| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
ਸਮੁਟ੍ਠਾਨਸੀਸਸਙ੍ਖੇਪੋ
Samuṭṭhānasīsasaṅkhepo
ਸਮੁਟ੍ਠਾਨਸ੍ਸੁਦ੍ਦਾਨਂ
Samuṭṭhānassuddānaṃ
੨੫੭.
257.
ਅਨਿਚ੍ਚਾ ਸਬ੍ਬੇ ਸਙ੍ਖਾਰਾ, ਦੁਕ੍ਖਾਨਤ੍ਤਾ ਚ ਸਙ੍ਖਤਾ।
Aniccā sabbe saṅkhārā, dukkhānattā ca saṅkhatā;
ਨਿਬ੍ਬਾਨਞ੍ਚੇવ ਪਞ੍ਞਤ੍ਤਿ, ਅਨਤ੍ਤਾ ਇਤਿ ਨਿਚ੍ਛਯਾ॥
Nibbānañceva paññatti, anattā iti nicchayā.
ਬੁਦ੍ਧਚਨ੍ਦੇ ਅਨੁਪ੍ਪਨ੍ਨੇ, ਬੁਦ੍ਧਾਦਿਚ੍ਚੇ ਅਨੁਗ੍ਗਤੇ।
Buddhacande anuppanne, buddhādicce anuggate;
ਤੇਸਂ ਸਭਾਗਧਮ੍ਮਾਨਂ, ਨਾਮਮਤ੍ਤਂ ਨ ਨਾਯਤਿ॥
Tesaṃ sabhāgadhammānaṃ, nāmamattaṃ na nāyati.
ਦੁਕ੍ਕਰਂ વਿવਿਧਂ ਕਤ੍વਾ, ਪੂਰਯਿਤ੍વਾਨ ਪਾਰਮੀ।
Dukkaraṃ vividhaṃ katvā, pūrayitvāna pāramī;
ਉਪ੍ਪਜ੍ਜਨ੍ਤਿ ਮਹਾવੀਰਾ, ਚਕ੍ਖੁਭੂਤਾ ਸਬ੍ਰਹ੍ਮਕੇ॥
Uppajjanti mahāvīrā, cakkhubhūtā sabrahmake.
ਤੇ ਦੇਸਯਨ੍ਤਿ ਸਦ੍ਧਮ੍ਮਂ, ਦੁਕ੍ਖਹਾਨਿਂ ਸੁਖਾવਹਂ।
Te desayanti saddhammaṃ, dukkhahāniṃ sukhāvahaṃ;
ਅਙ੍ਗੀਰਸੋ ਸਕ੍ਯਮੁਨਿ, ਸਬ੍ਬਭੂਤਾਨੁਕਮ੍ਪਕੋ॥
Aṅgīraso sakyamuni, sabbabhūtānukampako.
ਸਬ੍ਬਸਤ੍ਤੁਤ੍ਤਮੋ ਸੀਹੋ, ਪਿਟਕੇ ਤੀਣਿ ਦੇਸਯਿ।
Sabbasattuttamo sīho, piṭake tīṇi desayi;
ਸੁਤ੍ਤਨ੍ਤਮਭਿਧਮ੍ਮਞ੍ਚ, વਿਨਯਞ੍ਚ ਮਹਾਗੁਣਂ॥
Suttantamabhidhammañca, vinayañca mahāguṇaṃ.
ਏવਂ ਨੀਯਤਿ ਸਦ੍ਧਮ੍ਮੋ, વਿਨਯੋ ਯਦਿ ਤਿਟ੍ਠਤਿ।
Evaṃ nīyati saddhammo, vinayo yadi tiṭṭhati;
ਉਭਤੋ ਚ વਿਭਙ੍ਗਾਨਿ, ਖਨ੍ਧਕਾ ਯਾ ਚ ਮਾਤਿਕਾ॥
Ubhato ca vibhaṅgāni, khandhakā yā ca mātikā.
ਮਾਲਾ ਸੁਤ੍ਤਗੁਣੇਨੇવ, ਪਰਿવਾਰੇਨ ਗਨ੍ਥਿਤਾ।
Mālā suttaguṇeneva, parivārena ganthitā;
ਤਸ੍ਸੇવ ਪਰਿવਾਰਸ੍ਸ, ਸਮੁਟ੍ਠਾਨਂ ਨਿਯਤੋ ਕਤਂ॥
Tasseva parivārassa, samuṭṭhānaṃ niyato kataṃ.
ਸਮ੍ਭੇਦਂ ਨਿਦਾਨਂ ਚਞ੍ਞਂ, ਸੁਤ੍ਤੇ ਦਿਸ੍ਸਨ੍ਤਿ ਉਪਰਿ।
Sambhedaṃ nidānaṃ caññaṃ, sutte dissanti upari;
ਤਸ੍ਮਾ ਸਿਕ੍ਖੇ ਪਰਿવਾਰਂ, ਧਮ੍ਮਕਾਮੋ ਸੁਪੇਸਲੋਤਿ॥
Tasmā sikkhe parivāraṃ, dhammakāmo supesaloti.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
