| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੪੬. ਸਂવਰਨਿਦ੍ਦੇਸવਣ੍ਣਨਾ
46. Saṃvaraniddesavaṇṇanā
੪੫੩. ਸਂવਰਣਂ ਚਕ੍ਖੁਦ੍વਾਰਾਦੀਨਂ ਸਤਿਕવਾਟੇਨ ਪਿਦਹਨਂ ਸਂવਰੋ। ਤਤ੍ਥ ਕਿਞ੍ਚਾਪਿ ਚਕ੍ਖੁਨ੍ਦ੍ਰਿਯੇ ਸਂવਰੋ ਨਤ੍ਥਿ, ਨ ਹਿ ਚਕ੍ਖੁਪਸਾਦਂ ਨਿਸ੍ਸਾਯ ਸਤਿ ਉਪ੍ਪਜ੍ਜਤਿ, ਨੇવ ਭવਙ੍ਗਸਮਯੇ ਆવਜ੍ਜਨਾਦੀਨਂ ਅਞ੍ਞਤਰਸਮਯੇ, ਜવਨਕ੍ਖਣੇ ਪਨ ਉਪ੍ਪਜ੍ਜਤੀਤਿ ਤਦਾ ਸਂવਰੋ ਹੋਤਿ, ਏવਂ ਹੋਨ੍ਤੇ ਪਨ ਸੋ ਚਕ੍ਖੁਦ੍વਾਰਾਦੀਨਂ ਸਂવਰੋਤਿ વੁਚ੍ਚਤਿ। ਚਕ੍ਖੁਸੋਤਾਦਿਭੇਦੇਹੀਤਿ ਚਕ੍ਖੁ ਚ ਸੋਤਞ੍ਚ, ਤਾਨਿ ਆਦਿ ਯੇਸਂ, ਤੇવ ਭੇਦਾ ਚਾਤਿ ਸਮਾਸੋ, ਤੇਹਿ ਦ੍વਾਰੇਹਿ। ਅਭਿਜ੍ਝਾਦਿਪ੍ਪવਤ੍ਤਿਯਾ ਅਚ੍ਚਨ੍ਤੋਪਕਾਰਕਤ੍ਤਾ ਕਰਣਤ੍ਥੇ ਚੇਤ੍ਥ ਤਤਿਯਾ। ਏਤੇਨ ਚਕ੍ਖੁਸੋਤਘਾਨਜਿવ੍ਹਾਕਾਯਮਨਸਙ੍ਖਾਤਾਨਿ ਦ੍વਾਰਾਨਿ વੁਤ੍ਤਾਨਿ। ਰੂਪਸਦ੍ਦਾਦਿਗੋਚਰੇਤਿ ਰੂਪਸਦ੍ਦਗਨ੍ਧਰਸਫੋਟ੍ਠਬ੍ਬਧਮ੍ਮਸਙ੍ਖਾਤੇ વਿਸਯੇ। ਅਭਿਜ੍ਝਾਦੋਮਨਸ੍ਸਾਦਿਪ੍ਪવਤ੍ਤਿਨ੍ਤਿ ਏਤ੍ਥ ਪਰਸਮ੍ਪਤ੍ਤਿਂ ਅਭਿਮੁਖਂ ਝਾਯਤੀਤਿ ਅਭਿਜ੍ਝਾ, ਬਲવਤਣ੍ਹਾ। ਆਦਿ-ਸਦ੍ਦੇਨ ਮਿਚ੍ਛਾਦਿਟ੍ਠਿਆਦਯੋ ਅਨੇਕੇ ਅਕੁਸਲਾ ਧਮ੍ਮਾ ਸਙ੍ਗਹਿਤਾ।
453. Saṃvaraṇaṃ cakkhudvārādīnaṃ satikavāṭena pidahanaṃ saṃvaro. Tattha kiñcāpi cakkhundriye saṃvaro natthi, na hi cakkhupasādaṃ nissāya sati uppajjati, neva bhavaṅgasamaye āvajjanādīnaṃ aññatarasamaye, javanakkhaṇe pana uppajjatīti tadā saṃvaro hoti, evaṃ honte pana so cakkhudvārādīnaṃ saṃvaroti vuccati. Cakkhusotādibhedehīti cakkhu ca sotañca, tāni ādi yesaṃ, teva bhedā cāti samāso, tehi dvārehi. Abhijjhādippavattiyā accantopakārakattā karaṇatthe cettha tatiyā. Etena cakkhusotaghānajivhākāyamanasaṅkhātāni dvārāni vuttāni. Rūpasaddādigocareti rūpasaddagandharasaphoṭṭhabbadhammasaṅkhāte visaye. Abhijjhādomanassādippavattinti ettha parasampattiṃ abhimukhaṃ jhāyatīti abhijjhā, balavataṇhā. Ādi-saddena micchādiṭṭhiādayo aneke akusalā dhammā saṅgahitā.
੪੫੪. ਸਕਂ ਚਿਤ੍ਤਂ ਕਿਟ੍ਠਾਦਿਂ ਦੁਪ੍ਪਸੁਂ વਿਯ ਨਿਗ੍ਗਣ੍ਹੇਯ੍ਯਾਤਿ ਸਮ੍ਬਨ੍ਧੋ। ਕਿਟ੍ਠਨ੍ਤਿ ਕਿਟ੍ਠਟ੍ਠਾਨੇ ਉਪ੍ਪਨ੍ਨਂ ਸਸ੍ਸਂ ਗਹਿਤਂ। ਕਿਟ੍ਠਂ ਅਦਤੀਤਿ ਕਿਟ੍ਠਾਦਿ, ਤਂ। ਸਮ੍ਪਜਾਨੋਤਿ ਸਾਤ੍ਥਕਸਪ੍ਪਾਯਗੋਚਰਅਸਮ੍ਮੋਹਸਙ੍ਖਾਤੇਨ ਚਤੁਸਮ੍ਪਜਞ੍ਞੇਨ ਸਮ੍ਮਾ ਪਜਾਨੋ। ਇਮਿਨਾ ਇਨ੍ਦ੍ਰਿਯਸਂવਰਸੀਲਂ ਕਥਿਤਂ।
454. Sakaṃ cittaṃ kiṭṭhādiṃ duppasuṃ viya niggaṇheyyāti sambandho. Kiṭṭhanti kiṭṭhaṭṭhāne uppannaṃ sassaṃ gahitaṃ. Kiṭṭhaṃ adatīti kiṭṭhādi, taṃ. Sampajānoti sātthakasappāyagocaraasammohasaṅkhātena catusampajaññena sammā pajāno. Iminā indriyasaṃvarasīlaṃ kathitaṃ.
ਸਂવਰਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Saṃvaraniddesavaṇṇanā niṭṭhitā.
