| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၁. သင္ဂာရဝသုတ္တဝဏ္ဏနာ
11. Saṅgāravasuttavaṇṇanā
၂၀၇. ပစ္စေတီတိ ပတ္တိယာယတိ သဒ္ဒဟတိ။ တထာဘူတော စ တမတ္ထံ နိကာမေန္တော နာမ ဟောတီတိ ဝုတ္တံ ‘‘ဣစ္ဆတိ ပတ္ထေတီ’’တိ။ သာဓု, ဘန္တေတိ ဧတ္ထ သာဓု-သဒ္ဒော အာယာစနတ္ထော, န အဘိနန္ဒနတ္ထောတိ ‘‘အာယာစမာနော အာဟာ’’တိ ဝတ္ဝာ အာယာစနေ ကာရဏံ ဒသ္သေန္တော ‘‘ထေရသ္သ ကိရာ’’တိအာဒိမာဟ။ ဥဒကသုဒ္ဓိကော န ဧကံသေန အပာယူပဂော, လဒ္ဓိယာ ပန သာဝဇ္ဇကိလေသဘူတဘာဝတော အာယာစတိ။ အညံ ကာရဏံ အပဒိသန္တော ‘‘အပိစာ’’တိအာဒိမာဟ။ ဖလဘူတော အတ္ထော ဧတသ္သာတိ အတ္ထဝသံ, ကာရဏန္တိ အာဟ ‘‘အတ္ထာနိသံသံ အတ္ထကာရဏ’’န္တိ။ ပပဉ္စသူဒနိယံ ပန ဖလေနေဝ အရဏီယတော အတ္ထော, ကာရဏန္တိ ကတ္ဝာ ‘‘အတ္ထော ဧဝ အတ္ထဝသော, တသ္မာ ဒ္ဝေ အတ္ထဝသေတိ ဒ္ဝေ အတ္ထေ ဒ္ဝေ ကာရဏာနီ’’တိ ဝုတ္တံ။
207.Paccetīti pattiyāyati saddahati. Tathābhūto ca tamatthaṃ nikāmento nāma hotīti vuttaṃ ‘‘icchati patthetī’’ti. Sādhu, bhanteti ettha sādhu-saddo āyācanattho, na abhinandanatthoti ‘‘āyācamāno āhā’’ti vatvā āyācane kāraṇaṃ dassento ‘‘therassa kirā’’tiādimāha. Udakasuddhiko na ekaṃsena apāyūpago, laddhiyā pana sāvajjakilesabhūtabhāvato āyācati. Aññaṃ kāraṇaṃ apadisanto ‘‘apicā’’tiādimāha. Phalabhūto attho etassāti atthavasaṃ, kāraṇanti āha ‘‘atthānisaṃsaṃ atthakāraṇa’’nti. Papañcasūdaniyaṃ pana phaleneva araṇīyato attho, kāraṇanti katvā ‘‘attho eva atthavaso, tasmā dve atthavaseti dve atthe dve kāraṇānī’’ti vuttaṃ.
သင္ဂာရဝသုတ္တဝဏ္ဏနာ နိဋ္ဌိတာ။
Saṅgāravasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၁. သင္ဂာရဝသုတ္တံ • 11. Saṅgāravasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၁. သင္ဂာရဝသုတ္တဝဏ္ဏနာ • 11. Saṅgāravasuttavaṇṇanā
