| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
൧൧൪. സങ്ഘഭേദേ അനാപത്തിവസ്സച്ഛേദകഥാ
114. Saṅghabhede anāpattivassacchedakathā
൨൦൨. ഭിന്നോതി ഏത്ഥ തപച്ചയസ്സ അതീതത്ഥേ അയുത്തഭാവം ദസ്സേന്തോ ആഹ ‘‘ഭിന്നേ സങ്ഘേ കരണീയം നത്ഥീ’’തി. യോ പനാതി സങ്ഘോ പന. ഇദം ‘‘ഭിജ്ജിസ്സതീ’’തിപദേ കത്താ, ‘‘ആസങ്കിതോ’’തിപദേ കമ്മം. ‘‘ഭിജ്ജിസ്സതീ’’തി ഇമിനാ ഭിന്നോതി ഏത്ഥ തപച്ചയസ്സ അനാഗതത്ഥേ പവത്തഭാവം ദസ്സേതി. ഭിക്ഖുനീഹി സങ്ഘോ ഭിന്നോതി ഏത്ഥ കിം ഭിക്ഖുനീഹി സങ്ഘോ ഭിന്നോതി ദട്ഠബ്ബോതി ആഹ ‘‘ന ഭിക്ഖുനീഹി സങ്ഘോ ഭിന്നോതി ദട്ഠബ്ബോ’’തി. ഏതന്തി ഭിക്ഖുനീഹി അഭിന്നഭാവം. ഏതാ പനാതി ഭിക്ഖുനിയോ പന. തന്തി സങ്ഘം. ഏതന്തി ‘‘സമ്ബഹുലാഹി ഭിക്ഖുനീഹി സങ്ഘോ ഭിന്നോ’’തി വചനം.
202.Bhinnoti ettha tapaccayassa atītatthe ayuttabhāvaṃ dassento āha ‘‘bhinne saṅghe karaṇīyaṃ natthī’’ti. Yo panāti saṅgho pana. Idaṃ ‘‘bhijjissatī’’tipade kattā, ‘‘āsaṅkito’’tipade kammaṃ. ‘‘Bhijjissatī’’ti iminā bhinnoti ettha tapaccayassa anāgatatthe pavattabhāvaṃ dasseti. Bhikkhunīhi saṅgho bhinnoti ettha kiṃ bhikkhunīhi saṅgho bhinnoti daṭṭhabboti āha ‘‘na bhikkhunīhi saṅgho bhinnoti daṭṭhabbo’’ti. Etanti bhikkhunīhi abhinnabhāvaṃ. Etā panāti bhikkhuniyo pana. Tanti saṅghaṃ. Etanti ‘‘sambahulāhi bhikkhunīhi saṅgho bhinno’’ti vacanaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൧൧൪. സങ്ഘഭേദേ അനാപത്തിവസ്സച്ഛേദവാരോ • 114. Saṅghabhede anāpattivassacchedavāro
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / സങ്ഘഭേദേഅനാപത്തിവസ്സച്ഛേദകഥാ • Saṅghabhedeanāpattivassacchedakathā
