11. бан̃жасад̇игагканд̇хагам̣

сан̇г̇ийд̇инид̣̇аанагат̇ааван̣н̣анаа

437. бан̃жасад̇игагканд̇хагз баавааяа гусинааранд̇и (д̣̇ий. ни. адта. 2.231) бааваанаг̇арз бин̣д̣ааяа жарид̇ваа гусинаарам̣ г̇амиссаамийд̇и ад̣̇д̇хаанамаг̇г̇аббадибанно. манд̣̇ааравабубпам̣ г̇ахзд̇ваад̇и махаажаадиббамаан̣ам̣ бубпам̣ ааг̇анд̇угад̣̇ан̣д̣агз табзд̇ваа чад̇д̇ам̣ вияа г̇ахзд̇ваа. ад̣̇д̣̇асам̣ код̇и ааг̇ажчанд̇ам̣ д̣̇уурад̇ова ад̣̇д̣̇асам̣. д̣̇исваа жа бана ‘‘бужчиссаами нам̣ бхаг̇авад̇о бавад̇д̇и’’нд̇и жид̇д̇ам̣ уббаад̣̇зд̇ваа ‘‘сажз ко бана нисиннагова бужчиссаами, сад̇т̇ари аг̇аараво гад̇о бхависсад̇ий’’д̇и удтахид̇ваа тид̇адтаанад̇о абаггамма чад̣̇д̣̇анд̇о нааг̇арааж̇аа ман̣ижаммам̣ вияа д̣̇асаб̣алад̣̇ад̇д̇ияам̣ мзгхаван̣н̣абам̣сугуулажийварам̣ баарубид̇ваа д̣̇асанакасамод̇хаанасамуж̇ж̇алам̣ ан̃ж̇алим̣ сирасмим̣ бад̇идтаабзд̇ваа сад̇т̇ари гад̇зна г̇ааравзна ааж̇ийвагасса абхимуко худ̇ваа ‘‘абаавусо амхаагам̣ сад̇т̇аарам̣ ж̇аанаасий’’д̇и ааха. гим̣ бана сад̇т̇у бариниб̣б̣аанам̣ ж̇аананд̇о бужчи аж̇аананд̇од̇и? ааваж̇ж̇анаббадиб̣ад̣̇д̇хам̣ кийн̣аасаваанам̣ ж̇аананам̣. анааваж̇ж̇ид̇ад̇д̇аа банзса аж̇аананд̇о бужчийд̇и згз. т̇зро самаабад̇д̇иб̣ахуло рад̇д̇идтаанад̣̇иваадтааналзн̣аман̣д̣абаад̣̇ийсу нижжам̣ самаабад̇д̇ипалзнзва яаабзд̇и. гуласанд̇агамби г̇аамам̣ бависид̇ваа д̣̇ваарз самаабаж̇ж̇ид̇ваа самаабад̇д̇ид̇о вудтид̇ова бхигкам̣ г̇ан̣хаад̇и. т̇зро гира ‘‘иминаа мз бажчимзна ад̇д̇абхаавзна махааж̇анаануг̇г̇ахам̣ гариссаами, яз маяхам̣ бхигкам̣ ваа д̣̇знд̇и, г̇анд̇хамаалаад̣̇ийхи ваа саггаарам̣ гаронд̇и, д̇зсам̣ д̇ам̣ махабпалам̣ ход̇уу’’д̇и звам̣ гарод̇и. д̇асмаа самаабад̇д̇иб̣ахулад̇ааяа на ж̇аани. ид̇и аж̇аананд̇ова бужчийд̇и вад̣̇анд̇и, д̇ам̣ на г̇ахзд̇аб̣б̣ам̣. на хзд̇т̇а аж̇аананагааран̣ам̣ ад̇т̇и. абхилагкид̇ам̣ сад̇т̇у бариниб̣б̣аанам̣ ахоси д̣̇асасахассилогад̇хаад̇угамбанаад̣̇ийхи нимид̇д̇зхи. т̇зрасса бана барисааяа гзхижи бхигкуухи бхаг̇аваа д̣̇идтабуб̣б̣о, гзхижи на д̣̇идтабуб̣б̣о. д̇ад̇т̇а язхи д̣̇идтабуб̣б̣о, д̇зби бассид̇угаамаава. язхиби ад̣̇идтабуб̣б̣о, д̇зби бассид̇угаамаава. д̇ад̇т̇а язхи на д̣̇идтабуб̣б̣о, д̇з абхид̣̇ассанагаамад̇ааяа г̇анд̇ваа ‘‘гухим̣ бхаг̇аваа’’д̇и бужчанд̇аа ‘‘бариниб̣б̣уд̇о’’д̇и суд̇ваа санд̇хаарзд̇ум̣ на сагкиссанд̇и. жийварам̣ чад̣д̣зд̇ваа згавад̇т̇аа ваа д̣̇уннивад̇т̇аа ваа ураани бадибисанд̇аа барод̣̇иссанд̇и. д̇ад̇т̇а мануссаа ‘‘махаагассабзна сад̣̇д̇хим̣ ааг̇ад̇абам̣сугуулигаа саяамби ид̇т̇ияо вияа барод̣̇анд̇и, д̇з гим̣ амхз самассаасзнд̇ий’’д̇и маяхам̣ д̣̇осам̣ д̣̇ассанд̇и. ид̣̇ам̣ бана сун̃н̃ам̣ махааран̃н̃ам̣, ид̇ха яат̇аа д̇ат̇аа род̣̇анд̇зсу д̣̇осо над̇т̇и. буримад̇арам̣ суд̇ваа наама согоби д̇ануго ход̇ийд̇и бхигкуунам̣ сад̇уббаад̣̇алаабхад̇т̇ам̣ ж̇аананд̇ова бужчи.

