| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၅. သမုဋ္ဌာနဝာရော
5. Samuṭṭhānavāro
၁၈၄. မေထုနံ ဓမ္မံ ပဋိသေဝန္တသ္သ အာပတ္တိယော ဆန္နံ အာပတ္တိသမုဋ္ဌာနာနံ ကတိဟိ သမုဋ္ဌာနေဟိ သမုဋ္ဌန္တိ 1? မေထုနံ ဓမ္မံ ပဋိသေဝန္တသ္သ အာပတ္တိယော ဆန္နံ အာပတ္တိသမုဋ္ဌာနာနံ ဧကေန သမုဋ္ဌာနေန သမုဋ္ဌန္တိ – ကာယတော စ စိတ္တတော စ သမုဋ္ဌန္တိ, န ဝာစတော။ပေ.။။
184. Methunaṃ dhammaṃ paṭisevantassa āpattiyo channaṃ āpattisamuṭṭhānānaṃ katihi samuṭṭhānehi samuṭṭhanti 2? Methunaṃ dhammaṃ paṭisevantassa āpattiyo channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca cittato ca samuṭṭhanti, na vācato…pe….
အနာဒရိယံ ပဋိစ္စ ဥဒကေ ဥစ္စာရံ ဝာ ပသ္သာဝံ ဝာ ခေဠံ ဝာ ကရောန္တသ္သ အာပတ္တိ ဆန္နံ အာပတ္တိသမုဋ္ဌာနာနံ ကတိဟိ သမုဋ္ဌာနေဟိ သမုဋ္ဌာတိ? အနာဒရိယံ ပဋိစ္စ ဥဒကေ ဥစ္စာရံ ဝာ ပသ္သာဝံ ဝာ ခေဠံ ဝာ ကရောန္တသ္သ အာပတ္တိ ဆန္နံ အာပတ္တိသမုဋ္ဌာနာနံ ဧကေန သမုဋ္ဌာနေန သမုဋ္ဌာတိ – ကာယတော စ စိတ္တတော စ သမုဋ္ဌာတိ, န ဝာစတော။
Anādariyaṃ paṭicca udake uccāraṃ vā passāvaṃ vā kheḷaṃ vā karontassa āpatti channaṃ āpattisamuṭṭhānānaṃ katihi samuṭṭhānehi samuṭṭhāti? Anādariyaṃ paṭicca udake uccāraṃ vā passāvaṃ vā kheḷaṃ vā karontassa āpatti channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca cittato ca samuṭṭhāti, na vācato.
သမုဋ္ဌာနဝာရော နိဋ္ဌိတော ပဉ္စမော။
Samuṭṭhānavāro niṭṭhito pañcamo.
Footnotes:
