| Library / Tipiṭaka / तिपिटक • Tipiṭaka / जातकपाळि • Jātakapāḷi |
४६२. संवरजातकं (८)
462. Saṃvarajātakaṃ (8)
९७.
97.
जानन्तो नो महाराज, तव सीलं जनाधिपो।
Jānanto no mahārāja, tava sīlaṃ janādhipo;
इमे कुमारे पूजेन्तो, न तं केनचि मञ्ञथ॥
Ime kumāre pūjento, na taṃ kenaci maññatha.
९८.
98.
ञाती तं समनुञ्ञिंसु, सम्पस्सं अत्थमत्तनो॥
Ñātī taṃ samanuññiṃsu, sampassaṃ atthamattano.
९९.
99.
केन संवरवत्तेन, सञ्जाते अभितिट्ठसि।
Kena saṃvaravattena, sañjāte abhitiṭṭhasi;
केन तं नातिवत्तन्ति, ञातिसङ्घा समागता॥
Kena taṃ nātivattanti, ñātisaṅghā samāgatā.
१००.
100.
सक्कच्चं ते नमस्सामि, पादे वन्दामि तादिनं॥
Sakkaccaṃ te namassāmi, pāde vandāmi tādinaṃ.
१०१.
101.
ते मं धम्मगुणे युत्तं, सुस्सूसमनुसूयकं।
Te maṃ dhammaguṇe yuttaṃ, sussūsamanusūyakaṃ;
१०२.
102.
तेसाहं वचनं सुत्वा, समणानं महेसिनं।
Tesāhaṃ vacanaṃ sutvā, samaṇānaṃ mahesinaṃ;
न किञ्चि अतिमञ्ञामि, धम्मे मे निरतो मनो॥
Na kiñci atimaññāmi, dhamme me nirato mano.
१०३.
103.
हत्थारोहा अनीकट्ठा, रथिका पत्तिकारका।
Hatthārohā anīkaṭṭhā, rathikā pattikārakā;
१०४.
104.
महामत्ता च मे अत्थि, मन्तिनो परिचारका।
Mahāmattā ca me atthi, mantino paricārakā;
बाराणसिं वोहरन्ति, बहुमंससुरोदकं॥
Bārāṇasiṃ voharanti, bahumaṃsasurodakaṃ.
१०५.
105.
अथोपि वाणिजा फीता, नानारट्ठेहि आगता।
Athopi vāṇijā phītā, nānāraṭṭhehi āgatā;
तेसु मे विहिता रक्खा, एवं जानाहुपोसथ॥
Tesu me vihitā rakkhā, evaṃ jānāhuposatha.
१०६.
106.
धम्मेन किर ञातीनं, रज्जं कारेहि संवर।
Dhammena kira ñātīnaṃ, rajjaṃ kārehi saṃvara;
१०७.
107.
तं तं ञातिपरिब्यूळ्हं, नानारतनमोचितं।
Taṃ taṃ ñātiparibyūḷhaṃ, nānāratanamocitaṃ;
अमित्ता नप्पसहन्ति, इन्दंव असुराधिपोति॥
Amittā nappasahanti, indaṃva asurādhipoti.
संवरजातकं अट्ठमं।
Saṃvarajātakaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४६२] ८. संवरजातकवण्णना • [462] 8. Saṃvarajātakavaṇṇanā
