| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
သဉ္စရိတ္တသမုဋ္ဌာနဝဏ္ဏနာ
Sañcarittasamuṭṭhānavaṇṇanā
၂၆၀. ‘‘သဉ္စရီ’’တိ ဣဒံ တာဝ သဉ္စရိတ္တံ နာမ ဧကသမုဋ္ဌာနသီသံ, သေသာနိ တေန သဒိသာနိ။
260. ‘‘Sañcarī’’ti idaṃ tāva sañcarittaṃ nāma ekasamuṭṭhānasīsaṃ, sesāni tena sadisāni.
ဝိဘင္ဂေ အာဂတေန ‘‘ရိဉ္စန္တီ’’တိ (ပာရာ. ၅၇၆) ပဒေန ဧဠကလောမဓောဝာပနသိက္ခာပဒံ ဥပလက္ခိတ္ဝာ ဝုတ္တန္တိ အာဟ ‘‘ဝိဘင္ဂေ ရိဉ္စန္တိ ဥဒ္ဒေသန္တိ အာဂတ’’န္တိ။
Vibhaṅge āgatena ‘‘riñcantī’’ti (pārā. 576) padena eḷakalomadhovāpanasikkhāpadaṃ upalakkhitvā vuttanti āha ‘‘vibhaṅge riñcanti uddesanti āgata’’nti.
‘‘ယာဝ ဒ္ဝာရကောသာ အဂ္ဂဠဋ္ဌပနာယ’’ ဣတိ (ပာစိ. ၁၃၅-၁၃၆) စ ‘‘အညာတိကာယ ဘိက္ခုနိယာ စီဝရံ ဒဒေယ္ယ’’ဣတိ (ပာစိ. ၁၆၉) စ ‘‘စီဝရံ သိဗ္ဗေယ္ယ’’ဣတိ (ပာစိ. ၁၇၆-၁၇၇) စ ဝုတ္တသိက္ခာပဒတ္တယန္တိ ယောဇနာ။
‘‘Yāva dvārakosā aggaḷaṭṭhapanāya’’ iti (pāci. 135-136) ca ‘‘aññātikāya bhikkhuniyā cīvaraṃ dadeyya’’iti (pāci. 169) ca ‘‘cīvaraṃ sibbeyya’’iti (pāci. 176-177) ca vuttasikkhāpadattayanti yojanā.
‘‘သမဏစီဝရေန စာ’’တိ ဧဝံ ဝစနံ ဝုတ္တန္တိ သမ္ဗန္ဓော။ ‘‘သမဏစီဝရံ ဒဒေယ္ယာ’’တိ ဣဒံ (ပာစိ. ၉၁၇) ဝစနံ သန္ဓာယာတိ သမ္ဗန္ဓော။
‘‘Samaṇacīvarena cā’’ti evaṃ vacanaṃ vuttanti sambandho. ‘‘Samaṇacīvaraṃ dadeyyā’’ti idaṃ (pāci. 917) vacanaṃ sandhāyāti sambandho.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၃. သဉ္စရိတ္တသမုဋ္ဌာနံ • 3. Sañcarittasamuṭṭhānaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / သဉ္စရိတ္တသမုဋ္ဌာနဝဏ္ဏနာ • Sañcarittasamuṭṭhānavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / သမုဋ္ဌာနသီသဝဏ္ဏနာ • Samuṭṭhānasīsavaṇṇanā
