| Library / Tipiṭaka / તિપિટક • Tipiṭaka / પરિવારપાળિ • Parivārapāḷi |
સમુટ્ઠાનસીસસઙ્ખેપો
Samuṭṭhānasīsasaṅkhepo
સમુટ્ઠાનસ્સુદ્દાનં
Samuṭṭhānassuddānaṃ
૨૫૭.
257.
અનિચ્ચા સબ્બે સઙ્ખારા, દુક્ખાનત્તા ચ સઙ્ખતા;
Aniccā sabbe saṅkhārā, dukkhānattā ca saṅkhatā;
નિબ્બાનઞ્ચેવ પઞ્ઞત્તિ, અનત્તા ઇતિ નિચ્છયા.
Nibbānañceva paññatti, anattā iti nicchayā.
બુદ્ધચન્દે અનુપ્પન્ને, બુદ્ધાદિચ્ચે અનુગ્ગતે;
Buddhacande anuppanne, buddhādicce anuggate;
તેસં સભાગધમ્માનં, નામમત્તં ન નાયતિ.
Tesaṃ sabhāgadhammānaṃ, nāmamattaṃ na nāyati.
દુક્કરં વિવિધં કત્વા, પૂરયિત્વાન પારમી;
Dukkaraṃ vividhaṃ katvā, pūrayitvāna pāramī;
ઉપ્પજ્જન્તિ મહાવીરા, ચક્ખુભૂતા સબ્રહ્મકે.
Uppajjanti mahāvīrā, cakkhubhūtā sabrahmake.
તે દેસયન્તિ સદ્ધમ્મં, દુક્ખહાનિં સુખાવહં;
Te desayanti saddhammaṃ, dukkhahāniṃ sukhāvahaṃ;
અઙ્ગીરસો સક્યમુનિ, સબ્બભૂતાનુકમ્પકો.
Aṅgīraso sakyamuni, sabbabhūtānukampako.
સબ્બસત્તુત્તમો સીહો, પિટકે તીણિ દેસયિ;
Sabbasattuttamo sīho, piṭake tīṇi desayi;
સુત્તન્તમભિધમ્મઞ્ચ, વિનયઞ્ચ મહાગુણં.
Suttantamabhidhammañca, vinayañca mahāguṇaṃ.
એવં નીયતિ સદ્ધમ્મો, વિનયો યદિ તિટ્ઠતિ;
Evaṃ nīyati saddhammo, vinayo yadi tiṭṭhati;
ઉભતો ચ વિભઙ્ગાનિ, ખન્ધકા યા ચ માતિકા.
Ubhato ca vibhaṅgāni, khandhakā yā ca mātikā.
માલા સુત્તગુણેનેવ, પરિવારેન ગન્થિતા;
Mālā suttaguṇeneva, parivārena ganthitā;
તસ્સેવ પરિવારસ્સ, સમુટ્ઠાનં નિયતો કતં.
Tasseva parivārassa, samuṭṭhānaṃ niyato kataṃ.
સમ્ભેદં નિદાનં ચઞ્ઞં, સુત્તે દિસ્સન્તિ ઉપરિ;
Sambhedaṃ nidānaṃ caññaṃ, sutte dissanti upari;
તસ્મા સિક્ખે પરિવારં, ધમ્મકામો સુપેસલોતિ.
Tasmā sikkhe parivāraṃ, dhammakāmo supesaloti.
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā / સમુટ્ઠાનસીસવણ્ણના • Samuṭṭhānasīsavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / સમુટ્ઠાનસીસવણ્ણના • Samuṭṭhānasīsavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / સમુટ્ઠાનસીસવણ્ણના • Samuṭṭhānasīsavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / સમુટ્ઠાનસીસવણ્ણના • Samuṭṭhānasīsavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / સમુટ્ઠાનસીસવણ્ણના • Samuṭṭhānasīsavaṇṇanā
