| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๒. ทุติยวโคฺค
2. Dutiyavaggo
๑. สนงฺกุมารสุตฺตวณฺณนา
1. Sanaṅkumārasuttavaṇṇanā
๑๘๒. โปราณกตฺตาติ นิพฺพตฺติตฺวา จิรกาลตฺตาฯ ชาตตฺตา ชโน, ตํ อิโต ชเนโต, ตสฺมิํฯ ขตฺติโย เสโฎฺฐ โลกมริยาทปริปาลนาทินา สมฺมาปฎิปตฺติยํ สตฺตานํ นิโยชเนน พหุการตฺตาฯ โส หิ ปเร ตถา ปฎิปาเทโนฺต สยมฺปิ ตตฺถ ปติฎฺฐิโตเยว โหตีติ เสโฎฺฐ วุโตฺตฯ ปฎิปกฺขวิชฺฌนเฎฺฐน ปุเพฺพนิวาสาทีนํ วิทิตกรณเฎฺฐน วิชฺชาติฯ สทฺธาหิโรตฺตปฺปพาหุสจฺจวีริยสติปญฺญาติ อิเม สตฺต สทฺธมฺมาฯ จรนฺติ อคตปุพฺพํ ทิสํ เอเตหีติ จรณานิ, สีลาทโย ปนฺนรส ธมฺมาฯ
182.Porāṇakattāti nibbattitvā cirakālattā. Jātattā jano, taṃ ito janeto, tasmiṃ. Khattiyo seṭṭho lokamariyādaparipālanādinā sammāpaṭipattiyaṃ sattānaṃ niyojanena bahukārattā. So hi pare tathā paṭipādento sayampi tattha patiṭṭhitoyeva hotīti seṭṭho vutto. Paṭipakkhavijjhanaṭṭhena pubbenivāsādīnaṃ viditakaraṇaṭṭhena vijjāti. Saddhāhirottappabāhusaccavīriyasatipaññāti ime satta saddhammā. Caranti agatapubbaṃ disaṃ etehīti caraṇāni, sīlādayo pannarasa dhammā.
สนงฺกุมารสุตฺตวณฺณนา นิฎฺฐิตาฯ
Sanaṅkumārasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑. สนงฺกุมารสุตฺตํ • 1. Sanaṅkumārasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑. สนงฺกุมารสุตฺตวณฺณนา • 1. Sanaṅkumārasuttavaṇṇanā
