| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੨੪. ਸਙ੍ਘਪવਾਰਣਾਦਿਪ੍ਪਭੇਦਾ
124. Saṅghapavāraṇādippabhedā
੨੧੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਮਿਂ ਆવਾਸੇ ਤਦਹੁ ਪવਾਰਣਾਯ ਪਞ੍ਚ ਭਿਕ੍ਖੂ વਿਹਰਨ੍ਤਿ। ਅਥ ਖੋ ਤੇਸਂ ਭਿਕ੍ਖੂਨਂ ਏਤਦਹੋਸਿ – ‘‘ਭਗવਤਾ ਪਞ੍ਞਤ੍ਤਂ ‘ਸਙ੍ਘੇਨ ਪવਾਰੇਤਬ੍ਬ’ਨ੍ਤਿ। ਮਯਞ੍ਚਮ੍ਹਾ ਪਞ੍ਚ ਜਨਾ। ਕਥਂ ਨੁ ਖੋ ਅਮ੍ਹੇਹਿ ਪવਾਰੇਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਪਞ੍ਚਨ੍ਨਂ ਸਙ੍ਘੇ ਪવਾਰੇਤੁਨ੍ਤਿ।
215. Tena kho pana samayena aññatarasmiṃ āvāse tadahu pavāraṇāya pañca bhikkhū viharanti. Atha kho tesaṃ bhikkhūnaṃ etadahosi – ‘‘bhagavatā paññattaṃ ‘saṅghena pavāretabba’nti. Mayañcamhā pañca janā. Kathaṃ nu kho amhehi pavāretabba’’nti? Bhagavato etamatthaṃ ārocesuṃ. Anujānāmi, bhikkhave, pañcannaṃ saṅghe pavāretunti.
੨੧੬. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਮਿਂ ਆવਾਸੇ ਤਦਹੁ ਪવਾਰਣਾਯ ਚਤ੍ਤਾਰੋ ਭਿਕ੍ਖੂ વਿਹਰਨ੍ਤਿ। ਅਥ ਖੋ ਤੇਸਂ ਭਿਕ੍ਖੂਨਂ ਏਤਦਹੋਸਿ – ‘‘ਭਗવਤਾ ਅਨੁਞ੍ਞਾਤਂ ਪਞ੍ਚਨ੍ਨਂ ਸਙ੍ਘੇ ਪવਾਰੇਤੁਨ੍ਤਿ। ਮਯਞ੍ਚਮ੍ਹਾ ਚਤ੍ਤਾਰੋ ਜਨਾ। ਕਥਂ ਨੁ ਖੋ ਅਮ੍ਹੇਹਿ ਪવਾਰੇਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਚਤੁਨ੍ਨਂ ਅਞ੍ਞਮਞ੍ਞਂ ਪવਾਰੇਤੁਂ। ਏવਞ੍ਚ ਪਨ, ਭਿਕ੍ਖવੇ, ਪવਾਰੇਤਬ੍ਬਂ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਤੇ ਭਿਕ੍ਖੂ ਞਾਪੇਤਬ੍ਬਾ –
216. Tena kho pana samayena aññatarasmiṃ āvāse tadahu pavāraṇāya cattāro bhikkhū viharanti. Atha kho tesaṃ bhikkhūnaṃ etadahosi – ‘‘bhagavatā anuññātaṃ pañcannaṃ saṅghe pavāretunti. Mayañcamhā cattāro janā. Kathaṃ nu kho amhehi pavāretabba’’nti? Bhagavato etamatthaṃ ārocesuṃ. Anujānāmi, bhikkhave, catunnaṃ aññamaññaṃ pavāretuṃ. Evañca pana, bhikkhave, pavāretabbaṃ. Byattena bhikkhunā paṭibalena te bhikkhū ñāpetabbā –
‘‘ਸੁਣਨ੍ਤੁ ਮੇ ਆਯਸ੍ਮਨ੍ਤੋ। ਅਜ੍ਜ ਪવਾਰਣਾ। ਯਦਾਯਸ੍ਮਨ੍ਤਾਨਂ ਪਤ੍ਤਕਲ੍ਲਂ, ਮਯਂ ਅਞ੍ਞਮਞ੍ਞਂ ਪવਾਰੇਯ੍ਯਾਮਾ’’ਤਿ।
‘‘Suṇantu me āyasmanto. Ajja pavāraṇā. Yadāyasmantānaṃ pattakallaṃ, mayaṃ aññamaññaṃ pavāreyyāmā’’ti.
