| Library / Tipiṭaka / ತಿಪಿಟಕ • Tipiṭaka / ಥೇರೀಗಾಥಾ-ಅಟ್ಠಕಥಾ • Therīgāthā-aṭṭhakathā |
೧೮. ಸಙ್ಘಾಥೇರೀಗಾಥಾವಣ್ಣನಾ
18. Saṅghātherīgāthāvaṇṇanā
ಹಿತ್ವಾ ಘರೇ ಪಬ್ಬಜಿತ್ವಾತಿ ಸಙ್ಘಾಯ ಥೇರಿಯಾ ಗಾಥಾ। ತಸ್ಸಾ ವತ್ಥು ಧೀರಾಥೇರಿಯಾ ವತ್ಥುಸದಿಸಂ। ಗಾಥಾ ಪನ –
Hitvā ghare pabbajitvāti saṅghāya theriyā gāthā. Tassā vatthu dhīrātheriyā vatthusadisaṃ. Gāthā pana –
೧೮.
18.
‘‘ಹಿತ್ವಾ ಘರೇ ಪಬ್ಬಜಿತ್ವಾ, ಹಿತ್ವಾ ಪುತ್ತಂ ಪಸುಂ ಪಿಯಂ।
‘‘Hitvā ghare pabbajitvā, hitvā puttaṃ pasuṃ piyaṃ;
ಹಿತ್ವಾ ರಾಗಞ್ಚ ದೋಸಞ್ಚ, ಅವಿಜ್ಜಞ್ಚ ವಿರಾಜಿಯ।
Hitvā rāgañca dosañca, avijjañca virājiya;
ಸಮೂಲಂ ತಣ್ಹಮಬ್ಬುಯ್ಹ, ಉಪಸನ್ತಾಮ್ಹಿ ನಿಬ್ಬುತಾ’’ತಿ॥ – ಗಾಥಂ ಅಭಾಸಿ।
Samūlaṃ taṇhamabbuyha, upasantāmhi nibbutā’’ti. – gāthaṃ abhāsi;
ತತ್ಥ ಹಿತ್ವಾತಿ ಛಡ್ಡೇತ್ವಾ। ಘರೇತಿ ಗೇಹಂ। ಘರಸದ್ದೋ ಹಿ ಏಕಸ್ಮಿಮ್ಪಿ ಅಭಿಧೇಯ್ಯೇ ಕದಾಚಿ ಬಹೂಸು ಬೀಜಂ ವಿಯ ರೂಳ್ಹಿವಸೇನ ವೋಹರೀಯತಿ। ಹಿತ್ವಾ ಪುತ್ತಂ ಪಸುಂ ಪಿಯನ್ತಿ ಪಿಯಾಯಿತಬ್ಬೇ ಪುತ್ತೇ ಚೇವ ಗೋಮಹಿಂಸಾದಿಕೇ ಪಸೂ ಚ ತಪ್ಪಟಿಬದ್ಧಛನ್ದರಾಗಪ್ಪಹಾನೇನ ಪಹಾಯ। ಹಿತ್ವಾ ರಾಗಞ್ಚ ದೋಸಞ್ಚಾತಿ ರಜ್ಜನಸಭಾವಂ ರಾಗಂ, ದುಸ್ಸನಸಭಾವಂ ದೋಸಞ್ಚ ಅರಿಯಮಗ್ಗೇನ ಸಮುಚ್ಛಿನ್ದಿತ್ವಾ। ಅವಿಜ್ಜಞ್ಚ ವಿರಾಜಿಯಾತಿ ಸಬ್ಬಾಕುಸಲೇಸು ಪುಬ್ಬಙ್ಗಮಂ ಮೋಹಞ್ಚ ವಿರಾಜೇತ್ವಾ ಮಗ್ಗೇನ ಸಮುಗ್ಘಾಟೇತ್ವಾ ಇಚ್ಚೇವ ಅತ್ಥೋ। ಸೇಸಂ ವುತ್ತನಯಮೇವ।
Tattha hitvāti chaḍḍetvā. Ghareti gehaṃ. Gharasaddo hi ekasmimpi abhidheyye kadāci bahūsu bījaṃ viya rūḷhivasena voharīyati. Hitvā puttaṃ pasuṃ piyanti piyāyitabbe putte ceva gomahiṃsādike pasū ca tappaṭibaddhachandarāgappahānena pahāya. Hitvā rāgañca dosañcāti rajjanasabhāvaṃ rāgaṃ, dussanasabhāvaṃ dosañca ariyamaggena samucchinditvā. Avijjañca virājiyāti sabbākusalesu pubbaṅgamaṃ mohañca virājetvā maggena samugghāṭetvā icceva attho. Sesaṃ vuttanayameva.
ಸಙ್ಘಾಥೇರೀಗಾಥಾವಣ್ಣನಾ ನಿಟ್ಠಿತಾ।
Saṅghātherīgāthāvaṇṇanā niṭṭhitā.
ಏಕಕನಿಪಾತವಣ್ಣನಾ ನಿಟ್ಠಿತಾ।
Ekakanipātavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಥೇರೀಗಾಥಾಪಾಳಿ • Therīgāthāpāḷi / ೧೮. ಸಙ್ಘಾಥೇರೀಗಾಥಾ • 18. Saṅghātherīgāthā
