំ អនន្តរសទិសំ។ អវិគតបច្ចយំ អត្ថិសទិសំ។)
(Natthivigatapaccayaṃ anantarasadisaṃ. Avigatapaccayaṃ atthisadisaṃ.)
១. បច្ចយានុលោមំ
1. Paccayānulomaṃ
២. សង្ខ្យាវារោ
2. Saṅkhyāvāro
សុទ្ធំ
Suddhaṃ
៥៦. ហេតុយា សត្ត, អារម្មណេ តីណិ, អធិបតិយា នវ, អនន្តរេ ឯកំ, សមនន្តរេ ឯកំ, សហជាតេ ឯកវីស, អញ្ញមញ្ញេ ឆ, និស្សយេ ឯកវីស, ឧបនិស្សយេ តីណិ, បុរេជាតេ ឆ, បច្ឆាជាតេ សត្ត, អាសេវនេ ឯកំ, កម្មេ សត្ត, វិបាកេ សត្ត, អាហារេ សត្ត, ឥន្ទ្រិយេ នវ, ឈានេ សត្ត, មគ្គេ សត្ត, សម្បយុត្តេ ឯកំ, វិប្បយុត្តេ អដ្ឋ, អត្ថិយា បញ្ចវីស, នត្ថិយា ឯកំ, វិគតេ ឯកំ, អវិគតេ បញ្ចវីស។
56. Hetuyā satta, ārammaṇe tīṇi, adhipatiyā nava, anantare ekaṃ, samanantare ekaṃ, sahajāte ekavīsa, aññamaññe cha, nissaye ekavīsa, upanissaye tīṇi, purejāte cha, pacchājāte satta, āsevane ekaṃ, kamme satta, vipāke satta, āhāre satta, indriye nava, jhāne satta, magge satta, sampayutte ekaṃ, vippayutte aṭṭha, atthiyā pañcavīsa, natthiyā ekaṃ, vigate ekaṃ, avigate pañcavīsa.
ហេតុសភាគំ
Hetusabhāgaṃ
៥៧. ហេតុបច្ចយា អធិបតិយា សត្ត, សហជាតេ សត្ត, អញ្ញមញ្ញេ ឯកំ, និស្សយេ សត្ត, វិបាកេ សត្ត, ឥន្ទ្រិយេ សត្ត, មគ្គេ សត្ត, សម្បយុត្តេ ឯកំ, វិប្បយុត្តេ សត្ត, អត្ថិយា សត្ត, អវិគតេ សត្ត។
57. Hetupaccayā adhipatiyā satta, sahajāte satta, aññamaññe ekaṃ, nissaye satta, vipāke satta, indriye satta, magge satta, sampayutte ekaṃ, vippayutte satta, atthiyā satta, avigate satta.
ហេតុសាមញ្ញឃដនា (៩)
Hetusāmaññaghaṭanā (9)
៥៨. ហេតុ-សហជាត-និស្សយ-អត្ថិ-អវិគតន្តិ សត្ត។ ហេតុ-សហជាត-អញ្ញមញ្ញនិស្សយ-អត្ថិ-អវិគតន្តិ ឯកំ។ ហេតុ-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ ឯកំ។ ហេតុ-សហជាត-និស្សយ-វិប្បយុត្ត-អត្ថិ -អវិគតន្តិ សត្ត (អវិបាកំ-៤)។
58. Hetu-sahajāta-nissaya-atthi-avigatanti satta. Hetu-sahajāta-aññamaññanissaya-atthi-avigatanti ekaṃ. Hetu-sahajāta-aññamañña-nissaya-sampayutta-atthi-avigatanti ekaṃ. Hetu-sahajāta-nissaya-vippayutta-atthi -avigatanti satta (avipākaṃ-4).
ហេតុ-សហជាត-និស្សយ-វិបាក-អត្ថិ-អវិគតន្តិ សត្ត។ ហេតុ-សហជាត-អញ្ញមញ្ញ-និស្សយវិបាក-អត្ថិ-អវិគតន្តិ ឯកំ។ ហេតុ-សហជាត-អញ្ញមញ្ញ-និស្សយ-វិបាក-សម្បយុត្ត-អត្ថិអវិគតន្តិ ឯកំ។ ហេតុ-សហជាត-និស្សយ-វិបាក-វិប្បយុត្ត-អត្ថិ-អវិគតន្តិ សត្ត។ ហេតុ-សហជាត-អញ្ញមញ្ញ-និស្សយ-វិបាក-វិប្បយុត្ត-អត្ថិ-អវិគតន្តិ ឯកំ (សវិបាកំ-៥)។
Hetu-sahajāta-nissaya-vipāka-atthi-avigatanti satta. Hetu-sahajāta-aññamañña-nissayavipāka-atthi-avigatanti ekaṃ. Hetu-sahajāta-aññamañña-nissaya-vipāka-sampayutta-atthiavigatanti ekaṃ. Hetu-sahajāta-nissaya-vipāka-vippayutta-atthi-avigatanti satta. Hetu-sahajāta-aññamañña-nissaya-vipāka-vippayutta-atthi-avigatanti ekaṃ (savipākaṃ-5).
