| Library / Tipiṭaka / തിപിടക • Tipiṭaka / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā |
൭. സപ്പാണകവഗ്ഗോ
7. Sappāṇakavaggo
൧. സഞ്ചിച്ചപാണസിക്ഖാപദവണ്ണനാ
1. Sañciccapāṇasikkhāpadavaṇṇanā
൩൮൨. സപ്പാണകവഗ്ഗസ്സ പഠമസിക്ഖാപദേ – ഇസ്സാസോ ഹോതീതി ഗിഹികാലേ ധനുഗ്ഗഹാചരിയോ ഹോതി. ജീവിതാ വോരോപിതാതി ജീവിതാ വിയോജിതാ.
382. Sappāṇakavaggassa paṭhamasikkhāpade – issāso hotīti gihikāle dhanuggahācariyo hoti. Jīvitā voropitāti jīvitā viyojitā.
സിക്ഖാപദേപി വോരോപേയ്യാതി വിയോജേയ്യ. യസ്മാ പന വോഹാരമത്തമേവേതം; ന ഹേത്ഥ കിഞ്ചി വിയോജിതേ സീസാലങ്കാരേ സീസം വിയ ജീവിതാ വോരോപിതേ പാണേപി ജീവിതം നാമ വിസും തിട്ഠതി, അഞ്ഞദത്ഥു അന്തരധാനമേവ ഗച്ഛതി, തസ്മാ തമത്ഥം ദസ്സേതും പദഭാജനേ ‘‘ജീവിതിന്ദ്രിയം ഉപച്ഛിന്ദതീ’’തിആദി വുത്തം. ഇമസ്മിഞ്ച സിക്ഖാപദേ തിരച്ഛാനഗതോയേവ ‘‘പാണോ’’തി വേദിതബ്ബോ. തം ഖുദ്ദകമ്പി മഹന്തമ്പി മാരേന്തസ്സ ആപത്തിനാനാകരണം നത്ഥി. മഹന്തേ പന ഉപക്കമമഹന്തത്താ അകുസലമഹത്തം ഹോതി. പാണേ പാണസഞ്ഞീതി അന്തമസോ മഞ്ചപീഠം സോധേന്തോ മങ്ഗുലബീജകേപി പാണസഞ്ഞീ നിക്കാരുണികതായ തം ഭിന്ദന്തോ അപനേതി, പാചിത്തിയം. തസ്മാ ഏവരൂപേസു ഠാനേസു കാരുഞ്ഞം ഉപട്ഠപേത്വാ അപ്പമത്തേന വത്തം കാതബ്ബം. സേസം മനുസ്സവിഗ്ഗഹേ വുത്തനയേനേവ വേദിതബ്ബം സദ്ധിം സമുട്ഠാനാദീഹീതി.
Sikkhāpadepi voropeyyāti viyojeyya. Yasmā pana vohāramattamevetaṃ; na hettha kiñci viyojite sīsālaṅkāre sīsaṃ viya jīvitā voropite pāṇepi jīvitaṃ nāma visuṃ tiṭṭhati, aññadatthu antaradhānameva gacchati, tasmā tamatthaṃ dassetuṃ padabhājane ‘‘jīvitindriyaṃ upacchindatī’’tiādi vuttaṃ. Imasmiñca sikkhāpade tiracchānagatoyeva ‘‘pāṇo’’ti veditabbo. Taṃ khuddakampi mahantampi mārentassa āpattinānākaraṇaṃ natthi. Mahante pana upakkamamahantattā akusalamahattaṃ hoti. Pāṇe pāṇasaññīti antamaso mañcapīṭhaṃ sodhento maṅgulabījakepi pāṇasaññī nikkāruṇikatāya taṃ bhindanto apaneti, pācittiyaṃ. Tasmā evarūpesu ṭhānesu kāruññaṃ upaṭṭhapetvā appamattena vattaṃ kātabbaṃ. Sesaṃ manussaviggahe vuttanayeneva veditabbaṃ saddhiṃ samuṭṭhānādīhīti.
സഞ്ചിച്ചപാണസിക്ഖാപദം പഠമം.
Sañciccapāṇasikkhāpadaṃ paṭhamaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൭. സപ്പാണകവഗ്ഗോ • 7. Sappāṇakavaggo
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൧. സഞ്ചിച്ചസിക്ഖാപദവണ്ണനാ • 1. Sañciccasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൧. സഞ്ചിച്ചപാണസിക്ഖാപദവണ്ണനാ • 1. Sañciccapāṇasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൧. സഞ്ചിച്ചപാണസിക്ഖാപദവണ്ണനാ • 1. Sañciccapāṇasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧. സഞ്ചിച്ചപാണസിക്ഖാപദ-അത്ഥയോജനാ • 1. Sañciccapāṇasikkhāpada-atthayojanā