ਥੇਰੇਨ ਭਿਕ੍ਖੁਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਤੇ ਭਿਕ੍ਖੂ ਏવਮਸ੍ਸੁ વਚਨੀਯਾ – ‘‘ਅਹਂ, ਆવੁਸੋ, ਆਯਸ੍ਮਨ੍ਤੇ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤੋ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮਿ। ਦੁਤਿਯਮ੍ਪਿ…ਪੇ॰… ਤਤਿਯਮ੍ਪਿ ਅਹਂ, ਆવੁਸੋ, ਆਯਸ੍ਮਨ੍ਤੇ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤੋ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮੀ’’ਤਿ।
Therena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā te bhikkhū evamassu vacanīyā – ‘‘ahaṃ, āvuso, āyasmante pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmi. Dutiyampi…pe… tatiyampi ahaṃ, āvuso, āyasmante pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmī’’ti.
ਨવਕੇਨ ਭਿਕ੍ਖੁਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਤੇ ਭਿਕ੍ਖੂ ਏવਮਸ੍ਸੁ વਚਨੀਯਾ – ‘‘ਅਹਂ, ਭਨ੍ਤੇ, ਆਯਸ੍ਮਨ੍ਤੇ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤੋ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮਿ। ਦੁਤਿਯਮ੍ਪਿ…ਪੇ॰… ਤਤਿਯਮ੍ਪਿ ਅਹਂ, ਭਨ੍ਤੇ, ਆਯਸ੍ਮਨ੍ਤੇ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤੋ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮੀ’’ਤਿ।
Navakena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā te bhikkhū evamassu vacanīyā – ‘‘ahaṃ, bhante, āyasmante pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmi. Dutiyampi…pe… tatiyampi ahaṃ, bhante, āyasmante pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmī’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਮਿਂ ਆવਾਸੇ ਤਦਹੁ ਪવਾਰਣਾਯ ਤਯੋ ਭਿਕ੍ਖੂ વਿਹਰਨ੍ਤਿ। ਅਥ ਖੋ ਤੇਸਂ ਭਿਕ੍ਖੂਨਂ ਏਤਦਹੋਸਿ – ‘‘ਭਗવਤਾ ਅਨੁਞ੍ਞਾਤਂ ਪਞ੍ਚਨ੍ਨਂ ਸਙ੍ਘੇ ਪવਾਰੇਤੁਂ, ਚਤੁਨ੍ਨਂ ਅਞ੍ਞਮਞ੍ਞਂ ਪવਾਰੇਤੁਂ। ਮਯਞ੍ਚਮ੍ਹਾ ਤਯੋ ਜਨਾ। ਕਥਂ ਨੁ ਖੋ ਅਮ੍ਹੇਹਿ ਪવਾਰੇਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਤਿਣ੍ਣਂ ਅਞ੍ਞਮਞ੍ਞਂ ਪવਾਰੇਤੁਂ। ਏવਞ੍ਚ ਪਨ, ਭਿਕ੍ਖવੇ, ਪવਾਰੇਤਬ੍ਬਂ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਤੇ ਭਿਕ੍ਖੂ ਞਾਪੇਤਬ੍ਬਾ –
Tena kho pana samayena aññatarasmiṃ āvāse tadahu pavāraṇāya tayo bhikkhū viharanti. Atha kho tesaṃ bhikkhūnaṃ etadahosi – ‘‘bhagavatā anuññātaṃ pañcannaṃ saṅghe pavāretuṃ, catunnaṃ aññamaññaṃ pavāretuṃ. Mayañcamhā tayo janā. Kathaṃ nu kho amhehi pavāretabba’’nti? Bhagavato etamatthaṃ ārocesuṃ. Anujānāmi, bhikkhave, tiṇṇaṃ aññamaññaṃ pavāretuṃ. Evañca pana, bhikkhave, pavāretabbaṃ. Byattena bhikkhunā paṭibalena te bhikkhū ñāpetabbā –
‘‘ਸੁਣਨ੍ਤੁ ਮੇ ਆਯਸ੍ਮਨ੍ਤਾ। ਅਜ੍ਜ ਪવਾਰਣਾ। ਯਦਾਯਸ੍ਮਨ੍ਤਾਨਂ ਪਤ੍ਤਕਲ੍ਲਂ, ਮਯਂ ਅਞ੍ਞਮਞ੍ਞਂ ਪવਾਰੇਯ੍ਯਾਮਾ’’ਤਿ।
‘‘Suṇantu me āyasmantā. Ajja pavāraṇā. Yadāyasmantānaṃ pattakallaṃ, mayaṃ aññamaññaṃ pavāreyyāmā’’ti.
