| Library / Tipiṭaka / తిపిటక • Tipiṭaka / పరివారపాళి • Parivārapāḷi |
౫. సముట్ఠానవారో
5. Samuṭṭhānavāro
౨౫౩. కాయసంసగ్గం సాదియనపచ్చయా ఆపత్తియో ఛన్నం ఆపత్తిసముట్ఠానానం కతిహి సముట్ఠానేహి సముట్ఠన్తి? కాయసంసగ్గం సాదియనపచ్చయా ఆపత్తియో ఛన్నం ఆపత్తిసముట్ఠానానం ఏకేన సముట్ఠానేన సముట్ఠన్తి – కాయతో చ చిత్తతో చ సముట్ఠన్తి, న వాచతో…పే॰….
253. Kāyasaṃsaggaṃ sādiyanapaccayā āpattiyo channaṃ āpattisamuṭṭhānānaṃ katihi samuṭṭhānehi samuṭṭhanti? Kāyasaṃsaggaṃ sādiyanapaccayā āpattiyo channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca cittato ca samuṭṭhanti, na vācato…pe….
దధిం విఞ్ఞాపేత్వా భుఞ్జనపచ్చయా ఆపత్తియో ఛన్నం ఆపత్తిసముట్ఠానానం కతిహి సముట్ఠానేహి సముట్ఠన్తి? దధిం విఞ్ఞాపేత్వా భుఞ్జనపచ్చయా ఆపత్తియో ఛన్నం ఆపత్తిసముట్ఠానానం చతూహి సముట్ఠానేహి సముట్ఠన్తి – సియా కాయతో సముట్ఠన్తి, న వాచతో న చిత్తతో; సియా కాయతో చ వాచతో చ సముట్ఠన్తి, న చిత్తతో; సియా కాయతో చ చిత్తతో చ సముట్ఠన్తి, న వాచతో; సియా కాయతో చ వాచతో చ చిత్తతో చ సముట్ఠన్తి.
Dadhiṃ viññāpetvā bhuñjanapaccayā āpattiyo channaṃ āpattisamuṭṭhānānaṃ katihi samuṭṭhānehi samuṭṭhanti? Dadhiṃ viññāpetvā bhuñjanapaccayā āpattiyo channaṃ āpattisamuṭṭhānānaṃ catūhi samuṭṭhānehi samuṭṭhanti – siyā kāyato samuṭṭhanti, na vācato na cittato; siyā kāyato ca vācato ca samuṭṭhanti, na cittato; siyā kāyato ca cittato ca samuṭṭhanti, na vācato; siyā kāyato ca vācato ca cittato ca samuṭṭhanti.
సముట్ఠానవారో నిట్ఠితో పఞ్చమో.
Samuṭṭhānavāro niṭṭhito pañcamo.
