| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၇. သပ္ပာဏကဝဂ္ဂော
7. Sappāṇakavaggo
၁. သဉ္စိစ္စသိက္ခာပဒဝဏ္ဏနာ
1. Sañciccasikkhāpadavaṇṇanā
ပာစိတ္တိယန္တိ အန္တမသော မဉ္စပီဌံ သောဓေန္တော မင္ဂုလဗီဇကေပိ ပာဏသညီ နိက္ကာရုဏိကတာယ တံ ဘိန္ဒန္တော အပနေတိ (ပာစိ. အဋ္ဌ. ၃၈၂), ပာစိတ္တိယံ။ တေနာဟ ‘‘တံ ခုဒ္ဒကမ္ပီ’’တိအာဒိ။ ဥပက္ကမမဟန္တတာယ အကုသလံ မဟန္တံ ဟောတီတိ ဗဟုက္ခတ္တုံ ပဝတ္တဇဝနေဟိ လဒ္ဓာသေဝနာယ သန္နိဋ္ဌာပကစေတနာယ ဝသေန ပယောဂသ္သ မဟန္တတ္တာ အကုသလံ မဟန္တံ ဟောတိ, မဟာသာဝဇ္ဇံ ဟောတီတိ အဓိပ္ပာယော။
Pācittiyanti antamaso mañcapīṭhaṃ sodhento maṅgulabījakepi pāṇasaññī nikkāruṇikatāya taṃ bhindanto apaneti (pāci. aṭṭha. 382), pācittiyaṃ. Tenāha ‘‘taṃ khuddakampī’’tiādi. Upakkamamahantatāya akusalaṃ mahantaṃ hotīti bahukkhattuṃ pavattajavanehi laddhāsevanāya sanniṭṭhāpakacetanāya vasena payogassa mahantattā akusalaṃ mahantaṃ hoti, mahāsāvajjaṃ hotīti adhippāyo.
သဉ္စိစ္စသိက္ခာပဒဝဏ္ဏနာ နိဋ္ဌိတာ။
Sañciccasikkhāpadavaṇṇanā niṭṭhitā.
