| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
སཉྩརིཏྟསམུཊྛཱནཝཎྞནཱ
Sañcarittasamuṭṭhānavaṇṇanā
༢༦༠. ‘‘སཉྩརཱི’’ཏི ཨིདཾ ཏཱཝ སཉྩརིཏྟཾ ནཱམ ཨེཀསམུཊྛཱནསཱིསཾ, སེསཱནི ཏེན སདིསཱནི།
260. ‘‘Sañcarī’’ti idaṃ tāva sañcarittaṃ nāma ekasamuṭṭhānasīsaṃ, sesāni tena sadisāni.
ཝིབྷངྒེ ཨཱགཏེན ‘‘རིཉྩནྟཱི’’ཏི (པཱརཱ॰ ༥༧༦) པདེན ཨེལ༹ཀལོམདྷོཝཱཔནསིཀྑཱཔདཾ ཨུཔལཀྑིཏྭཱ ཝུཏྟནྟི ཨཱཧ ‘‘ཝིབྷངྒེ རིཉྩནྟི ཨུདྡེསནྟི ཨཱགཏ’’ནྟི།
Vibhaṅge āgatena ‘‘riñcantī’’ti (pārā. 576) padena eḷakalomadhovāpanasikkhāpadaṃ upalakkhitvā vuttanti āha ‘‘vibhaṅge riñcanti uddesanti āgata’’nti.
‘‘ཡཱཝ དྭཱརཀོསཱ ཨགྒལ༹ཊྛཔནཱཡ’’ ཨིཏི (པཱཙི॰ ༡༣༥-༡༣༦) ཙ ‘‘ཨཉྙཱཏིཀཱཡ བྷིཀྑུནིཡཱ ཙཱིཝརཾ དདེཡྻ’’ཨིཏི (པཱཙི॰ ༡༦༩) ཙ ‘‘ཙཱིཝརཾ སིབྦེཡྻ’’ཨིཏི (པཱཙི॰ ༡༧༦-༡༧༧) ཙ ཝུཏྟསིཀྑཱཔདཏྟཡནྟི ཡོཛནཱ།
‘‘Yāva dvārakosā aggaḷaṭṭhapanāya’’ iti (pāci. 135-136) ca ‘‘aññātikāya bhikkhuniyā cīvaraṃ dadeyya’’iti (pāci. 169) ca ‘‘cīvaraṃ sibbeyya’’iti (pāci. 176-177) ca vuttasikkhāpadattayanti yojanā.
‘‘སམཎཙཱིཝརེན ཙཱ’’ཏི ཨེཝཾ ཝཙནཾ ཝུཏྟནྟི སམྦནྡྷོ། ‘‘སམཎཙཱིཝརཾ དདེཡྻཱ’’ཏི ཨིདཾ (པཱཙི॰ ༩༡༧) ཝཙནཾ སནྡྷཱཡཱཏི སམྦནྡྷོ།
‘‘Samaṇacīvarena cā’’ti evaṃ vacanaṃ vuttanti sambandho. ‘‘Samaṇacīvaraṃ dadeyyā’’ti idaṃ (pāci. 917) vacanaṃ sandhāyāti sambandho.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༣. སཉྩརིཏྟསམུཊྛཱནཾ • 3. Sañcarittasamuṭṭhānaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / སཉྩརིཏྟསམུཊྛཱནཝཎྞནཱ • Sañcarittasamuṭṭhānavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སམུཊྛཱནསཱིསཝཎྞནཱ • Samuṭṭhānasīsavaṇṇanā
