| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. ဒုတိယဝဂ္ဂော
2. Dutiyavaggo
၁. သနင္ကုမာရသုတ္တဝဏ္ဏနာ
1. Sanaṅkumārasuttavaṇṇanā
၁၈၂. ပောရာဏကတ္တာတိ နိဗ္ဗတ္တိတ္ဝာ စိရကာလတ္တာ။ ဇာတတ္တာ ဇနော, တံ ဣတော ဇနေတော, တသ္မိံ။ ခတ္တိယော သေဋ္ဌော လောကမရိယာဒပရိပာလနာဒိနာ သမ္မာပဋိပတ္တိယံ သတ္တာနံ နိယောဇနေန ဗဟုကာရတ္တာ။ သော ဟိ ပရေ တထာ ပဋိပာဒေန္တော သယမ္ပိ တတ္ထ ပတိဋ္ဌိတောယေဝ ဟောတီတိ သေဋ္ဌော ဝုတ္တော။ ပဋိပက္ခဝိဇ္ဈနဋ္ဌေန ပုဗ္ဗေနိဝာသာဒီနံ ဝိဒိတကရဏဋ္ဌေန ဝိဇ္ဇာတိ။ သဒ္ဓာဟိရောတ္တပ္ပဗာဟုသစ္စဝီရိယသတိပညာတိ ဣမေ သတ္တ သဒ္ဓမ္မာ။ စရန္တိ အဂတပုဗ္ဗံ ဒိသံ ဧတေဟီတိ စရဏာနိ, သီလာဒယော ပန္နရသ ဓမ္မာ။
182.Porāṇakattāti nibbattitvā cirakālattā. Jātattā jano, taṃ ito janeto, tasmiṃ. Khattiyo seṭṭho lokamariyādaparipālanādinā sammāpaṭipattiyaṃ sattānaṃ niyojanena bahukārattā. So hi pare tathā paṭipādento sayampi tattha patiṭṭhitoyeva hotīti seṭṭho vutto. Paṭipakkhavijjhanaṭṭhena pubbenivāsādīnaṃ viditakaraṇaṭṭhena vijjāti. Saddhāhirottappabāhusaccavīriyasatipaññāti ime satta saddhammā. Caranti agatapubbaṃ disaṃ etehīti caraṇāni, sīlādayo pannarasa dhammā.
သနင္ကုမာရသုတ္တဝဏ္ဏနာ နိဋ္ဌိတာ။
Sanaṅkumārasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁. သနင္ကုမာရသုတ္တံ • 1. Sanaṅkumārasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁. သနင္ကုမာရသုတ္တဝဏ္ဏနာ • 1. Sanaṅkumārasuttavaṇṇanā
