| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. ஸங்யோஜனியஸுத்தங்
6. Saṃyojaniyasuttaṃ
109. ‘‘ஸங்யோஜனியே ச, பி⁴க்க²வே, த⁴ம்மே தே³ஸெஸ்ஸாமி ஸங்யோஜனஞ்ச. தங் ஸுணாத². கதமே ச, பி⁴க்க²வே, ஸங்யோஜனியா த⁴ம்மா, கதமஞ்ச ஸங்யோஜனங்? சக்கு²ங், பி⁴க்க²வே, ஸங்யோஜனியோ த⁴ம்மோ. யோ தத்த² ச²ந்த³ராகோ³, தங் தத்த² ஸங்யோஜனங்…பே॰… ஜிவ்ஹா ஸங்யோஜனியோ த⁴ம்மோ…பே॰… மனோ ஸங்யோஜனியோ த⁴ம்மோ. யோ தத்த² ச²ந்த³ராகோ³, தங் தத்த² ஸங்யோஜனங். இமே வுச்சந்தி, பி⁴க்க²வே, ஸங்யோஜனியா த⁴ம்மா, இத³ங் ஸங்யோஜன’’ந்தி. ச²ட்ட²ங்.
109. ‘‘Saṃyojaniye ca, bhikkhave, dhamme desessāmi saṃyojanañca. Taṃ suṇātha. Katame ca, bhikkhave, saṃyojaniyā dhammā, katamañca saṃyojanaṃ? Cakkhuṃ, bhikkhave, saṃyojaniyo dhammo. Yo tattha chandarāgo, taṃ tattha saṃyojanaṃ…pe… jivhā saṃyojaniyo dhammo…pe… mano saṃyojaniyo dhammo. Yo tattha chandarāgo, taṃ tattha saṃyojanaṃ. Ime vuccanti, bhikkhave, saṃyojaniyā dhammā, idaṃ saṃyojana’’nti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-10. உபாதா³யஸுத்தாதி³வண்ணனா • 2-10. Upādāyasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-10. உபாதா³யஸுத்தாதி³வண்ணனா • 2-10. Upādāyasuttādivaṇṇanā