(ឯវំ សព្ពោ គណនវារោ គណេតព្ពោ។)
(Evaṃ sabbo gaṇanavāro gaṇetabbo.)
អនុលោមំ។
Anulomaṃ.
២. បច្ចនីយុទ្ធារោ
2. Paccanīyuddhāro
៥៩. សនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (១)
59. Sanidassanasappaṭigho dhammo anidassanaappaṭighassa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (1)
អនិទស្សនសប្បដិឃោ ធម្មោ អនិទស្សនសប្បដិឃស្ស ធម្មស្ស សហជាតបច្ចយេន បច្ចយោ។ (១)
Anidassanasappaṭigho dhammo anidassanasappaṭighassa dhammassa sahajātapaccayena paccayo. (1)
អនិទស្សនសប្បដិឃោ ធម្មោ សនិទស្សនសប្បដិឃស្ស ធម្មស្ស សហជាតបច្ចយេន បច្ចយោ។ (២)
Anidassanasappaṭigho dhammo sanidassanasappaṭighassa dhammassa sahajātapaccayena paccayo. (2)
អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)
Anidassanasappaṭigho dhammo anidassanaappaṭighassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)
អនិទស្សនសប្បដិឃោ ធម្មោ សនិទស្សនសប្បដិឃស្ស ច អនិទស្សនអប្បដិឃស្ស ច ធម្មស្ស សហជាតបច្ចយេន បច្ចយោ។ (៤)
Anidassanasappaṭigho dhammo sanidassanasappaṭighassa ca anidassanaappaṭighassa ca dhammassa sahajātapaccayena paccayo. (4)
អនិទស្សនសប្បដិឃោ ធម្មោ អនិទស្សនសប្បដិឃស្ស ច អនិទស្សនអប្បដិឃស្ស ច ធម្មស្ស សហជាតបច្ចយេន បច្ចយោ។ (៥)
Anidassanasappaṭigho dhammo anidassanasappaṭighassa ca anidassanaappaṭighassa ca dhammassa sahajātapaccayena paccayo. (5)
អនិទស្សនសប្បដិឃោ ធម្មោ សនិទស្សនសប្បដិឃស្ស ច អនិទស្សនសប្បដិឃស្ស ច ធម្មស្ស សហជាតបច្ចយេន បច្ចយោ។ (៦)
Anidassanasappaṭigho dhammo sanidassanasappaṭighassa ca anidassanasappaṭighassa ca dhammassa sahajātapaccayena paccayo. (6)
អនិទស្សនសប្បដិឃោ ធម្មោ សនិទស្សនសប្បដិឃស្ស ច អនិទស្សនសប្បដិឃស្ស ច អនិទស្សនអប្បដិឃស្ស ច ធម្មស្ស សហជាតបច្ចយេន បច្ចយោ។ (៧)
Anidassanasappaṭigho dhammo sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo. (7)
៦០. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)
60. Anidassanaappaṭigho dhammo anidassanaappaṭighassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស សហជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (២)
Anidassanaappaṭigho dhammo sanidassanasappaṭighassa dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (2)
អនិទស្សនអប្បដិឃោ ធម្មោ អនិទស្សនសប្បដិឃស្ស ធម្មស្ស សហជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (៣)
Anidassanaappaṭigho dhammo anidassanasappaṭighassa dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (3)
អនិទស្សនអប្បដិឃោ ធម្មោ សនិទស្សនសប្បដិឃស្ស ច អនិទស្សនអប្បដិឃស្ស ច ធម្មស្ស សហជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (៤)
Anidassanaappaṭigho dhammo sanidassanasappaṭighassa ca anidassanaappaṭighassa ca dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (4)
អនិទស្សនអប្បដិឃោ ធម្មោ អនិទស្សនសប្បដិឃស្ស ច អនិទស្សនអប្បដិឃស្ស ច ធម្មស្ស សហជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (៥)
