| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੨੧. ਏਕવੀਸਤਿਮવਗ੍ਗੋ
21. Ekavīsatimavaggo
(੨੦੨) ੩. ਸਂਯੋਜਨਕਥਾ
(202) 3. Saṃyojanakathā
੮੮੧. ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀਤਿ? ਆਮਨ੍ਤਾ। ਅਤ੍ਥਿ ਕਿਞ੍ਚਿ ਸਕ੍ਕਾਯਦਿਟ੍ਠਿਂ ਅਪ੍ਪਹਾਯ…ਪੇ॰… વਿਚਿਕਿਚ੍ਛਂ ਅਪ੍ਪਹਾਯ…ਪੇ॰… ਸੀਲਬ੍ਬਤਪਰਾਮਾਸਂ ਅਪ੍ਪਹਾਯ… ਰਾਗਂ ਅਪ੍ਪਹਾਯ… ਦੋਸਂ ਅਪ੍ਪਹਾਯ… ਮੋਹਂ ਅਪ੍ਪਹਾਯ… ਅਨੋਤ੍ਤਪ੍ਪਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
881. Atthi kiñci saṃyojanaṃ appahāya arahattappattīti? Āmantā. Atthi kiñci sakkāyadiṭṭhiṃ appahāya…pe… vicikicchaṃ appahāya…pe… sīlabbataparāmāsaṃ appahāya… rāgaṃ appahāya… dosaṃ appahāya… mohaṃ appahāya… anottappaṃ appahāya arahattappattīti? Na hevaṃ vattabbe…pe….
ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀਤਿ? ਆਮਨ੍ਤਾ। ਅਰਹਾ ਸਰਾਗੋ ਸਦੋਸੋ ਸਮੋਹੋ ਸਮਾਨੋ ਸਮਕ੍ਖੋ ਸਪਲ਼ਾਸੋ ਸਉਪਾਯਾਸੋ ਸਕਿਲੇਸੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਅਰਹਾ ਨਿਰਾਗੋ ਨਿਦ੍ਦੋਸੋ ਨਿਮ੍ਮੋਹੋ ਨਿਮ੍ਮਾਨੋ ਨਿਮ੍ਮਕ੍ਖੋ ਨਿਪ੍ਪਲ਼ਾਸੋ ਨਿਰੁਪਾਯਾਸੋ ਨਿਕ੍ਕਿਲੇਸੋਤਿ? ਆਮਨ੍ਤਾ। ਹਞ੍ਚਿ ਅਰਹਾ ਨਿਰਾਗੋ…ਪੇ॰… ਨਿਕ੍ਕਿਲੇਸੋ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀ’’ਤਿ।
Atthi kiñci saṃyojanaṃ appahāya arahattappattīti? Āmantā. Arahā sarāgo sadoso samoho samāno samakkho sapaḷāso saupāyāso sakilesoti? Na hevaṃ vattabbe…pe… nanu arahā nirāgo niddoso nimmoho nimmāno nimmakkho nippaḷāso nirupāyāso nikkilesoti? Āmantā. Hañci arahā nirāgo…pe… nikkileso, no ca vata re vattabbe – ‘‘atthi kiñci saṃyojanaṃ appahāya arahattappattī’’ti.
੮੮੨. ਨ વਤ੍ਤਬ੍ਬਂ – ‘‘ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀ’’ਤਿ ? ਆਮਨ੍ਤਾ। ਅਰਹਾ ਸਬ੍ਬਂ ਬੁਦ੍ਧવਿਸਯਂ ਜਾਨਾਤੀਤਿ? ਨ ਹੇવਂ વਤ੍ਤਬ੍ਬੇ। ਤੇਨ ਹਿ ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀਤਿ।
882. Na vattabbaṃ – ‘‘atthi kiñci saṃyojanaṃ appahāya arahattappattī’’ti ? Āmantā. Arahā sabbaṃ buddhavisayaṃ jānātīti? Na hevaṃ vattabbe. Tena hi atthi kiñci saṃyojanaṃ appahāya arahattappattīti.
ਸਂਯੋਜਨਕਥਾ ਨਿਟ੍ਠਿਤਾ।
Saṃyojanakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੩. ਸਞ੍ਞੋਜਨਕਥਾવਣ੍ਣਨਾ • 3. Saññojanakathāvaṇṇanā