ਥੇਰੇਨ ਭਿਕ੍ਖੁਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਤੇ ਭਿਕ੍ਖੂ ਏવਮਸ੍ਸੁ વਚਨੀਯਾ – ‘‘ਅਹਂ, ਆવੁਸੋ, ਆਯਸ੍ਮਨ੍ਤੇ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤਾ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮਿ। ਦੁਤਿਯਮ੍ਪਿ…ਪੇ॰… ਤਤਿਯਮ੍ਪਿ ਅਹਂ, ਆવੁਸੋ, ਆਯਸ੍ਮਨ੍ਤੇ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤਾ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮੀ’’ਤਿ।
Therena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā te bhikkhū evamassu vacanīyā – ‘‘ahaṃ, āvuso, āyasmante pavāremi diṭṭhena vā sutena vā parisaṅkāya vā. Vadantu maṃ āyasmantā anukampaṃ upādāya. Passanto paṭikarissāmi. Dutiyampi…pe… tatiyampi ahaṃ, āvuso, āyasmante pavāremi diṭṭhena vā sutena vā parisaṅkāya vā. Vadantu maṃ āyasmantā anukampaṃ upādāya. Passanto paṭikarissāmī’’ti.
ਨવਕੇਨ ਭਿਕ੍ਖੁਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਤੇ ਭਿਕ੍ਖੂ ਏવਮਸ੍ਸੁ વਚਨੀਯਾ – ‘‘ਅਹਂ, ਭਨ੍ਤੇ, ਆਯਸ੍ਮਨ੍ਤੇ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤਾ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮਿ। ਦੁਤਿਯਮ੍ਪਿ…ਪੇ॰… ਤਤਿਯਮ੍ਪਿ ਅਹਂ, ਭਨ੍ਤੇ, ਆਯਸ੍ਮਨ੍ਤੇ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤਾ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮੀ’’ਤਿ ।
Navakena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā te bhikkhū evamassu vacanīyā – ‘‘ahaṃ, bhante, āyasmante pavāremi diṭṭhena vā sutena vā parisaṅkāya vā. Vadantu maṃ āyasmantā anukampaṃ upādāya. Passanto paṭikarissāmi. Dutiyampi…pe… tatiyampi ahaṃ, bhante, āyasmante pavāremi diṭṭhena vā sutena vā parisaṅkāya vā. Vadantu maṃ āyasmantā anukampaṃ upādāya. Passanto paṭikarissāmī’’ti .
