| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
12. த்³வாத³ஸமவக்³கோ³
12. Dvādasamavaggo
1. ஸங்வரோ கம்மந்திகதா²வண்ணனா
1. Saṃvaro kammantikathāvaṇṇanā
630-632. இதா³னி ஸங்வரோ கம்மந்திகதா² நாம ஹோதி. தத்த² ‘‘சக்கு²னா ரூபங் தி³ஸ்வா நிமித்தக்³கா³ஹீ ஹோதி, ந நிமித்தக்³கா³ஹீ ஹோதீ’’தி ஸுத்தங் நிஸ்ஸாய ‘‘ஸங்வரோபி அஸங்வரோபி கம்ம’’ந்தி யேஸங் லத்³தி⁴, ஸெய்யதா²பி மஹாஸங்கி⁴கானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ.
630-632. Idāni saṃvaro kammantikathā nāma hoti. Tattha ‘‘cakkhunā rūpaṃ disvā nimittaggāhī hoti, na nimittaggāhī hotī’’ti suttaṃ nissāya ‘‘saṃvaropi asaṃvaropi kamma’’nti yesaṃ laddhi, seyyathāpi mahāsaṃghikānaṃ; te sandhāya pucchā sakavādissa, paṭiññā itarassa.
அத² நங் யா ஸகஸமயே சேதனா ‘‘கம்ம’’ந்தி வுத்தா யதா² ஸா காயவசீமனொத்³வாரேஸு பவத்தமானா காயகம்மாதி³னாமங் லப⁴தி, ததா² ‘‘யதி³ தே ஸங்வரோ கம்மங், ஸோபி சக்கு²ந்த்³ரியாதீ³ஸு பவத்தமானோ சக்கு²கம்மாதி³னாமங் லபெ⁴ய்யா’’தி சோதே³துங் சக்கு²ந்த்³ரியஸங்வரோ சக்கு²கம்மந்திஆதி³மாஹ. இதரோ தாதி³ஸங் ஸுத்தபத³ங் அபஸ்ஸந்தோ சதூஸு த்³வாரேஸு படிக்கி²பித்வா பஞ்சமே காயத்³வாரே பஸாத³காயங் ஸந்தா⁴ய படிக்கி²பதி, விஞ்ஞத்திகாயங் ஸந்தா⁴ய படிஜானாதி. ஸோ ஹி பஸாத³காயம்பி விஞ்ஞத்திகாயம்பி காயிந்த்³ரியந்த்வேவ இச்ச²தி. மனொத்³வாரேபி விபாகத்³வாரங் ஸந்தா⁴ய படிக்கி²பதி, கம்மத்³வாரங் ஸந்தா⁴ய படிஜானாதி. அஸங்வரேபி ஏஸேவ நயோ. ‘‘சக்கு²னா ரூபங் தி³ஸ்வா’’தி ஸுத்தங் தேஸு த்³வாரேஸு ஸங்வராஸங்வரமேவ தீ³பேதி, ந தஸ்ஸ கம்மபா⁴வங், தஸ்மா அஸாத⁴கந்தி.
Atha naṃ yā sakasamaye cetanā ‘‘kamma’’nti vuttā yathā sā kāyavacīmanodvāresu pavattamānā kāyakammādināmaṃ labhati, tathā ‘‘yadi te saṃvaro kammaṃ, sopi cakkhundriyādīsu pavattamāno cakkhukammādināmaṃ labheyyā’’ti codetuṃ cakkhundriyasaṃvaro cakkhukammantiādimāha. Itaro tādisaṃ suttapadaṃ apassanto catūsu dvāresu paṭikkhipitvā pañcame kāyadvāre pasādakāyaṃ sandhāya paṭikkhipati, viññattikāyaṃ sandhāya paṭijānāti. So hi pasādakāyampi viññattikāyampi kāyindriyantveva icchati. Manodvārepi vipākadvāraṃ sandhāya paṭikkhipati, kammadvāraṃ sandhāya paṭijānāti. Asaṃvarepi eseva nayo. ‘‘Cakkhunā rūpaṃ disvā’’ti suttaṃ tesu dvāresu saṃvarāsaṃvarameva dīpeti, na tassa kammabhāvaṃ, tasmā asādhakanti.
ஸங்வரோ கம்மந்திகதா²வண்ணனா.
Saṃvaro kammantikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (116) 1. ஸங்வரோ கம்மந்திகதா² • (116) 1. Saṃvaro kammantikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 1. ஸங்வரோகம்மந்திகதா²வண்ணனா • 1. Saṃvarokammantikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 1. ஸங்வரோகம்மந்திகதா²வண்ணனா • 1. Saṃvarokammantikathāvaṇṇanā