Anidassanaappaṭigho dhammo anidassanasappaṭighassa ca anidassanaappaṭighassa ca dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (5)
អនិទស្សនអប្បដិឃោ ធម្មោ សនិទស្សនសប្បដិឃស្ស ច អនិទស្សនសប្បដិឃស្ស ច ធម្មស្ស សហជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (៦)
Anidassanaappaṭigho dhammo sanidassanasappaṭighassa ca anidassanasappaṭighassa ca dhammassa sahajātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (6)
អនិទស្សនអប្បដិឃោ ធម្មោ សនិទស្សនសប្បដិឃស្ស ច អនិទស្សនសប្បដិឃស្ស ច អនិទស្សនអប្បដិឃស្ស ច ធម្មស្ស សហជាតបច្ចយេន បច្ចយោ … បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (៧)
Anidassanaappaṭigho dhammo sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo … pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (7)
៦១. សនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស បុរេជាតំ។ (១)
61. Sanidassanasappaṭigho ca anidassanaappaṭigho ca dhammā anidassanaappaṭighassa dhammassa purejātaṃ. (1)
អនិទស្សនសប្បដិឃោ ច អនិទស្សនអប្បដិឃោ ច ធម្មា សនិទស្សនសប្បដិឃស្ស ធម្មស្ស សហជាតបច្ចយេន បច្ចយោ។ (១)
Anidassanasappaṭigho ca anidassanaappaṭigho ca dhammā sanidassanasappaṭighassa dhammassa sahajātapaccayena paccayo. (1)
អនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនសប្បដិឃស្ស ធម្មស្ស សហជាតបច្ចយេន បច្ចយោ។ (២)
Anidassanasappaṭigho ca anidassanaappaṭigho ca dhammā anidassanasappaṭighassa dhammassa sahajātapaccayena paccayo. (2)
អនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស សហជាតំ, បុរេជាតំ។ (៣)
Anidassanasappaṭigho ca anidassanaappaṭigho ca dhammā anidassanaappaṭighassa dhammassa sahajātaṃ, purejātaṃ. (3)
អនិទស្សនសប្បដិឃោ ច អនិទស្សនអប្បដិឃោ ច ធម្មា សនិទស្សនសប្បដិឃស្ស ច អនិទស្សនអប្បដិឃស្ស ច ធម្មស្ស សហជាតបច្ចយេន បច្ចយោ។ (៤)
Anidassanasappaṭigho ca anidassanaappaṭigho ca dhammā sanidassanasappaṭighassa ca anidassanaappaṭighassa ca dhammassa sahajātapaccayena paccayo. (4)
អនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនសប្បដិឃស្ស ច អនិទស្សនអប្បដិឃស្ស ច ធម្មស្ស សហជាតបច្ចយេន បច្ចយោ។ (៥)
Anidassanasappaṭigho ca anidassanaappaṭigho ca dhammā anidassanasappaṭighassa ca anidassanaappaṭighassa ca dhammassa sahajātapaccayena paccayo. (5)
អនិទស្សនសប្បដិឃោ ច អនិទស្សនអប្បដិឃោ ច ធម្មា សនិទស្សនសប្បដិឃស្ស ច អនិទស្សនសប្បដិឃស្ស ច ធម្មស្ស សហជាតបច្ចយេន បច្ចយោ។ (៦)
Anidassanasappaṭigho ca anidassanaappaṭigho ca dhammā sanidassanasappaṭighassa ca anidassanasappaṭighassa ca dhammassa sahajātapaccayena paccayo. (6)
អនិទស្សនសប្បដិឃោ ច អនិទស្សនអប្បដិឃោ ច ធម្មា សនិទស្សនសប្បដិឃស្ស ច អនិទស្សនសប្បដិឃស្ស ច អនិទស្សនអប្បដិឃស្ស ច ធម្មស្ស សហជាតបច្ចយេន បច្ចយោ។ (៧)
Anidassanasappaṭigho ca anidassanaappaṭigho ca dhammā sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo. (7)
៦២. សនិទស្សនសប្បដិឃោ ច អនិទស្សនសប្បដិឃោ ច ធម្មា អនិទស្សនអប្បដិឃស្ស ធម្មស្ស បុរេជាតំ។ (១)
