| Library / Tipiṭaka / തിപിടക • Tipiṭaka / പരിവാരപാളി • Parivārapāḷi |
സമുട്ഠാനസീസസങ്ഖേപോ
Samuṭṭhānasīsasaṅkhepo
സമുട്ഠാനസ്സുദ്ദാനം
Samuṭṭhānassuddānaṃ
൨൫൭.
257.
അനിച്ചാ സബ്ബേ സങ്ഖാരാ, ദുക്ഖാനത്താ ച സങ്ഖതാ;
Aniccā sabbe saṅkhārā, dukkhānattā ca saṅkhatā;
നിബ്ബാനഞ്ചേവ പഞ്ഞത്തി, അനത്താ ഇതി നിച്ഛയാ.
Nibbānañceva paññatti, anattā iti nicchayā.
ബുദ്ധചന്ദേ അനുപ്പന്നേ, ബുദ്ധാദിച്ചേ അനുഗ്ഗതേ;
Buddhacande anuppanne, buddhādicce anuggate;
തേസം സഭാഗധമ്മാനം, നാമമത്തം ന നായതി.
Tesaṃ sabhāgadhammānaṃ, nāmamattaṃ na nāyati.
ദുക്കരം വിവിധം കത്വാ, പൂരയിത്വാന പാരമീ;
Dukkaraṃ vividhaṃ katvā, pūrayitvāna pāramī;
ഉപ്പജ്ജന്തി മഹാവീരാ, ചക്ഖുഭൂതാ സബ്രഹ്മകേ.
Uppajjanti mahāvīrā, cakkhubhūtā sabrahmake.
തേ ദേസയന്തി സദ്ധമ്മം, ദുക്ഖഹാനിം സുഖാവഹം;
Te desayanti saddhammaṃ, dukkhahāniṃ sukhāvahaṃ;
അങ്ഗീരസോ സക്യമുനി, സബ്ബഭൂതാനുകമ്പകോ.
Aṅgīraso sakyamuni, sabbabhūtānukampako.
സബ്ബസത്തുത്തമോ സീഹോ, പിടകേ തീണി ദേസയി;
Sabbasattuttamo sīho, piṭake tīṇi desayi;
സുത്തന്തമഭിധമ്മഞ്ച, വിനയഞ്ച മഹാഗുണം.
Suttantamabhidhammañca, vinayañca mahāguṇaṃ.
ഏവം നീയതി സദ്ധമ്മോ, വിനയോ യദി തിട്ഠതി;
Evaṃ nīyati saddhammo, vinayo yadi tiṭṭhati;
ഉഭതോ ച വിഭങ്ഗാനി, ഖന്ധകാ യാ ച മാതികാ.
Ubhato ca vibhaṅgāni, khandhakā yā ca mātikā.
മാലാ സുത്തഗുണേനേവ, പരിവാരേന ഗന്ഥിതാ;
Mālā suttaguṇeneva, parivārena ganthitā;
തസ്സേവ പരിവാരസ്സ, സമുട്ഠാനം നിയതോ കതം.
Tasseva parivārassa, samuṭṭhānaṃ niyato kataṃ.
സമ്ഭേദം നിദാനം ചഞ്ഞം, സുത്തേ ദിസ്സന്തി ഉപരി;
Sambhedaṃ nidānaṃ caññaṃ, sutte dissanti upari;
തസ്മാ സിക്ഖേ പരിവാരം, ധമ്മകാമോ സുപേസലോതി.
Tasmā sikkhe parivāraṃ, dhammakāmo supesaloti.
Related texts:
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / പരിവാര-അട്ഠകഥാ • Parivāra-aṭṭhakathā / സമുട്ഠാനസീസവണ്ണനാ • Samuṭṭhānasīsavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / സമുട്ഠാനസീസവണ്ണനാ • Samuṭṭhānasīsavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / സമുട്ഠാനസീസവണ്ണനാ • Samuṭṭhānasīsavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / സമുട്ഠാനസീസവണ്ണനാ • Samuṭṭhānasīsavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / സമുട്ഠാനസീസവണ്ണനാ • Samuṭṭhānasīsavaṇṇanā
