| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
២១. ឯកវីសតិមវគ្គោ
21. Ekavīsatimavaggo
(២០២) ៣. សំយោជនកថា
(202) 3. Saṃyojanakathā
៨៨១. អត្ថិ កិញ្ចិ សំយោជនំ អប្បហាយ អរហត្តប្បត្តីតិ? អាមន្តា។ អត្ថិ កិញ្ចិ សក្កាយទិដ្ឋិំ អប្បហាយ…បេ.… វិចិកិច្ឆំ អប្បហាយ…បេ.… សីលព្ពតបរាមាសំ អប្បហាយ… រាគំ អប្បហាយ… ទោសំ អប្បហាយ… មោហំ អប្បហាយ… អនោត្តប្បំ អប្បហាយ អរហត្តប្បត្តីតិ? ន ហេវំ វត្តព្ពេ…បេ.…។
881. Atthi kiñci saṃyojanaṃ appahāya arahattappattīti? Āmantā. Atthi kiñci sakkāyadiṭṭhiṃ appahāya…pe… vicikicchaṃ appahāya…pe… sīlabbataparāmāsaṃ appahāya… rāgaṃ appahāya… dosaṃ appahāya… mohaṃ appahāya… anottappaṃ appahāya arahattappattīti? Na hevaṃ vattabbe…pe….
អត្ថិ កិញ្ចិ សំយោជនំ អប្បហាយ អរហត្តប្បត្តីតិ? អាមន្តា។ អរហា សរាគោ សទោសោ សមោហោ សមានោ សមក្ខោ សបឡាសោ សឧបាយាសោ សកិលេសោតិ? ន ហេវំ វត្តព្ពេ…បេ.… ននុ អរហា និរាគោ និទ្ទោសោ និម្មោហោ និម្មានោ និម្មក្ខោ និប្បឡាសោ និរុបាយាសោ និក្កិលេសោតិ? អាមន្តា។ ហញ្ចិ អរហា និរាគោ…បេ.… និក្កិលេសោ, នោ ច វត រេ វត្តព្ពេ – ‘‘អត្ថិ កិញ្ចិ សំយោជនំ អប្បហាយ អរហត្តប្បត្តី’’តិ។
Atthi kiñci saṃyojanaṃ appahāya arahattappattīti? Āmantā. Arahā sarāgo sadoso samoho samāno samakkho sapaḷāso saupāyāso sakilesoti? Na hevaṃ vattabbe…pe… nanu arahā nirāgo niddoso nimmoho nimmāno nimmakkho nippaḷāso nirupāyāso nikkilesoti? Āmantā. Hañci arahā nirāgo…pe… nikkileso, no ca vata re vattabbe – ‘‘atthi kiñci saṃyojanaṃ appahāya arahattappattī’’ti.
៨៨២. ន វត្តព្ពំ – ‘‘អត្ថិ កិញ្ចិ សំយោជនំ អប្បហាយ អរហត្តប្បត្តី’’តិ ? អាមន្តា។ អរហា សព្ពំ ពុទ្ធវិសយំ ជានាតីតិ? ន ហេវំ វត្តព្ពេ។ តេន ហិ អត្ថិ កិញ្ចិ សំយោជនំ អប្បហាយ អរហត្តប្បត្តីតិ។
882. Na vattabbaṃ – ‘‘atthi kiñci saṃyojanaṃ appahāya arahattappattī’’ti ? Āmantā. Arahā sabbaṃ buddhavisayaṃ jānātīti? Na hevaṃ vattabbe. Tena hi atthi kiñci saṃyojanaṃ appahāya arahattappattīti.
សំយោជនកថា និដ្ឋិតា។
Saṃyojanakathā niṭṭhitā.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៣. សញ្ញោជនកថាវណ្ណនា • 3. Saññojanakathāvaṇṇanā
