| Library / Tipiṭaka / තිපිටක • Tipiṭaka / නෙත්තිප්පකරණපාළි • Nettippakaraṇapāḷi |
නමො තස්ස භගවතො අරහතො සම්මාසම්බුද්ධස්ස
Namo tassa bhagavato arahato sammāsambuddhassa
ඛුද්දකනිකායෙ
Khuddakanikāye
නෙත්තිප්පකරණපාළි
Nettippakaraṇapāḷi
1. සඞ්ගහවාරො
1. Saṅgahavāro
යං ලොකො පූජයතෙ, සලොකපාලො සදා නමස්සති ච;
Yaṃ loko pūjayate, salokapālo sadā namassati ca;
තස්සෙත සාසනවරං, විදූහි ඤෙය්යං නරවරස්ස.
Tasseta sāsanavaraṃ, vidūhi ñeyyaṃ naravarassa.
ද්වාදස පදානි සුත්තං, තං සබ්බං බ්යඤ්ජනඤ්ච අත්ථො ච;
Dvādasa padāni suttaṃ, taṃ sabbaṃ byañjanañca attho ca;
තං විඤ්ඤෙය්යං උභයං, කො අත්ථො බ්යඤ්ජනං කතමං.
Taṃ viññeyyaṃ ubhayaṃ, ko attho byañjanaṃ katamaṃ.
සොළසහාරා නෙත්ති 1, පඤ්චනයා සාසනස්ස පරියෙට්ඨි;
Soḷasahārā netti 2, pañcanayā sāsanassa pariyeṭṭhi;
හාරා බ්යඤ්ජනවිචයො, සුත්තස්ස නයා තයො ච සුත්තත්ථො;
Hārā byañjanavicayo, suttassa nayā tayo ca suttattho;
උභයං පරිග්ගහීතං, වුච්චති සුත්තං යථාසුත්තං.
Ubhayaṃ pariggahītaṃ, vuccati suttaṃ yathāsuttaṃ.
යා චෙව දෙසනා යඤ්ච, දෙසිතං උභයමෙව විඤ්ඤෙය්යං;
Yā ceva desanā yañca, desitaṃ ubhayameva viññeyyaṃ;
තත්රායමානුපුබ්බී, නවවිධසුත්තන්තපරියෙට්ඨීති.
Tatrāyamānupubbī, navavidhasuttantapariyeṭṭhīti.
සඞ්ගහවාරො.
Saṅgahavāro.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / නෙත්තිප්පකරණ-අට්ඨකථා • Nettippakaraṇa-aṭṭhakathā / 1. සඞ්ගහවාරවණ්ණනා • 1. Saṅgahavāravaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / ඛුද්දකනිකාය (ටීකා) • Khuddakanikāya (ṭīkā) / නෙත්තිප්පකරණ-ටීකා • Nettippakaraṇa-ṭīkā / 1. සඞ්ගහවාරවණ්ණනා • 1. Saṅgahavāravaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / ඛුද්දකනිකාය (ටීකා) • Khuddakanikāya (ṭīkā) / නෙත්තිවිභාවිනී • Nettivibhāvinī / 1. සඞ්ගහවාරඅත්ථවිභාවනා • 1. Saṅgahavāraatthavibhāvanā
