| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
(१४) ४. पुग्गलवग्गो
(14) 4. Puggalavaggo
१. संयोजनसुत्तवण्णना
1. Saṃyojanasuttavaṇṇanā
१३१. चतुत्थस्स पठमे उपपत्तिपटिलाभियानीति येहि अनन्तरा उपपत्तिं पटिलभति। भवपटिलाभियानीति उपपत्तिभवस्स पटिलाभाय पच्चयानि। सकदागामिस्साति इदं अप्पहीनसंयोजनेसु अरियेसु उत्तमकोटिया गहितं। यस्मा पन अन्तरापरिनिब्बायिस्स अन्तरा उपपत्ति नत्थि, यं पन सो तत्थ झानं समापज्जति, तं कुसलत्ता ‘‘उपपत्तिभवस्स पच्चयो’’ तेव सङ्ख्यं गच्छति। तस्मास्स ‘‘उपपत्तिपटिलाभियानि संयोजनानि पहीनानि, भवपटिलाभियानि संयोजनानि अप्पहीनानी’’ति वुत्तं। ओरम्भागियेसु च अप्पहीनं उपादाय सकदागामिस्स अविसेसेन ‘‘ओरम्भागियानि संयोजनानि अप्पहीनानी’’ति वुत्तं। सेसमेत्थ उत्तानमेव।
131. Catutthassa paṭhame upapattipaṭilābhiyānīti yehi anantarā upapattiṃ paṭilabhati. Bhavapaṭilābhiyānīti upapattibhavassa paṭilābhāya paccayāni. Sakadāgāmissāti idaṃ appahīnasaṃyojanesu ariyesu uttamakoṭiyā gahitaṃ. Yasmā pana antarāparinibbāyissa antarā upapatti natthi, yaṃ pana so tattha jhānaṃ samāpajjati, taṃ kusalattā ‘‘upapattibhavassa paccayo’’ teva saṅkhyaṃ gacchati. Tasmāssa ‘‘upapattipaṭilābhiyāni saṃyojanāni pahīnāni, bhavapaṭilābhiyāni saṃyojanāni appahīnānī’’ti vuttaṃ. Orambhāgiyesu ca appahīnaṃ upādāya sakadāgāmissa avisesena ‘‘orambhāgiyāni saṃyojanāni appahīnānī’’ti vuttaṃ. Sesamettha uttānameva.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १. संयोजनसुत्तं • 1. Saṃyojanasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १. संयोजनसुत्तवण्णना • 1. Saṃyojanasuttavaṇṇanā
