| Library / Tipiṭaka / តិបិដក • Tipiṭaka / ធាតុកថាបាឡិ • Dhātukathāpāḷi |
៤. ចតុត្ថនយោ
4. Catutthanayo
៤. សង្គហិតេនសង្គហិតបទនិទ្ទេសោ
4. Saṅgahitenasaṅgahitapadaniddeso
១៩១. សមុទយសច្ចេន យេ ធម្មា… មគ្គសច្ចេន យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេហិ ធម្មេហិ យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា។
191. Samudayasaccena ye dhammā… maggasaccena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
១៩២. ឥត្ថិន្ទ្រិយេន យេ ធម្មា… បុរិសិន្ទ្រិយេន យេ ធម្មា… សុខិន្ទ្រិយេន យេ ធម្មា… ទុក្ខិន្ទ្រិយេន យេ ធម្មា… សោមនស្សិន្ទ្រិយេន យេ ធម្មា… ទោមនស្សិន្ទ្រិយេន យេ ធម្មា… ឧបេក្ខិន្ទ្រិយេន យេ ធម្មា… សទ្ធិន្ទ្រិយេន យេ ធម្មា… វីរិយិន្ទ្រិយេន យេ ធម្មា… សតិន្ទ្រិយេន យេ ធម្មា… សមាធិន្ទ្រិយេន យេ ធម្មា… បញ្ញិន្ទ្រិយេន យេ ធម្មា… អនញ្ញាតញ្ញស្សាមីតិន្ទ្រិយេន យេ ធម្មា… អញ្ញិន្ទ្រិយេន យេ ធម្មា… អញ្ញាតាវិន្ទ្រិយេន យេ ធម្មា…។
192. Itthindriyena ye dhammā… purisindriyena ye dhammā… sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā….
អវិជ្ជាយ យេ ធម្មា… អវិជ្ជាបច្ចយា សង្ខារេន យេ ធម្មា… សឡាយតនបច្ចយា ផស្សេន យេ ធម្មា… វេទនាបច្ចយា តណ្ហាយ យេ ធម្មា… តណ្ហាបច្ចយា ឧបាទានេន យេ ធម្មា… កម្មភវេន យេ ធម្មា… សោកេន យេ ធម្មា… បរិទេវេន យេ ធម្មា… ទុក្ខេន យេ ធម្មា… ទោមនស្សេន យេ ធម្មា… ឧបាយាសេន យេ ធម្មា…។
Avijjāya ye dhammā… avijjāpaccayā saṅkhārena ye dhammā… saḷāyatanapaccayā phassena ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā… sokena ye dhammā… paridevena ye dhammā… dukkhena ye dhammā… domanassena ye dhammā… upāyāsena ye dhammā….
សតិបដ្ឋានេន យេ ធម្មា… សម្មប្បធានេន យេ ធម្មា… អប្បមញ្ញាយ យេ ធម្មា… បញ្ចហិ ឥន្ទ្រិយេហិ យេ ធម្មា… បញ្ចហិ ពលេហិ យេ ធម្មា… សត្តហិ ពោជ្ឈង្គេហិ យេ ធម្មា… អរិយេន អដ្ឋង្គិកេន មគ្គេន យេ ធម្មា… ផស្សេន យេ ធម្មា… ចេតនាយ យេ ធម្មា… អធិមោក្ខេន យេ ធម្មា… មនសិការេន យេ ធម្មា …។
Satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… cetanāya ye dhammā… adhimokkhena ye dhammā… manasikārena ye dhammā ….
ហេតូហិ ធម្មេហិ យេ ធម្មា… ហេតូហិ ចេវ សហេតុកេហិ ច ធម្មេហិ យេ ធម្មា… ហេតូហិ ចេវ ហេតុសម្បយុត្តេហិ ច ធម្មេហិ យេ ធម្មា… អាសវេហិ… សំយោជនេហិ… គន្ថេហិ… ឱឃេហិ… យោគេហិ… នីវរណេហិ… បរាមាសេហិ… ឧបាទានេហិ… កិលេសេហិ ធម្មេហិ យេ ធម្មា… កិលេសេហិ ចេវ សំកិលេសិកេហិ ច ធម្មេហិ យេ ធម្មា… កិលេសេហិ ចេវ សំកិលិដ្ឋេហិ ច ធម្មេហិ យេ ធម្មា… កិលេសេហិ ចេវ កិលេសសម្បយុត្តេហិ ច ធម្មេហិ យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេហិ ធម្មេហិ យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា។
Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā… āsavehi… saṃyojanehi… ganthehi… oghehi… yogehi… nīvaraṇehi… parāmāsehi… upādānehi… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
ទ្វេ សច្ចា បន្នរសិន្ទ្រិយា, ឯកាទស បដិច្ចបទា;
Dve saccā pannarasindriyā, ekādasa paṭiccapadā;
ឧទ្ធំ បុន ឯកាទស, គោច្ឆកបទមេត្ថ តិំសវិធាតិ 1។
Uddhaṃ puna ekādasa, gocchakapadamettha tiṃsavidhāti 2.
សង្គហិតេនសង្គហិតបទនិទ្ទេសោ ចតុត្ថោ។
Saṅgahitenasaṅgahitapadaniddeso catuttho.
Footnotes:
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៤. ចតុត្ថនយោ សង្គហិតេនសង្គហិតបទវណ្ណនា • 4. Catutthanayo saṅgahitenasaṅgahitapadavaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៤. ចតុត្ថនយោ សង្គហិតេនសង្គហិតបទវណ្ណនា • 4. Catutthanayo saṅgahitenasaṅgahitapadavaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៤. ចតុត្ថនយោ សង្គហិតេនសង្គហិតបទវណ្ណនា • 4. Catutthanayo saṅgahitenasaṅgahitapadavaṇṇanā
