| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਦੁਤਿਯવਗ੍ਗੋ
2. Dutiyavaggo
੧. ਸਨਙ੍ਕੁਮਾਰਸੁਤ੍ਤવਣ੍ਣਨਾ
1. Sanaṅkumārasuttavaṇṇanā
੧੮੨. ਦੁਤਿਯવਗ੍ਗਸ੍ਸ ਪਠਮੇ ਸਪ੍ਪਿਨੀਤੀਰੇਤਿ ਸਪ੍ਪਿਨੀਨਾਮਿਕਾਯ ਨਦਿਯਾ ਤੀਰੇ। ਸਨਙ੍ਕੁਮਾਰੋਤਿ ਸੋ ਕਿਰ ਪਞ੍ਚਸਿਖਕੁਮਾਰਕਕਾਲੇ ਝਾਨਂ ਭਾવੇਤ੍વਾ ਬ੍ਰਹ੍ਮਲੋਕੇ ਨਿਬ੍ਬਤ੍ਤੋ ਕੁਮਾਰਕવਣ੍ਣੇਨੇવ વਿਚਰਤਿ। ਤੇਨ ਨਂ ‘‘ਕੁਮਾਰੋ’’ਤਿ ਸਞ੍ਜਾਨਨ੍ਤਿ, ਪੋਰਾਣਕਤ੍ਤਾ ਪਨ ‘‘ਸਨਙ੍ਕੁਮਾਰੋ’’ਤਿ વੁਚ੍ਚਤਿ। ਜਨੇਤਸ੍ਮਿਨ੍ਤਿ ਜਨਿਤਸ੍ਮਿਂ, ਪਜਾਯਾਤਿ ਅਤ੍ਥੋ। ਯੇ ਗੋਤ੍ਤਪਟਿਸਾਰਿਨੋਤਿ ਯੇ ਜਨੇਤਸ੍ਮਿਂ ਗੋਤ੍ਤਂ ਪਟਿਸਰਨ੍ਤਿ ਤੇਸੁ ਲੋਕੇ ਗੋਤ੍ਤਪਟਿਸਾਰੀਸੁ ਖਤ੍ਤਿਯੋ ਸੇਟ੍ਠੋ। વਿਜ੍ਜਾਚਰਣਸਮ੍ਪਨ੍ਨੋਤਿ ਭਯਭੇਰવਸੁਤ੍ਤਪਰਿਯਾਯੇਨ (ਮ॰ ਨਿ॰ ੧.੩੪ ਆਦਯੋ) ਪੁਬ੍ਬੇਨਿવਾਸਾਦੀਹਿ વਾ ਤੀਹਿ, ਅਮ੍ਬਟ੍ਠਸੁਤ੍ਤਪਰਿਯਾਯੇਨ (ਦੀ॰ ਨਿ॰ ੧.੨੭੮ ਆਦਯੋ) વਿਪਸ੍ਸਨਾਞਾਣਂ ਮਨੋਮਯਿਦ੍ਧਿ ਛ ਅਭਿਞ੍ਞਾਯੋਤਿ ਇਮਾਹਿ વਾ ਅਟ੍ਠਹਿ વਿਜ੍ਜਾਹਿ, ਸੀਲੇਸੁ ਪਰਿਪੂਰਕਾਰਿਤਾ ਇਨ੍ਦ੍ਰਿਯੇਸੁ ਗੁਤ੍ਤਦ੍વਾਰਤਾ ਭੋਜਨੇ ਮਤ੍ਤਞ੍ਞੁਤਾ ਜਾਗਰਿਯਾਨੁਯੋਗੋ ਸਤ੍ਤ ਸਦ੍ਧਮ੍ਮਾ ਚਤ੍ਤਾਰਿ ਰੂਪਾવਚਰਜ੍ਝਾਨਾਨੀਤਿ ਏવਂ ਪਨ੍ਨਰਸਧਮ੍ਮਭੇਦੇਨ ਚਰਣੇਨ ਚ ਸਮਨ੍ਨਾਗਤੋ। ਸੋ ਸੇਟ੍ਠੋ ਦੇવਮਾਨੁਸੇਤਿ ਸੋ ਖੀਣਾਸવਬ੍ਰਾਹ੍ਮਣੋ ਦੇવੇਸੁ ਚ ਮਨੁਸ੍ਸੇਸੁ ਚ ਸੇਟ੍ਠੋ ਉਤ੍ਤਮੋਤਿ। ਪਠਮਂ।
182. Dutiyavaggassa paṭhame sappinītīreti sappinīnāmikāya nadiyā tīre. Sanaṅkumāroti so kira pañcasikhakumārakakāle jhānaṃ bhāvetvā brahmaloke nibbatto kumārakavaṇṇeneva vicarati. Tena naṃ ‘‘kumāro’’ti sañjānanti, porāṇakattā pana ‘‘sanaṅkumāro’’ti vuccati. Janetasminti janitasmiṃ, pajāyāti attho. Ye gottapaṭisārinoti ye janetasmiṃ gottaṃ paṭisaranti tesu loke gottapaṭisārīsu khattiyo seṭṭho. Vijjācaraṇasampannoti bhayabheravasuttapariyāyena (ma. ni. 1.34 ādayo) pubbenivāsādīhi vā tīhi, ambaṭṭhasuttapariyāyena (dī. ni. 1.278 ādayo) vipassanāñāṇaṃ manomayiddhi cha abhiññāyoti imāhi vā aṭṭhahi vijjāhi, sīlesu paripūrakāritā indriyesu guttadvāratā bhojane mattaññutā jāgariyānuyogo satta saddhammā cattāri rūpāvacarajjhānānīti evaṃ pannarasadhammabhedena caraṇena ca samannāgato. So seṭṭho devamānuseti so khīṇāsavabrāhmaṇo devesu ca manussesu ca seṭṭho uttamoti. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਨਙ੍ਕੁਮਾਰਸੁਤ੍ਤਂ • 1. Sanaṅkumārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਸਨਙ੍ਕੁਮਾਰਸੁਤ੍ਤવਣ੍ਣਨਾ • 1. Sanaṅkumārasuttavaṇṇanā