62. Sanidassanasappaṭigho ca anidassanasappaṭigho ca dhammā anidassanaappaṭighassa dhammassa purejātaṃ. (1)
សនិទស្សនសប្បដិឃោ ច អនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស សហជាតបច្ចយេន បច្ចយោ… បុរេជាតបច្ចយេន បច្ចយោ។ (១)
Sanidassanasappaṭigho ca anidassanasappaṭigho ca anidassanaappaṭigho ca dhammā anidassanaappaṭighassa dhammassa sahajātapaccayena paccayo… purejātapaccayena paccayo. (1)
២. បច្ចយបច្ចនីយំ
2. Paccayapaccanīyaṃ
២. សង្ខ្យាវារោ
2. Saṅkhyāvāro
សុទ្ធំ
Suddhaṃ
៦៣. នហេតុយា បញ្ចវីស, នអារម្មណេ ទ្វាវីស, នអធិបតិយា បញ្ចវីស, នអនន្តរេ បញ្ចវីស, នសមនន្តរេ បញ្ចវីស, នសហជាតេ ទ្វាទស, នអញ្ញមញ្ញេ ចតុវីស, ននិស្សយេ នវ, នឧបនិស្សយេ បញ្ចវីស, នបុរេជាតេ ពាវីស, នបច្ឆាជាតេ បញ្ចវីស, នអាសេវនេ បញ្ចវីស, នកម្មេ បញ្ចវីស, នវិបាកេ ចតុវីស, នអាហារេ បញ្ចវីស, នឥន្ទ្រិយេ តេវីស, នឈានេ បញ្ចវីស, នមគ្គេ បញ្ចវីស, នសម្បយុត្តេ ចតុវីស, នវិប្បយុត្តេ ពាវីស, នោអត្ថិយា នវ, នោនត្ថិយា បញ្ចវីស, នោវិគតេ បញ្ចវីស, នោអវិគតេ នវ។
63. Nahetuyā pañcavīsa, naārammaṇe dvāvīsa, naadhipatiyā pañcavīsa, naanantare pañcavīsa, nasamanantare pañcavīsa, nasahajāte dvādasa, naaññamaññe catuvīsa, nanissaye nava, naupanissaye pañcavīsa, napurejāte bāvīsa, napacchājāte pañcavīsa, naāsevane pañcavīsa, nakamme pañcavīsa, navipāke catuvīsa, naāhāre pañcavīsa, naindriye tevīsa, najhāne pañcavīsa, namagge pañcavīsa, nasampayutte catuvīsa, navippayutte bāvīsa, noatthiyā nava, nonatthiyā pañcavīsa, novigate pañcavīsa, noavigate nava.
នហេតុទុកំ
Nahetudukaṃ
នហេតុបច្ចយា នអារម្មណេ ពាវីស (បឋមគមនសទិសំ), នោអវិគតេ នវ។
Nahetupaccayā naārammaṇe bāvīsa (paṭhamagamanasadisaṃ), noavigate nava.
នហេតុតិកំ
Nahetutikaṃ
នហេតុបច្ចយា នអារម្មណបច្ចយា នអធិបតិយា ពាវីស, នអនន្តរេ ពាវីស, នសមនន្តរេ ពាវីស, នសហជាតេ នវ, នអញ្ញមញ្ញេ ពាវីស, ននិស្សយេ នវ, នឧបនិស្សយេ ឯកវីស, នបុរេជាតេ ពាវីស, នបច្ឆាជាតេ ពាវីស…បេ.… នសម្បយុត្តេ ពាវីស, នវិប្បយុត្តេ ពាវីស , នោអត្ថិយា នវ, នោនត្ថិយា ពាវីស, នោវិគតេ ពាវីស, នោអវិគតេ នវ (ឯវំ គណេតព្ពំ)។
Nahetupaccayā naārammaṇapaccayā naadhipatiyā bāvīsa, naanantare bāvīsa, nasamanantare bāvīsa, nasahajāte nava, naaññamaññe bāvīsa, nanissaye nava, naupanissaye ekavīsa, napurejāte bāvīsa, napacchājāte bāvīsa…pe… nasampayutte bāvīsa, navippayutte bāvīsa , noatthiyā nava, nonatthiyā bāvīsa, novigate bāvīsa, noavigate nava (evaṃ gaṇetabbaṃ).
បច្ចនីយំ។
Paccanīyaṃ.
៣. បច្ចយានុលោមបច្ចនីយំ
3. Paccayānulomapaccanīyaṃ
ហេតុទុកំ
Hetudukaṃ
៦៤. ហេតុបច្ចយា នអារម្មណេ សត្ត, នអធិបតិយា សត្ត, នអនន្តរេ សត្ត, នសមនន្តរេ សត្ត, នអញ្ញមញ្ញេ សត្ត, នឧបនិស្សយេ សត្ត, នបុរេជាតេ សត្ត, នបច្ឆាជាតេ សត្ត…បេ.… នសម្បយុត្តេ សត្ត, នវិប្បយុត្តេ ឯកំ, នោនត្ថិយា សត្ត, នោវិគតេ សត្ត។
64. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe satta, naupanissaye satta, napurejāte satta, napacchājāte satta…pe… nasampayutte satta, navippayutte ekaṃ, nonatthiyā satta, novigate satta.
