| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၈-၁၀. သံယောဇနသုတ္တာဒိဝဏ္ဏနာ
8-10. Saṃyojanasuttādivaṇṇanā
၈၈-၉၀. အဋ္ဌမေ သောတာပန္နော စတူဟိ ဝာတေဟိ ဣန္ဒခီလော ဝိယ ပရပ္ပဝာဒေဟိ အကမ္ပိယော အစလသဒ္ဓာယ သမန္နာဂတတ္တာ သာသနေ လဒ္ဓပ္ပတိဋ္ဌော သမဏမစလော နာမာတိ အာဟ ‘‘သာသနေ လဒ္ဓပ္ပတိဋ္ဌတ္တာ’’တိအာဒိ။ ထဒ္ဓဘာဝကရာနံ ကိလေသာနံ သဗ္ဗသော သမုစ္ဆိန္နတ္တာတိ စိတ္တသ္သ ထဒ္ဓဘာဝကရာနံ ဥဒ္ဓမ္ဘာဂိယကိလေသာနံ သဗ္ဗသော အဘာဝာ သမဏသုခုမာလော နာမ သုခုမာလဘာဝပ္ပတ္တိတော။ နဝမဒသမာနိ သုဝိညေယ္ယာနေဝ။
88-90. Aṭṭhame sotāpanno catūhi vātehi indakhīlo viya parappavādehi akampiyo acalasaddhāya samannāgatattā sāsane laddhappatiṭṭho samaṇamacalo nāmāti āha ‘‘sāsane laddhappatiṭṭhattā’’tiādi. Thaddhabhāvakarānaṃ kilesānaṃ sabbaso samucchinnattāti cittassa thaddhabhāvakarānaṃ uddhambhāgiyakilesānaṃ sabbaso abhāvā samaṇasukhumālo nāma sukhumālabhāvappattito. Navamadasamāni suviññeyyāneva.
သံယောဇနသုတ္တာဒိဝဏ္ဏနာ နိဋ္ဌိတာ။
Saṃyojanasuttādivaṇṇanā niṭṭhitā.
မစလဝဂ္ဂဝဏ္ဏနာ နိဋ္ဌိတာ။
Macalavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၈. သံယောဇနသုတ္တံ • 8. Saṃyojanasuttaṃ
၉. သမ္မာဒိဋ္ဌိသုတ္တံ • 9. Sammādiṭṭhisuttaṃ
၁၀. ခန္ဓသုတ္တံ • 10. Khandhasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၈. သံယောဇနသုတ္တဝဏ္ဏနာ • 8. Saṃyojanasuttavaṇṇanā
၉. သမ္မာဒိဋ္ဌိသုတ္တဝဏ္ဏနာ • 9. Sammādiṭṭhisuttavaṇṇanā
၁၀. ခန္ဓသုတ္တဝဏ္ဏနာ • 10. Khandhasuttavaṇṇanā