аж̇ж̇а сад̇д̇аахабариниб̣б̣уд̇од̇и аж̇ж̇а д̣̇ивасад̇о бадиломад̇о сад̇д̇амз ахани бариниб̣б̣уд̇о. д̇ад̇о мз ид̣̇анд̇и д̇ад̇о саман̣асса г̇од̇амасса бариниб̣б̣уд̇адтаанад̇о. авийд̇арааг̇аад̇и бут̇уж̇ж̇анаа жзва сод̇аабаннасагад̣̇ааг̇аамино жа. д̇зсан̃хи д̣̇оманассам̣ аббахийнам̣, д̇асмаа д̇зби б̣аахаа баг̇г̇аяха ганд̣̇анд̇и, убхо хад̇т̇з сийсз табзд̇ваа род̣̇анд̇и. чиннабаад̇ам̣ бабад̇анд̇ийд̇и чиннаанам̣ баад̇о вияа чиннабаад̇о, д̇ам̣ чиннабаад̇ам̣, бхааванабум̣саганид̣̇д̣̇зсояам̣, маж̇жхз чиннаа вияа худ̇ваа яад̇о ваа д̇ад̇о ваа бад̇анд̇ийд̇и ад̇т̇о. аавадданд̇ийд̇и абхимукабхаавзна вадданд̇и. яад̇т̇а бад̇ид̇аа, д̇ад̇о гад̇ибаяарад̇анадтаанам̣ вадданавасзнзва г̇анд̇ваа буна яат̇аабад̇ид̇амзва таанам̣ вадданавасзна ааг̇ажчанд̇и. вивадданд̇ийд̇и яад̇т̇а бад̇ид̇аа, д̇ад̇о нивадданд̇и, бад̇ид̇адтаанад̇о барабхааг̇ам̣ ваддамаанаа г̇ажчанд̇ийд̇и ад̇т̇о. абижа бурад̇о вадданам̣ аавадданам̣, бассад̇о бажчад̇о жа вадданам̣ вивадданам̣. д̇асмаа д̣̇вз баад̣̇з басаарзд̇ваа сагим̣ бурад̇о сагим̣ бажчад̇о сагим̣ ваамад̇о сагим̣ д̣̇агкин̣ад̇о самбариваддамаанааби аавадданд̇и вивадданд̇ийд̇и вужжанд̇и. вийд̇арааг̇аад̇и бахийнад̣̇оманассаа идтаанидтзсу ниб̣б̣игаарад̇ааяа силаат̇амбхасад̣̇исаа анааг̇аамикийн̣аасаваа. гааман̃хи д̣̇оманассз асад̇иби згажжо рааг̇о ход̇иязва, рааг̇з бана асад̇и д̣̇оманассасса асамбхавоязва. д̇ад̣̇згадтабхаавад̇о хи рааг̇аббахаанзна бахийнад̣̇оманассаа вуд̇д̇аа, на кийн̣аасаваа зва.