ហេតុសាមញ្ញឃដនា
Hetusāmaññaghaṭanā
៦៥. ហេតុ-សហជាត-និស្សយ-អត្ថិ-អវិគតន្តិ នអារម្មណេ សត្ត…បេ.… នអនន្តរេ សត្ត, នសមនន្តរេ សត្ត, នអញ្ញមញ្ញេ សត្ត (ឥធាបិ សំខិត្តំ), នសម្បយុត្តេ សត្ត, នវិប្បយុត្តេ ឯកំ, នោនត្ថិយា សត្ត, នោវិគតេ សត្ត។
65. Hetu-sahajāta-nissaya-atthi-avigatanti naārammaṇe satta…pe… naanantare satta, nasamanantare satta, naaññamaññe satta (idhāpi saṃkhittaṃ), nasampayutte satta, navippayutte ekaṃ, nonatthiyā satta, novigate satta.
ហេតុ -សហជាត-អញ្ញមញ្ញ-និស្សយ-អត្ថិ-អវិគតន្តិ នអារម្មណេ ឯកំ (សព្ពត្ថ ឯកំ), នោវិគតេ ឯកំ (ឯវំ គណេតព្ពំ)។
Hetu -sahajāta-aññamañña-nissaya-atthi-avigatanti naārammaṇe ekaṃ (sabbattha ekaṃ), novigate ekaṃ (evaṃ gaṇetabbaṃ).
អនុលោមបច្ចនីយំ។
Anulomapaccanīyaṃ.
៤. បច្ចយបច្ចនីយានុលោមំ
4. Paccayapaccanīyānulomaṃ
នហេតុទុកំ
Nahetudukaṃ
៦៦. នហេតុបច្ចយា អារម្មណេ តីណិ, អធិបតិយា នវ, អនន្តរេ ឯកំ, សមនន្តរេ ឯកំ, សហជាតេ ឯកវីស, អញ្ញមញ្ញេ ឆ, និស្សយេ ឯកវីស, ឧបនិស្សយេ តីណិ, បុរេជាតេ ឆ, បច្ឆាជាតេ សត្ត, អាសេវនេ ឯកំ, កម្មេ សត្ត, វិបាកេ សត្ត, អាហារេ សត្ត, ឥន្ទ្រិយេ នវ, ឈានេ សត្ត, មគ្គេ សត្ត, សម្បយុត្តេ ឯកំ, វិប្បយុត្តេ អដ្ឋ, អត្ថិយា បញ្ចវីស, នត្ថិយា ឯកំ, វិគតេ ឯកំ, អវិគតេ បញ្ចវីស (ឯវំ គណេតព្ពំ)។
66. Nahetupaccayā ārammaṇe tīṇi, adhipatiyā nava, anantare ekaṃ, samanantare ekaṃ, sahajāte ekavīsa, aññamaññe cha, nissaye ekavīsa, upanissaye tīṇi, purejāte cha, pacchājāte satta, āsevane ekaṃ, kamme satta, vipāke satta, āhāre satta, indriye nava, jhāne satta, magge satta, sampayutte ekaṃ, vippayutte aṭṭha, atthiyā pañcavīsa, natthiyā ekaṃ, vigate ekaṃ, avigate pañcavīsa (evaṃ gaṇetabbaṃ).
បច្ចនីយានុលោមំ។
Paccanīyānulomaṃ.
បញ្ហាវារោ និដ្ឋិតោ។
Pañhāvāro niṭṭhito.
សនិទស្សនសប្បដិឃត្តិកំ និដ្ឋិតំ។
Sanidassanasappaṭighattikaṃ niṭṭhitaṃ.
ធម្មានុលោមេ តិកបដ្ឋានំ និដ្ឋិតំ។
Dhammānulome tikapaṭṭhānaṃ niṭṭhitaṃ.
ទុតិយោ ភាគោ និដ្ឋិតោ។
Dutiyo bhāgo niṭṭhito.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៥-២២. សង្កិលិដ្ឋត្តិកាទិវណ្ណនា • 5-22. Saṅkiliṭṭhattikādivaṇṇanā
