| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਚਿਤ੍ਤਸਂਯੁਤ੍ਤਂ
7. Cittasaṃyuttaṃ
੧. ਸਂਯੋਜਨਸੁਤ੍ਤવਣ੍ਣਨਾ
1. Saṃyojanasuttavaṇṇanā
੩੪੩. ਚਿਤ੍ਤਸਂਯੁਤ੍ਤਸ੍ਸ ਪਠਮੇ ਮਚ੍ਛਿਕਾਸਣ੍ਡੇਤਿ ਏવਂਨਾਮਕੇ વਨਸਣ੍ਡੇ। ਅਯਮਨ੍ਤਰਾਕਥਾ ਉਦਪਾਦੀਤਿ ਪੋਰਾਣਕਤ੍ਥੇਰਾ ਅਤਿਰਚ੍ਛਾਨਕਥਾ ਹੋਨ੍ਤਿ, ਨਿਸਿਨ੍ਨਨਿਸਿਨ੍ਨਟ੍ਠਾਨੇ ਪਞ੍ਹਂ ਸਮੁਟ੍ਠਾਪੇਤ੍વਾ ਅਜਾਨਨ੍ਤਾ ਪੁਚ੍ਛਨ੍ਤਿ, ਜਾਨਨ੍ਤਾ વਿਸ੍ਸਜ੍ਜੇਨ੍ਤਿ, ਤੇਨ ਨੇਸਂ ਅਯਂ ਕਥਾ ਉਦਪਾਦਿ। ਮਿਗਪਥਕਨ੍ਤਿ ਏવਂਨਾਮਕਂ ਅਤ੍ਤਨੋ ਭੋਗਗਾਮਂ। ਸੋ ਕਿਰ ਅਮ੍ਬਾਟਕਾਰਾਮਸ੍ਸ ਪਿਟ੍ਠਿਭਾਗੇ ਹੋਤਿ। ਤੇਨੁਪਸਙ੍ਕਮੀਤਿ ‘‘ਥੇਰਾਨਂ ਪਞ੍ਹਂ વਿਸ੍ਸਜ੍ਜੇਤ੍વਾ ਫਾਸੁવਿਹਾਰਂ ਕਤ੍વਾ ਦਸ੍ਸਾਮੀ’’ਤਿ ਚਿਨ੍ਤੇਤ੍વਾ ਉਪਸਙ੍ਕਮਿ। ਗਮ੍ਭੀਰੇ ਬੁਦ੍ਧવਚਨੇਤਿ ਅਤ੍ਥਗਮ੍ਭੀਰੇ ਚੇવ ਧਮ੍ਮਗਮ੍ਭੀਰੇ ਚ ਬੁਦ੍ਧવਚਨੇ। ਪਞ੍ਞਾਚਕ੍ਖੁ ਕਮਤੀਤਿ ਞਾਣਚਕ੍ਖੁ વਹਤਿ ਪવਤ੍ਤਤਿ।
343. Cittasaṃyuttassa paṭhame macchikāsaṇḍeti evaṃnāmake vanasaṇḍe. Ayamantarākathā udapādīti porāṇakattherā atiracchānakathā honti, nisinnanisinnaṭṭhāne pañhaṃ samuṭṭhāpetvā ajānantā pucchanti, jānantā vissajjenti, tena nesaṃ ayaṃ kathā udapādi. Migapathakanti evaṃnāmakaṃ attano bhogagāmaṃ. So kira ambāṭakārāmassa piṭṭhibhāge hoti. Tenupasaṅkamīti ‘‘therānaṃ pañhaṃ vissajjetvā phāsuvihāraṃ katvā dassāmī’’ti cintetvā upasaṅkami. Gambhīre buddhavacaneti atthagambhīre ceva dhammagambhīre ca buddhavacane. Paññācakkhu kamatīti ñāṇacakkhu vahati pavattati.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਂਯੋਜਨਸੁਤ੍ਤਂ • 1. Saṃyojanasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਸਂਯੋਜਨਸੁਤ੍ਤવਣ੍ਣਨਾ • 1. Saṃyojanasuttavaṇṇanā