саб̣б̣зхзва биязхийд̇иаад̣̇ийсу бияааяид̇аб̣б̣ад̇о биязхи манавад̣дханад̇о манаабзхи маад̇аабид̇аабхаад̇аабхаг̇инийаад̣̇игзхи. наанаабхаавод̇и ж̇аад̇ияаа наанаабхааво, ж̇аад̇иануруубаг̇аманзна висум̣ бхааво, асамб̣ад̣̇д̇хабхаавод̇и ад̇т̇о. винаабхаавод̇и маран̣зна винаабхааво, жуд̇ияаа д̇знад̇д̇абхаавзна абунабавад̇д̇анад̇о виббаяог̇од̇и ад̇т̇о. ан̃н̃ат̇аабхаавод̇и бхавзна ан̃н̃ат̇аабхааво, бхаванд̇араг̇г̇ахан̣зна ‘‘гаамааважарасад̇д̇о руубааважаро ход̇ий’’д̇иаад̣̇инаа д̇ад̇т̇ааби ‘‘мануссо д̣̇зво ход̇ий’’д̇иаад̣̇инаа жа буримаагаарад̇о ан̃н̃аагаарад̇аад̇и ад̇т̇о. д̇анд̇и д̇асмаа. гуд̇зд̇т̇а лаб̣бхаад̇и гуд̇о гухим̣ гасмим̣ наама таанз зд̇т̇а зд̇асмим̣ канд̇хаббавад̇д̇з яам̣ д̇ам̣ ж̇аад̇ам̣…бз… маа балуж̇ж̇ийд̇и лад̣̇д̇хум̣ саггаа, на саггаа зва д̇аад̣̇исасса гааран̣асса абхаавад̇о. ид̣̇ам̣ вуд̇д̇ам̣ ход̇и – яасмаа саб̣б̣зхзва биязхи манаабзхи наанаабхааво, д̇асмаа д̣̇аса баарамияо буурзд̇вааби самб̣од̇хим̣ бад̇вааби д̇хаммажаггам̣ бавад̇д̇зд̇вааби яамагабаадихаарияам̣ д̣̇ассзд̇вааби д̣̇зворохан̣ам̣ гад̇вааби яам̣ д̇ам̣ ж̇аад̇ам̣ бхууд̇ам̣ сан̇кад̇ам̣ балогад̇хаммам̣, д̇ан̃жа д̇ат̇ааг̇ад̇ассаби сарийрам̣ маа балуж̇ж̇ийд̇и нзд̇ам̣ таанам̣ виж̇ж̇ад̇и, род̣̇анд̇знаби ганд̣̇анд̇знаби на саггаа д̇ам̣ гааран̣ам̣ лад̣̇д̇хунд̇и.

д̇зна ко банаавусо, самаязна субхад̣̇д̣̇о наама вуд̣дхабаб̣б̣аж̇ид̇од̇иаад̣̇ийсу яам̣ вад̇д̇аб̣б̣ам̣, д̇ам̣ нид̣̇аанаван̣н̣анааяам̣ (саарад̇т̇а. дий. 1.батамамахаасан̇г̇ийд̇игат̇аа) вуд̇д̇анаяамзва.

сан̇г̇ийд̇инид̣̇аанагат̇ааван̣н̣анаа нидтид̇аа.