| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੧੪. ਸਙ੍ਘਭੇਦੇ ਅਨਾਪਤ੍ਤਿવਸ੍ਸਚ੍ਛੇਦਕਥਾ
114. Saṅghabhede anāpattivassacchedakathā
੨੦੨. ਭਿਨ੍ਨੋਤਿ ਏਤ੍ਥ ਤਪਚ੍ਚਯਸ੍ਸ ਅਤੀਤਤ੍ਥੇ ਅਯੁਤ੍ਤਭਾવਂ ਦਸ੍ਸੇਨ੍ਤੋ ਆਹ ‘‘ਭਿਨ੍ਨੇ ਸਙ੍ਘੇ ਕਰਣੀਯਂ ਨਤ੍ਥੀ’’ਤਿ। ਯੋ ਪਨਾਤਿ ਸਙ੍ਘੋ ਪਨ। ਇਦਂ ‘‘ਭਿਜ੍ਜਿਸ੍ਸਤੀ’’ਤਿਪਦੇ ਕਤ੍ਤਾ, ‘‘ਆਸਙ੍ਕਿਤੋ’’ਤਿਪਦੇ ਕਮ੍ਮਂ। ‘‘ਭਿਜ੍ਜਿਸ੍ਸਤੀ’’ਤਿ ਇਮਿਨਾ ਭਿਨ੍ਨੋਤਿ ਏਤ੍ਥ ਤਪਚ੍ਚਯਸ੍ਸ ਅਨਾਗਤਤ੍ਥੇ ਪવਤ੍ਤਭਾવਂ ਦਸ੍ਸੇਤਿ। ਭਿਕ੍ਖੁਨੀਹਿ ਸਙ੍ਘੋ ਭਿਨ੍ਨੋਤਿ ਏਤ੍ਥ ਕਿਂ ਭਿਕ੍ਖੁਨੀਹਿ ਸਙ੍ਘੋ ਭਿਨ੍ਨੋਤਿ ਦਟ੍ਠਬ੍ਬੋਤਿ ਆਹ ‘‘ਨ ਭਿਕ੍ਖੁਨੀਹਿ ਸਙ੍ਘੋ ਭਿਨ੍ਨੋਤਿ ਦਟ੍ਠਬ੍ਬੋ’’ਤਿ। ਏਤਨ੍ਤਿ ਭਿਕ੍ਖੁਨੀਹਿ ਅਭਿਨ੍ਨਭਾવਂ। ਏਤਾ ਪਨਾਤਿ ਭਿਕ੍ਖੁਨਿਯੋ ਪਨ। ਤਨ੍ਤਿ ਸਙ੍ਘਂ। ਏਤਨ੍ਤਿ ‘‘ਸਮ੍ਬਹੁਲਾਹਿ ਭਿਕ੍ਖੁਨੀਹਿ ਸਙ੍ਘੋ ਭਿਨ੍ਨੋ’’ਤਿ વਚਨਂ।
202.Bhinnoti ettha tapaccayassa atītatthe ayuttabhāvaṃ dassento āha ‘‘bhinne saṅghe karaṇīyaṃ natthī’’ti. Yo panāti saṅgho pana. Idaṃ ‘‘bhijjissatī’’tipade kattā, ‘‘āsaṅkito’’tipade kammaṃ. ‘‘Bhijjissatī’’ti iminā bhinnoti ettha tapaccayassa anāgatatthe pavattabhāvaṃ dasseti. Bhikkhunīhi saṅgho bhinnoti ettha kiṃ bhikkhunīhi saṅgho bhinnoti daṭṭhabboti āha ‘‘na bhikkhunīhi saṅgho bhinnoti daṭṭhabbo’’ti. Etanti bhikkhunīhi abhinnabhāvaṃ. Etā panāti bhikkhuniyo pana. Tanti saṅghaṃ. Etanti ‘‘sambahulāhi bhikkhunīhi saṅgho bhinno’’ti vacanaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੧੪. ਸਙ੍ਘਭੇਦੇ ਅਨਾਪਤ੍ਤਿવਸ੍ਸਚ੍ਛੇਦવਾਰੋ • 114. Saṅghabhede anāpattivassacchedavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸਙ੍ਘਭੇਦੇਅਨਾਪਤ੍ਤਿવਸ੍ਸਚ੍ਛੇਦਕਥਾ • Saṅghabhedeanāpattivassacchedakathā