੨੧੭. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਮਿਂ ਆવਾਸੇ ਤਦਹੁ ਪવਾਰਣਾਯ ਦ੍વੇ ਭਿਕ੍ਖੂ વਿਹਰਨ੍ਤਿ। ਅਥ ਖੋ ਤੇਸਂ ਭਿਕ੍ਖੂਨਂ ਏਤਦਹੋਸਿ – ‘‘ਭਗવਤਾ ਅਨੁਞ੍ਞਾਤਂ ਪਞ੍ਚਨ੍ਨਂ ਸਙ੍ਘੇ ਪવਾਰੇਤੁਂ, ਚਤੁਨ੍ਨਂ ਅਞ੍ਞਮਞ੍ਞਂ ਪવਾਰੇਤੁਂ, ਤਿਣ੍ਣਂ ਅਞ੍ਞਮਞ੍ਞਂ ਪવਾਰੇਤੁਂ। ਮਯਞ੍ਚਮ੍ਹਾ ਦ੍વੇ ਜਨਾ। ਕਥਂ ਨੁ ਖੋ ਅਮ੍ਹੇਹਿ ਪવਾਰੇਤਬ੍ਬ’’ਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਦ੍વਿਨ੍ਨਂ ਅਞ੍ਞਮਞ੍ਞਂ ਪવਾਰੇਤੁਂ। ਏવਞ੍ਚ ਪਨ, ਭਿਕ੍ਖવੇ, ਪવਾਰੇਤਬ੍ਬਂ। ਥੇਰੇਨ ਭਿਕ੍ਖੁਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਨવੋ ਭਿਕ੍ਖੁ ਏવਮਸ੍ਸ વਚਨੀਯੋ – ‘‘ਅਹਂ, ਆવੁਸੋ, ਆਯਸ੍ਮਨ੍ਤਂ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਤੁ ਮਂ ਆਯਸ੍ਮਾ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮਿ। ਦੁਤਿਯਮ੍ਪਿ…ਪੇ॰… ਤਤਿਯਮ੍ਪਿ ਅਹਂ, ਆવੁਸੋ, ਆਯਸ੍ਮਨ੍ਤਂ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਤੁ ਮਂ ਆਯਸ੍ਮਾ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮੀ’’ਤਿ।
217. Tena kho pana samayena aññatarasmiṃ āvāse tadahu pavāraṇāya dve bhikkhū viharanti. Atha kho tesaṃ bhikkhūnaṃ etadahosi – ‘‘bhagavatā anuññātaṃ pañcannaṃ saṅghe pavāretuṃ, catunnaṃ aññamaññaṃ pavāretuṃ, tiṇṇaṃ aññamaññaṃ pavāretuṃ. Mayañcamhā dve janā. Kathaṃ nu kho amhehi pavāretabba’’nti. Bhagavato etamatthaṃ ārocesuṃ. Anujānāmi, bhikkhave, dvinnaṃ aññamaññaṃ pavāretuṃ. Evañca pana, bhikkhave, pavāretabbaṃ. Therena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā navo bhikkhu evamassa vacanīyo – ‘‘ahaṃ, āvuso, āyasmantaṃ pavāremi diṭṭhena vā sutena vā parisaṅkāya vā. Vadatu maṃ āyasmā anukampaṃ upādāya. Passanto paṭikarissāmi. Dutiyampi…pe… tatiyampi ahaṃ, āvuso, āyasmantaṃ pavāremi diṭṭhena vā sutena vā parisaṅkāya vā. Vadatu maṃ āyasmā anukampaṃ upādāya. Passanto paṭikarissāmī’’ti.
ਨવਕੇਨ ਭਿਕ੍ਖੁਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਥੇਰੋ ਭਿਕ੍ਖੁ ਏવਮਸ੍ਸ વਚਨੀਯੋ – ‘‘ਅਹਂ, ਭਨ੍ਤੇ, ਆਯਸ੍ਮਨ੍ਤਂ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਤੁ ਮਂ ਆਯਸ੍ਮਾ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮਿ। ਦੁਤਿਯਮ੍ਪਿ…ਪੇ॰… ਤਤਿਯਮ੍ਪਿ ਅਹਂ, ਭਨ੍ਤੇ, ਆਯਸ੍ਮਨ੍ਤਂ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਤੁ ਮਂ ਆਯਸ੍ਮਾ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮੀ’’ਤਿ।
Navakena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā thero bhikkhu evamassa vacanīyo – ‘‘ahaṃ, bhante, āyasmantaṃ pavāremi diṭṭhena vā sutena vā parisaṅkāya vā. Vadatu maṃ āyasmā anukampaṃ upādāya. Passanto paṭikarissāmi. Dutiyampi…pe… tatiyampi ahaṃ, bhante, āyasmantaṃ pavāremi diṭṭhena vā sutena vā parisaṅkāya vā. Vadatu maṃ āyasmā anukampaṃ upādāya. Passanto paṭikarissāmī’’ti.
