| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৮. সংৰেজনীযসুত্তং
8. Saṃvejanīyasuttaṃ
১১৮. ‘‘চত্তারিমানি, ভিক্খৰে, সদ্ধস্স কুলপুত্তস্স দস্সনীযানি সংৰেজনীযানি ঠানানি। কতমানি চত্তারি? ‘ইধ তথাগতো জাতো’তি, ভিক্খৰে, সদ্ধস্স কুলপুত্তস্স দস্সনীযং সংৰেজনীযং ঠানং। ‘ইধ তথাগতো অনুত্তরং সম্মাসম্বোধিং অভিসম্বুদ্ধো’তি, ভিক্খৰে, সদ্ধস্স কুলপুত্তস্স দস্সনীযং সংৰেজনীযং ঠানং। ‘ইধ তথাগতো অনুত্তরং ধম্মচক্কং পৰত্তেসী’তি, ভিক্খৰে, সদ্ধস্স কুলপুত্তস্স দস্সনীযং সংৰেজনীযং ঠানং। ‘ইধ তথাগতো অনুপাদিসেসায নিব্বানধাতুযা পরিনিব্বুতো’তি , ভিক্খৰে, সদ্ধস্স কুলপুত্তস্স দস্সনীযং সংৰেজনীযং ঠানং। ইমানি খো, ভিক্খৰে, চত্তারি সদ্ধস্স কুলপুত্তস্স দস্সনীযানি সংৰেজনীযানি ঠানানী’’তি। অট্ঠমং।
118. ‘‘Cattārimāni, bhikkhave, saddhassa kulaputtassa dassanīyāni saṃvejanīyāni ṭhānāni. Katamāni cattāri? ‘Idha tathāgato jāto’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgato anuttaraṃ sammāsambodhiṃ abhisambuddho’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgato anuttaraṃ dhammacakkaṃ pavattesī’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgato anupādisesāya nibbānadhātuyā parinibbuto’ti , bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. Imāni kho, bhikkhave, cattāri saddhassa kulaputtassa dassanīyāni saṃvejanīyāni ṭhānānī’’ti. Aṭṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৮-১০. সংৰেজনীযাদিসুত্তত্তযৰণ্ণনা • 8-10. Saṃvejanīyādisuttattayavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৮-১০. সংৰেজনীযসুত্তাদিৰণ্ণনা • 8-10. Saṃvejanīyasuttādivaṇṇanā
