| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. ચિત્તસંયુત્તં
7. Cittasaṃyuttaṃ
૧. સંયોજનસુત્તવણ્ણના
1. Saṃyojanasuttavaṇṇanā
૩૪૩. ચિત્તસંયુત્તસ્સ પઠમે મચ્છિકાસણ્ડેતિ એવંનામકે વનસણ્ડે. અયમન્તરાકથા ઉદપાદીતિ પોરાણકત્થેરા અતિરચ્છાનકથા હોન્તિ, નિસિન્નનિસિન્નટ્ઠાને પઞ્હં સમુટ્ઠાપેત્વા અજાનન્તા પુચ્છન્તિ, જાનન્તા વિસ્સજ્જેન્તિ, તેન નેસં અયં કથા ઉદપાદિ. મિગપથકન્તિ એવંનામકં અત્તનો ભોગગામં. સો કિર અમ્બાટકારામસ્સ પિટ્ઠિભાગે હોતિ. તેનુપસઙ્કમીતિ ‘‘થેરાનં પઞ્હં વિસ્સજ્જેત્વા ફાસુવિહારં કત્વા દસ્સામી’’તિ ચિન્તેત્વા ઉપસઙ્કમિ. ગમ્ભીરે બુદ્ધવચનેતિ અત્થગમ્ભીરે ચેવ ધમ્મગમ્ભીરે ચ બુદ્ધવચને. પઞ્ઞાચક્ખુ કમતીતિ ઞાણચક્ખુ વહતિ પવત્તતિ.
343. Cittasaṃyuttassa paṭhame macchikāsaṇḍeti evaṃnāmake vanasaṇḍe. Ayamantarākathā udapādīti porāṇakattherā atiracchānakathā honti, nisinnanisinnaṭṭhāne pañhaṃ samuṭṭhāpetvā ajānantā pucchanti, jānantā vissajjenti, tena nesaṃ ayaṃ kathā udapādi. Migapathakanti evaṃnāmakaṃ attano bhogagāmaṃ. So kira ambāṭakārāmassa piṭṭhibhāge hoti. Tenupasaṅkamīti ‘‘therānaṃ pañhaṃ vissajjetvā phāsuvihāraṃ katvā dassāmī’’ti cintetvā upasaṅkami. Gambhīre buddhavacaneti atthagambhīre ceva dhammagambhīre ca buddhavacane. Paññācakkhu kamatīti ñāṇacakkhu vahati pavattati.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. સંયોજનસુત્તં • 1. Saṃyojanasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧. સંયોજનસુત્તવણ્ણના • 1. Saṃyojanasuttavaṇṇanā