੨੧੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਮਿਂ ਆવਾਸੇ ਤਦਹੁ ਪવਾਰਣਾਯ ਏਕੋ ਭਿਕ੍ਖੁ વਿਹਰਤਿ। ਅਥ ਖੋ ਤਸ੍ਸ ਭਿਕ੍ਖੁਨੋ ਏਤਦਹੋਸਿ – ‘‘ਭਗવਤਾ ਅਨੁਞ੍ਞਾਤਂ ਪਞ੍ਚਨ੍ਨਂ ਸਙ੍ਘੇ ਪવਾਰੇਤੁਂ, ਚਤੁਨ੍ਨਂ ਅਞ੍ਞਮਞ੍ਞਂ ਪવਾਰੇਤੁਂ, ਤਿਣ੍ਣਂ ਅਞ੍ਞਮਞ੍ਞਂ ਪવਾਰੇਤੁਂ, ਦ੍વਿਨ੍ਨਂ ਅਞ੍ਞਮਞ੍ਞਂ ਪવਾਰੇਤੁਂ। ਅਹਞ੍ਚਮ੍ਹਿ ਏਕਕੋ। ਕਥਂ ਨੁ ਖੋ ਮਯਾ ਪવਾਰੇਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ।
218. Tena kho pana samayena aññatarasmiṃ āvāse tadahu pavāraṇāya eko bhikkhu viharati. Atha kho tassa bhikkhuno etadahosi – ‘‘bhagavatā anuññātaṃ pañcannaṃ saṅghe pavāretuṃ, catunnaṃ aññamaññaṃ pavāretuṃ, tiṇṇaṃ aññamaññaṃ pavāretuṃ, dvinnaṃ aññamaññaṃ pavāretuṃ. Ahañcamhi ekako. Kathaṃ nu kho mayā pavāretabba’’nti? Bhagavato etamatthaṃ ārocesuṃ.
ਇਧ ਪਨ, ਭਿਕ੍ਖવੇ, ਅਞ੍ਞਤਰਸ੍ਮਿਂ ਆવਾਸੇ ਤਦਹੁ ਪવਾਰਣਾਯ ਏਕੋ ਭਿਕ੍ਖੁ વਿਹਰਤਿ। ਤੇਨ, ਭਿਕ੍ਖવੇ, ਭਿਕ੍ਖੁਨਾ ਯਤ੍ਥ ਭਿਕ੍ਖੂ ਪਟਿਕ੍ਕਮਨ੍ਤਿ ਉਪਟ੍ਠਾਨਸਾਲਾਯ વਾ ਮਣ੍ਡਪੇ વਾ ਰੁਕ੍ਖਮੂਲੇ વਾ, ਸੋ ਦੇਸੋ ਸਮ੍ਮਜ੍ਜਿਤ੍વਾ ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤ੍વਾ ਆਸਨਂ ਪਞ੍ਞਪੇਤ੍વਾ ਪਦੀਪਂ ਕਤ੍વਾ ਨਿਸੀਦਿਤਬ੍ਬਂ। ਸਚੇ ਅਞ੍ਞੇ ਭਿਕ੍ਖੂ ਆਗਚ੍ਛਨ੍ਤਿ, ਤੇਹਿ ਸਦ੍ਧਿਂ ਪવਾਰੇਤਬ੍ਬਂ; ਨੋ ਚੇ ਆਗਚ੍ਛਨ੍ਤਿ, ‘ਅਜ੍ਜ ਮੇ ਪવਾਰਣਾ’ਤਿ ਅਧਿਟ੍ਠਾਤਬ੍ਬਂ। ਨੋ ਚੇ ਅਧਿਟ੍ਠੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, aññatarasmiṃ āvāse tadahu pavāraṇāya eko bhikkhu viharati. Tena, bhikkhave, bhikkhunā yattha bhikkhū paṭikkamanti upaṭṭhānasālāya vā maṇḍape vā rukkhamūle vā, so deso sammajjitvā pānīyaṃ paribhojanīyaṃ upaṭṭhāpetvā āsanaṃ paññapetvā padīpaṃ katvā nisīditabbaṃ. Sace aññe bhikkhū āgacchanti, tehi saddhiṃ pavāretabbaṃ; no ce āgacchanti, ‘ajja me pavāraṇā’ti adhiṭṭhātabbaṃ. No ce adhiṭṭheyya, āpatti dukkaṭassa.
