| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༣. སཾཡོཛནསུཏྟཾ
3. Saṃyojanasuttaṃ
༡༣. ‘‘དསཡིམཱནི , བྷིཀྑཝེ, སཾཡོཛནཱནི། ཀཏམཱནི དས? པཉྩོརམྦྷཱགིཡཱནི སཾཡོཛནཱནི, པཉྩུདྡྷམྦྷཱགིཡཱནི སཾཡོཛནཱནི། ཀཏམཱནི པཉྩོརམྦྷཱགིཡཱནི སཾཡོཛནཱནི? སཀྐཱཡདིཊྛི, ཝིཙིཀིཙྪཱ, སཱིལབྦཏཔརཱམཱསོ, ཀཱམཙྪནྡོ, བྱཱཔཱདོ – ཨིམཱནི པཉྩོརམྦྷཱགིཡཱནི སཾཡོཛནཱནི།
13. ‘‘Dasayimāni , bhikkhave, saṃyojanāni. Katamāni dasa? Pañcorambhāgiyāni saṃyojanāni, pañcuddhambhāgiyāni saṃyojanāni. Katamāni pañcorambhāgiyāni saṃyojanāni? Sakkāyadiṭṭhi, vicikicchā, sīlabbataparāmāso, kāmacchando, byāpādo – imāni pañcorambhāgiyāni saṃyojanāni.
‘‘ཀཏམཱནི པཉྩུདྡྷམྦྷཱགིཡཱནི སཾཡོཛནཱནི? རཱུཔརཱགོ, ཨརཱུཔརཱགོ, མཱནོ, ཨུདྡྷཙྩཾ, ཨཝིཛྫཱ – ཨིམཱནི པཉྩུདྡྷམྦྷཱགིཡཱནི སཾཡོཛནཱནི། ཨིམཱནི ཁོ, བྷིཀྑཝེ, དས སཾཡོཛནཱནཱི’’ཏི། ཏཏིཡཾ།
‘‘Katamāni pañcuddhambhāgiyāni saṃyojanāni? Rūparāgo, arūparāgo, māno, uddhaccaṃ, avijjā – imāni pañcuddhambhāgiyāni saṃyojanāni. Imāni kho, bhikkhave, dasa saṃyojanānī’’ti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༣-༤. སཾཡོཛནསུཏྟཱདིཝཎྞནཱ • 3-4. Saṃyojanasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༤. སེནཱསནསུཏྟཱདིཝཎྞནཱ • 1-4. Senāsanasuttādivaṇṇanā
