| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೧೧೪. ಸಙ್ಘಭೇದೇ ಅನಾಪತ್ತಿವಸ್ಸಚ್ಛೇದಕಥಾ
114. Saṅghabhede anāpattivassacchedakathā
೨೦೨. ಭಿನ್ನೋತಿ ಏತ್ಥ ತಪಚ್ಚಯಸ್ಸ ಅತೀತತ್ಥೇ ಅಯುತ್ತಭಾವಂ ದಸ್ಸೇನ್ತೋ ಆಹ ‘‘ಭಿನ್ನೇ ಸಙ್ಘೇ ಕರಣೀಯಂ ನತ್ಥೀ’’ತಿ। ಯೋ ಪನಾತಿ ಸಙ್ಘೋ ಪನ। ಇದಂ ‘‘ಭಿಜ್ಜಿಸ್ಸತೀ’’ತಿಪದೇ ಕತ್ತಾ, ‘‘ಆಸಙ್ಕಿತೋ’’ತಿಪದೇ ಕಮ್ಮಂ। ‘‘ಭಿಜ್ಜಿಸ್ಸತೀ’’ತಿ ಇಮಿನಾ ಭಿನ್ನೋತಿ ಏತ್ಥ ತಪಚ್ಚಯಸ್ಸ ಅನಾಗತತ್ಥೇ ಪವತ್ತಭಾವಂ ದಸ್ಸೇತಿ। ಭಿಕ್ಖುನೀಹಿ ಸಙ್ಘೋ ಭಿನ್ನೋತಿ ಏತ್ಥ ಕಿಂ ಭಿಕ್ಖುನೀಹಿ ಸಙ್ಘೋ ಭಿನ್ನೋತಿ ದಟ್ಠಬ್ಬೋತಿ ಆಹ ‘‘ನ ಭಿಕ್ಖುನೀಹಿ ಸಙ್ಘೋ ಭಿನ್ನೋತಿ ದಟ್ಠಬ್ಬೋ’’ತಿ। ಏತನ್ತಿ ಭಿಕ್ಖುನೀಹಿ ಅಭಿನ್ನಭಾವಂ। ಏತಾ ಪನಾತಿ ಭಿಕ್ಖುನಿಯೋ ಪನ। ತನ್ತಿ ಸಙ್ಘಂ। ಏತನ್ತಿ ‘‘ಸಮ್ಬಹುಲಾಹಿ ಭಿಕ್ಖುನೀಹಿ ಸಙ್ಘೋ ಭಿನ್ನೋ’’ತಿ ವಚನಂ।
202.Bhinnoti ettha tapaccayassa atītatthe ayuttabhāvaṃ dassento āha ‘‘bhinne saṅghe karaṇīyaṃ natthī’’ti. Yo panāti saṅgho pana. Idaṃ ‘‘bhijjissatī’’tipade kattā, ‘‘āsaṅkito’’tipade kammaṃ. ‘‘Bhijjissatī’’ti iminā bhinnoti ettha tapaccayassa anāgatatthe pavattabhāvaṃ dasseti. Bhikkhunīhi saṅgho bhinnoti ettha kiṃ bhikkhunīhi saṅgho bhinnoti daṭṭhabboti āha ‘‘na bhikkhunīhi saṅgho bhinnoti daṭṭhabbo’’ti. Etanti bhikkhunīhi abhinnabhāvaṃ. Etā panāti bhikkhuniyo pana. Tanti saṅghaṃ. Etanti ‘‘sambahulāhi bhikkhunīhi saṅgho bhinno’’ti vacanaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೧೧೪. ಸಙ್ಘಭೇದೇ ಅನಾಪತ್ತಿವಸ್ಸಚ್ಛೇದವಾರೋ • 114. Saṅghabhede anāpattivassacchedavāro
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಸಙ್ಘಭೇದೇಅನಾಪತ್ತಿವಸ್ಸಚ್ಛೇದಕಥಾ • Saṅghabhedeanāpattivassacchedakathā