ਤਤ੍ਰ , ਭਿਕ੍ਖવੇ, ਯਤ੍ਥ ਪਞ੍ਚ ਭਿਕ੍ਖੂ વਿਹਰਨ੍ਤਿ, ਨ ਏਕਸ੍ਸ ਪવਾਰਣਂ ਆਹਰਿਤ੍વਾ
Tatra , bhikkhave, yattha pañca bhikkhū viharanti, na ekassa pavāraṇaṃ āharitvā
ਚਤੂਹਿ ਸਙ੍ਘੇ ਪવਾਰੇਤਬ੍ਬਂ। ਪવਾਰੇਯ੍ਯੁਂ ਚੇ, ਆਪਤ੍ਤਿ ਦੁਕ੍ਕਟਸ੍ਸ। ਤਤ੍ਰ, ਭਿਕ੍ਖવੇ, ਯਤ੍ਥ ਚਤ੍ਤਾਰੋ ਭਿਕ੍ਖੂ વਿਹਰਨ੍ਤਿ, ਨ ਏਕਸ੍ਸ ਪવਾਰਣਂ ਆਹਰਿਤ੍વਾ ਤੀਹਿ ਅਞ੍ਞਮਞ੍ਞਂ ਪવਾਰੇਤਬ੍ਬਂ। ਪવਾਰੇਯ੍ਯੁਂ ਚੇ, ਆਪਤ੍ਤਿ ਦੁਕ੍ਕਟਸ੍ਸ। ਤਤ੍ਰ, ਭਿਕ੍ਖવੇ, ਯਤ੍ਥ ਤਯੋ ਭਿਕ੍ਖੂ વਿਹਰਨ੍ਤਿ, ਨ ਏਕਸ੍ਸ ਪવਾਰਣਂ ਆਹਰਿਤ੍વਾ ਦ੍વੀਹਿ ਅਞ੍ਞਮਞ੍ਞਂ ਪવਾਰੇਤਬ੍ਬਂ। ਪવਾਰੇਯ੍ਯੁਂ ਚੇ, ਆਪਤ੍ਤਿ ਦੁਕ੍ਕਟਸ੍ਸ। ਤਤ੍ਰ, ਭਿਕ੍ਖવੇ, ਯਤ੍ਥ ਦ੍વੇ ਭਿਕ੍ਖੂ વਿਹਰਨ੍ਤਿ, ਨ ਏਕਸ੍ਸ ਪવਾਰਣਂ ਆਹਰਿਤ੍વਾ ਏਕੇਨ ਅਧਿਟ੍ਠਾਤਬ੍ਬਂ। ਅਧਿਟ੍ਠੇਯ੍ਯ ਚੇ, ਆਪਤ੍ਤਿ ਦੁਕ੍ਕਟਸ੍ਸਾਤਿ।
Catūhi saṅghe pavāretabbaṃ. Pavāreyyuṃ ce, āpatti dukkaṭassa. Tatra, bhikkhave, yattha cattāro bhikkhū viharanti, na ekassa pavāraṇaṃ āharitvā tīhi aññamaññaṃ pavāretabbaṃ. Pavāreyyuṃ ce, āpatti dukkaṭassa. Tatra, bhikkhave, yattha tayo bhikkhū viharanti, na ekassa pavāraṇaṃ āharitvā dvīhi aññamaññaṃ pavāretabbaṃ. Pavāreyyuṃ ce, āpatti dukkaṭassa. Tatra, bhikkhave, yattha dve bhikkhū viharanti, na ekassa pavāraṇaṃ āharitvā ekena adhiṭṭhātabbaṃ. Adhiṭṭheyya ce, āpatti dukkaṭassāti.
ਸਙ੍ਘਪવਾਰਣਾਦਿਪ੍ਪਭੇਦਾ ਨਿਟ੍ਠਿਤਾ।
Saṅghapavāraṇādippabhedā niṭṭhitā.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪવਾਰਣਾਦਾਨਾਨੁਜਾਨਨਕਥਾ • Pavāraṇādānānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੨੧. ਪવਾਰਣਾਭੇਦਕਥਾ • 121. Pavāraṇābhedakathā
